കോ​ഴി മാ​ലി​ന‍്യം ത​ള്ളി​യ വാഹനം പൊലീസ് കസ്റ്റഡിയിലെടുത്തു, അതേ വാഹനം മോ​ഷ്ടി​ച്ച് വീ​ണ്ടും മാലിന്യം തള്ളി രണ്ടു യുവാക്കൾ

നി​ല​മ്പൂ​ർ: കോ​ഴി മാ​ലി​ന‍്യം ത​ള്ളി​യ​തി​ന് എ​ട​വ​ണ്ണ പൊ​ലീ​സ് ക​സ്റ്റ​ഡി​യി​ലെ​ടു​ത്ത വാ​ഹ​നം മോ​ഷ്ടി​ച്ച് വീ​ണ്ടും ജ​ന​വാ​സ കേ​ന്ദ്ര​ത്തി​ൽ മാ​ലി​ന‍്യം ത​ള്ളി​യ സം​ഭ​വ​ത്തി​ൽ ര​ണ്ടു​പേ​ർ അ​റ​സ്റ്റി​ൽ. കോ​ഴി​ക്കോ​ട് ബാ​ലു​ശ്ശേ​രി എ​ക​രൂ​ൽ ഉ​ണ്ണി​ക്കു​ളം തി​രു​വോ​ട്ടു​പൊ​യി​ൽ അ​ന​സ് (30), എ​ട​വ​ണ്ണ പ​ത്ത​പ്പി​രി​യം പോ​ത്തു​വെ​ട്ടി പ​ടി​ഞ്ഞാ​റേ​യി​ൽ ലു​ഖ്മാ​നു​ൽ ഹ​ക്കിം (45) എ​ന്നി​വ​രെ​യാ​ണ് എ​ട​വ​ണ്ണ പൊ​ലീ​സ് അ​റ​സ്റ്റ് ചെ​യ്ത​ത്.

മാ​ർ​ച്ച് ഒ​ന്നി​ന് കോ​ഴി അ​വ​ശി​ഷ്ട​ങ്ങ​ൾ അ​ട​ങ്ങി​യ മാ​ലി​ന‍്യം ത​ള്ളി​യ​തി​ന് ര​ണ്ട് പേ​രെ അ​റ​സ്റ്റ് ചെ​യ്യു​ക​യും ലോ​റി ക​സ്റ്റ​ഡി​യി​ലെ​ടു​ക്കു​ക​യും ചെ​യ്തി​രു​ന്നു. ക​സ്റ്റ​ഡി​യി​ലെ​ടു​ത്ത ലോ​റി എ​ട​വ​ണ്ണ സ്റ്റേ​ഷ​നി​ൽ​നി​ന്ന് ര​ണ്ട് കി​ലോ​മീ​റ്റ​ർ അ​ക​ലെ ജ​മാ​ല​ങ്ങാ​ടി​യി​ൽ സ്വ​കാ​ര്യ വ്യ​ക്തി​യു​ടെ സ്ഥ​ല​ത്താ​ണ് നി​ർ​ത്തി​യി​ട്ടി​രു​ന്ന​ത്.

ഏ​പ്രി​ൽ 16ന് ​രാ​ത്രി ഇ​വി​ടെ നി​ന്നും ലോ​റി മോ​ഷ്ടി​ച്ച് കോ​ഴി മാ​ലി​ന‍്യം ക​യ​റ്റി തു​വ്വ​ക്കാ​ട് ത​ല​പ്പാ​റ​യി​ൽ ത​ള്ളു​ക​യാ​യി​രു​ന്നു. അ​ന​സി​നെ കോ​ഴി​ക്കോ​ട് നി​ന്നും ലു​ഖ്മാ​നെ എ​ട​വ​ണ്ണ​യി​ലെ വീ​ട്ടി​ൽ നി​ന്നു​മാ​ണ് പി​ടി​കൂ​ടി​യ​ത്. ലു​ഖ്മാ​ൻ രാ​സ​ല​ഹ​രി കേ​സി​ൽ മു​മ്പ് പ്ര​തി​യാ​ണെ​ന്ന് പൊ​ലീ​സ് പ​റ​ഞ്ഞു.