മക്കരപ്പറമ്പ് അമ്പലപ്പടിയിൽ കിണറ്റിൽ വീണയാളെ അഗ്നിരക്ഷാസേന പുറത്തെത്തിച്ചപ്പോൽ
മലപ്പുറം: അബദ്ധത്തിൽ പൊട്ടക്കിണറ്റിൽ വീണ് കാലിന് പരിക്കേറ്റയാളെ മലപ്പുറം അഗ്നിരക്ഷാസേന രക്ഷിച്ച് ആശുപത്രിയിലെത്തിച്ചു. നാസർ (58) എന്നയാളാണ് അപകടത്തിൽപ്പെട്ടത്. മക്കരപ്പറമ്പ് അമ്പലപ്പടി ഹൈസ്കൂളിന് സമീപമാണ് സംഭവം. രാത്രി കിണറ്റിൽ വീണ ഇയാളെ രാവിലെ പത്തോടെയാണ് നാട്ടുകാർ കണ്ടത്.
എട്ട് മീറ്ററോളം ആഴമുള്ള കിണറ്റിൽ ഇദ്ദേഹത്തിന്‍റെ അരക്കൊപ്പം വെള്ളം ഉണ്ടായിരുന്നു. കോട്ടയം സ്വേദശിയായ നാസർ ഏതാനും വർഷങ്ങളായി അമ്പലപ്പടിയിലെ ക്വാർട്ടേഴ്സിൽ തനിച്ചാണ് താമസം. കൂലിവേല ചെയ്താണ് ജീവിതം.
ഇയാൾ സമീപത്ത് കറങ്ങിനടക്കുന്നതും മതിൽ ചാടികിടക്കുന്നതുമായ സി.സി ടി.വി ദൃശ്യം പുറത്തുവന്നിട്ടുണ്ട്. മലപ്പുറം ഫയർ സ്റ്റേഷനിലെ അസി. സ്റ്റേഷൻ ഓഫിസർ പോൾ വർഗീസിന്‍റെ നേതൃത്വത്തിൽ, സീനിയർ ഫയർ ആൻഡ് റസ്ക്യു ഓഫിസർ മുഹമ്മദലി, ഫയർ ആൻഡ്റസ്ക്യു ഓഫിസർമാരായ മുഹമ്മദ് ഷിബിൻ, അഭിലാഷ്, സുധീഷ്, ശ്രുതി, ശരത് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.