കു​ഴി​മ​ണ്ണ ക​ടു​ങ്ങ​ല്ലൂ​രി​ല്‍ കണ്ട കാ​ല്‍പ്പാ​ടു​ക​ള്‍ പു​ലി​യു​ടേ​ത​ല്ലെ​ന്ന് സ്ഥി​രീ​ക​രിച്ചു

കി​ഴി​ശ്ശേ​രി: കു​ഴി​മ​ണ്ണ ഗ്രാ​മ​പ​ഞ്ചാ​യ​ത്തി​ലെ ക​ടു​ങ്ങ​ല്ലൂ​ര്‍ പ​റ​മ്പി​ല്‍ പു​ലി​യെ ക​ണ്ടെ​ന്ന അ​ഭ്യൂ​ഹ​ത്തെ തു​ട​ര്‍ന്ന് വ​നം വ​കു​പ്പു​ദ്യോ​ഗ​സ്ഥ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ക​ടു​ങ്ങ​ല്ലൂ​ര്‍ ജി.​യു.​പി സ്‌​കൂ​ളി​ന് 200 മീ​റ്റ​റ​ക​ലെ ചി​റ​പ്പാ​ലം റോ​ഡി​ല്‍ ജ​ന​വാ​സ പ്ര​ദേ​ശ​ത്ത് ചൊ​വ്വാ​ഴ്ച വൈ​കു​ന്നേ​രം പു​ലി​യോ​ട് സാ​മ്യ​മു​ള്ള ജീ​വി​യെ നാ​ട്ടു​കാ​ര്‍ കാ​ണു​ക​യാ​യി​രു​ന്നു.

സ്ഥ​ല​ത്ത് ജീ​വി​യു​ടെ കാ​ല്‍പാ​ടു​ക​ളു​മു​ണ്ടാ​യി​രു​ന്നു. പ​രി​ശോ​ധ​ന​ക​ള്‍ക്ക് ശേ​ഷം മേ​ഖ​ല​യി​ല്‍ ക​ണ്ട ജീ​വി പു​ലി​യ​ല്ലെ​ന്ന് വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ സ്ഥി​രീ​ക​രി​ച്ചു. ചെ​റു മൃ​ഗ​ങ്ങ​ളെ​യും കോ​ഴി​ക​ളെ​യും ഭ​ക്ഷി​ക്കു​ന്ന വ​ള്ളി​പ്പു​ലി​യാ​കാ​മെ​ന്ന നി​ഗ​മ​ന​ത്തി​ലാ​ണ് അ​ധി​കൃ​ത​ര്‍. ജാ​ഗ്ര​ത പു​ല​ര്‍ത്താ​നും ജ​ന​ങ്ങ​ള്‍ക്ക് നി​ര്‍ദേ​ശം ന​ല്‍കി​യി​ട്ടു​ണ്ട്.

ചൊ​വ്വാ​ഴ്ച വൈ​കു​ന്നേ​രം പ്ര​ദേ​ശ​വാ​സി​യാ​യ നീ​ര്‍ങ്ങാ​ട​ന്‍ മു​ഹ​മ്മ​ദ് മു​സ്‍ലി​യാ​രാ​ണ് വൈ​കു​ന്നേ​രം ഏ​ഴോ​ടെ റോ​ഡി​നു കു​റു​കെ പു​ലി​ക്ക് സ​മാ​ന​മാ​യ ജീ​വി ഓ​ടി​പ്പോ​യി അ​ടു​ത്തു​ള്ള മ​തി​ല്‍ ചാ​ടി​ക്ക​ട​ക്കു​ന്ന​ത് ക​ണ്ട​ത്. വി​വ​ര​മ​റി​ഞ്ഞ​തോ​ടെ പ്ര​ദേ​ശ​വാ​സി​ക​ള്‍ പ​രി​ഭ്രാ​ന്ത​രാ​കു​ക​യാ​യി​രു​ന്നു.

തു​ട​ര്‍ന്ന് ഗ്രാ​മ​പ​ഞ്ചാ​യ​ത്ത് അ​ധി​കൃ​ത​രും വി​ല്ലേ​ജ് അ​ധി​കൃ​ത​രും വി​വ​ര​മ​റി​യി​ച്ച​തി​നെ തു​ട​ര്‍ന്ന് കൊ​ടു​മ്പു​ഴ ഫോ​റ​സ്റ്റ് സ്‌​റ്റേ​ഷ​നി​ലെ ഡെ​പ്യൂ​ട്ടി റേ​ഞ്ച് ഫോ​റ​സ്റ്റ് ഓ​ഫി​സ​ര്‍ എ. ​നാ​രാ​യ​ണ​ന്റെ നേ​തൃ​ത്വ​ത്തി​ല്‍ വ​നം വ​കു​പ്പ് ഉ​ദ്യോ​ഗ​സ്ഥ​ര്‍ ബു​ധ​നാ​ഴ്ച രാ​വി​ലെ സ്ഥ​ല​ത്തെ​ത്തി പ​രി​ശോ​ധി​ക്കു​ക​യാ​യി​രു​ന്നു. പ​രി​ശോ​ധ​ന​യി​ല്‍ മൃ​ഗ​ത്തെ ക​ണ്ടെ​ത്താ​നാ​യി​ല്ല. ക​ണ്ടെ​ത്തി​യ കാ​ല്‍പ്പാ​ടു​ക​ള്‍ പു​ലി​യു​ടേ​ത​ല്ലെ​ന്ന് സ്ഥി​രീ​ക​രി​ക്കു​ക​യും ചെ​യ്തു. പു​ലി​യു​ടെ സാ​ന്നി​ധ്യം ഉ​റ​പ്പി​ക്കാ​നു​ള്ള ല​ക്ഷ​ണ​ങ്ങ​ളൊ​ന്നും മേ​ഖ​ല​യി​ല്‍ ക​ണ്ടെ​ത്തി​യി​ല്ല.

വ​ള്ളി​പ്പു​ലി ഇ​ന​ത്തി​ല്‍ പെ​ട്ട സ​മാ​ന​മാ​യ കാ​ല്‍പ്പാ​ടു​ള്ള ജീ​വി​ക​ള്‍ ജ​ന​വാ​സ മേ​ഖ​ല​ക​ള്‍ക്ക​ടു​ത്താ​യി കു​റ്റി​ക്കാ​ടു​ക​ളി​ലും മ​റ്റും കാ​ണാ​റു​ണ്ടെ​ന്ന് വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​ഞ്ഞു. ഇ​ത്ത​ര​ത്തി​ലു​ള്ള ജീ​വി​യെ നേ​ര​ത്തെ​യും പ്ര​ദേ​ശ​ത്ത് ക​ണ്ട​താ​യി നാ​ട്ടു​കാ​ര്‍ പ​റ​യു​ന്നു​ണ്ട്. മു​യ​ല്‍, കോ​ഴി, നാ​യ്ക്ക​ള്‍ തു​ട​ങ്ങി​യ ചെ​റു ജീ​വി​ക​ളെ ഭ​ക്ഷ​ണ​മാ​ക്കു​ന്ന ഇ​വ പൊ​തു​വെ മ​നു​ഷ്യ​രെ ആ​ക്ര​മി​ക്കാ​റി​ല്ലെ​ന്നും എ​ങ്കി​ലും ജാ​ഗ്ര​ത വേ​ണ​മെ​ന്നും വ​നം വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​ഞ്ഞു.

പ്ര​ദേ​ശ​ത്തെ നി​ര​വ​ധി വീ​ടു​ക​ളി​ലെ കോ​ഴി​ക​ള്‍ ക​ഴി​ഞ്ഞ ദി​വ​സ​ങ്ങ​ളി​ല്‍ കാ​ണാ​താ​യി​രു​ന്നു. ഇ​ത് പ്ര​ദേ​ശ​ത്തെ​ത്തി​യ മൃ​ഗം പി​ടി​ച്ച​താ​കാ​മെ​ന്നാ​ണ് ക​രു​തു​ന്ന​ത്. വ​നം വ​കു​പ്പ് ഉ​ദ്യോ​ഗ​സ്ഥ​ര്‍ക്ക് പു​റ​മെ കൊണ്ടോ​ട്ടി ഡെ​പ്യൂ​ട്ടി ത​ഹ​സി​ല്‍ദാ​ര്‍ പി.​വി. അ​ഹ​മ്മ​ദ് ഷാ​ജു, കു​ഴി​മ​ണ്ണ വി​ല്ലേ​ജ് ഓ​ഫി​സ​ര്‍ കെ. ​ഫി​റോ​സ്, ഗ്രാ​മ പ​ഞ്ചാ​യ​ത്ത് അം​ഗം സു​ഹ്‌​റ കു​ഞ്ഞി​മോ​ന്‍, അ​രീ​ക്കോ​ട് പൊ​ലീ​സ്, ഗ്രാ​മ പ​ഞ്ചാ​യ​ത്ത് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​രും സ്ഥ​ല​ത്തെ​ത്തി​യി​രു​ന്നു. നാ​ട്ടു​കാ​രും പ​രി​ശോ​ധ​ന​യി​ല്‍ പ​ങ്കെ​ടു​ത്തു.