നിലമ്പൂർ: യുനെസ്കോ ലേണിങ് സിറ്റി നിലമ്പൂർ നഗരസഭ, കേരള വ്യാപാരി വ്യവസായ ഏകോപന സമിതി, വ്യാപാരി വ്യവസായി സമിതി, റോട്ടറി ക്ലബ്‌, ടാക്സി ഡ്രൈവേഴ്സ് യൂനിയൻ, നിലമ്പൂർ പൗരാവലി എന്നിവർ സംയുക്തമായി സംഘടിപ്പിക്കുന്ന പാട്ടുത്സവം ഷോപ്പിങ് ടൂറിസം ഫെസ്റ്റിവലിന്‍റെ ഭാഗമായുള്ള മെഗാ സ്റ്റേജ് ഷോ വെള്ളിയാഴ്ച മുതൽ ആരംഭിക്കും. പാട്ടുത്സവം കാർണിവലിനോട്‌ സമീപം പ്രത്യേകം സജ്ജീകരിച്ച വേദിയിൽ 15 വരെ നീണ്ടുനിൽക്കും.
വെള്ളിയാഴ്ച മ്യൂസിക് ബാൻഡ് അവതരിപ്പിക്കുന്ന കലാസന്ധ്യ അരങ്ങേറും. നവാഗത സംവിധായകനായ സജിൽ മമ്പാട് സംവിധാനം ചെയ്യുന്ന ‘കടകൻ’ സിനിമയിലെ അണിയറ പ്രവർത്തകർ അണിയിച്ചൊരുക്കുന്ന കടകൻ മെഗാ ഷോ അരങ്ങേറും. 14ന് ഗായിക ലക്ഷ്മി ജയൻ അണിയിച്ചൊരുക്കുന്ന സംഗീതവിരുന്നും താബൂലം മ്യൂസിക് ബാൻഡ് ഒരുക്കുന്ന മെഗാ ഷോയും റൺവേ ബീറ്റ്സ് ഒരുക്കുന്ന ഫാഷൻ ഷോ എന്നിവ അരങ്ങേറും.
മെഗാ ഷോയുടെ സമാപന ദിവസമായ 15ന് ശിഖ പ്രഭാകരൻ ഫൈസൽ റാസി ഒന്നിക്കുന്ന പെർഫോമിങ് ലൈവ് ഉറുമി നടക്കും. വാർത്ത സമ്മേളനത്തിൽ നഗരസഭ ചെയർമാൻ മാട്ടുമ്മൽ സലീം, വൈസ് ചെയർപേഴ്സൻ അരുമ ജയകൃഷ്ണൻ, വികസനകാര്യ സ്റ്റാൻഡിങ് കമ്മിറ്റി ചെയർമാൻ പി.എം. ബഷീർ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സ്‌കറിയ കിനാതോപ്പിൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.