മഞ്ചേരി: മാനസിക വെല്ലുവിളി നേരിടുന്ന 19കാരിയായ മകളെ ബലാത്സംഗം ചെയ്തു ഗര്‍ഭിണിയാക്കിയ പിതാവിനെ മഞ്ചേരി ഒന്നാം അഡീഷനല്‍ ജില്ല സെഷന്‍സ് കോടതി 10 വര്‍ഷം കഠിനതടവിനും 25,000 രൂപ പിഴയടക്കാനും ശിക്ഷിച്ചു. ചീക്കോട് സ്വദേശിയായ 55കാരനെയാണ് ജഡ്ജി എസ്. നസീറ ശിക്ഷിച്ചത്. പ്രതി പിഴയടക്കാത്തപക്ഷം മൂന്നുമാസത്തെ അധിക തടവ് അനുഭവിക്കണമെന്നും കോടതി ഉത്തരവിട്ടു. 2015 ഫെബ്രുവരി, മാര്‍ച്ച് മാസങ്ങളില്‍ പിതാവിനാല്‍ ബലാത്സംഗം ചെയ്യപ്പെട്ട പെണ്‍കുട്ടി ഗര്‍ഭിണിയാകുകയായിരുന്നു. 2015 നവംബര്‍ 21ന് കോഴിക്കോട് മെഡിക്കല്‍ കോളജ് ആശുപത്രിയില്‍ അതിജീവിത പ്രസവിെച്ചങ്കിലും കുട്ടി മരിച്ചു. വാഴക്കാട് പൊലീസ് രജിസ്റ്റര്‍ ചെയ്ത കേസ് കൊണ്ടോട്ടി സി.ഐയായിരുന്ന പി.കെ. സന്തോഷാണ് അന്വേഷണം നടത്തി കുറ്റപത്രം സമര്‍പ്പിച്ചത്. പ്രോസിക്യൂഷനുവേണ്ടി ഹാജറായ അഡീഷനല്‍ പബ്ലിക് പ്രോസിക്യൂട്ടര് അഡ്വ. സി. വാസു 23 സാക്ഷികളെ കോടതി മുമ്പാകെ വിസ്തരിച്ചു. 26 രേഖകളും ഹാജറാക്കി. എസ്.സി.പി.ഒ സബിത ഓളക്കല്‍ ആയിരുന്നു പ്രോസിക്യൂഷന് അസിസ്റ്റ് ലെയ്‌സണ്‍ ഓഫിസര്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.