ആ​യു​ർ​വേ​ദ ആ​ശു​പ​ത്രി ശോ​ച്യാ​വ​സ്ഥ​യി​ൽ; താ​ൽ​ക്കാ​ലി​ക കേ​ന്ദ്ര​ത്തി​ലേ​ക്ക് മാ​റ്റും

പെ​രി​ന്ത​ൽ​മ​ണ്ണ: അ​ഞ്ചു​കോ​ടി രൂ​പ ചെ​ല​വി​ൽ പെ​രി​ന്ത​ൽ​മ​ണ്ണ ചോ​ലോം​കു​ന്നി​ൽ ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള അ​ര​യേ​ക്ക​ർ സ്ഥ​ല​ത്ത് നി​ർ​മാ​ണം തു​ട​ങ്ങി​യ ഗ​വ. ആ​യു​ർ​വേ​ദ ആ​ശു​പ​ത്രി പൂ​ർ​ത്തി​യാ​വു​ന്ന​ത് കാ​ത്തി​രി​ക്കാ​തെ നി​ല​വി​ലെ ആ​ശു​പ​ത്രി താ​ൽ​ക്കാ​ലി​ക കെ​ട്ടി​ട​ത്തി​ലേ​ക്ക് മാ​റ്റാ​ൻ തീ​രു​മാ​നം. കെ​ട്ടി​ട​ത്തി​ന്റെ ശോ​ച്യാ​വ​സ്ഥ പ​രി​ഗ​ണി​ച്ചാ​ണി​ത്. ആ​യു​ർ​വേ​ദ ആ​ശു​പ​ത്രി​ക്ക് അ​നു​യോ​ജ്യ​മാ​യ താ​ത്കാ​ലി​ക കെ​ട്ടി​ടം ക​ണ്ടെ​ത്താ​ൻ ആ​രോ​ഗ്യ മെ​യി​ന്റ​ന​ൻ​സ് ക​മ്മി​റ്റി​ക്ക് നി​ർ​ദ്ദേ​ശം ന​ൽ​കി. സ്ഥ​ലം അ​ടി​യ​ന്ത​ര​മാ​യി ക​ണ്ടെ​ത്തി ആ​ശു​പ​ത്രി പ്ര​വ​ർ​ത്ത​നം താ​ൽ​ക്കാ​ലി​ക​മാ​യി മാ​റ്റു​മെ​ന്ന് ന​ഗ​ര​സ​ഭ അ​ധി​കൃ​ത​ർ അ​റി​യി​ച്ചു.

നാ​ലു​വ​ർ​ഷം മു​മ്പാ​ണ് പു​തി​യ കെ​ട്ടി​ടം നി​ർ​മാ​ണം ആ​രം​ഭി​ച്ച​ത്. നാ​ലു​മാ​സം കൊ​ണ്ട് പൂ​ർ​ത്തി​യാ​ക്കാ​ൻ ല​ക്ഷ്യ​മി​ട്ട​താ​യി​രു​ന്നു. ബം​ഗ​ളൂ​രു ആ​സ്ഥാ​ന​മാ​യ എ.​യു.​എ​സ് ക​ൺ​സോ​ർ​ഷ്യ​മാ​ണ് പ​ദ്ധ​തി​യു​ടെ രൂ​പ​രേ​ഖ ത​യാ​റാ​ക്കി​യ​ത്. അ​ഞ്ചു കോ​ടി​യി​ൽ 75 ല​ക്ഷം ദേ​ശീ​യ ആ​യു​ഷ്മി​ഷ​ൻ വി​ഹി​ത​വും ബാ​ക്കി ന​ഗ​ര​സ​ഭ ഫ​ണ്ടും ഉ​പ​യോ​ഗി​ക്കാ​നാ​യി​രു​ന്നു തീ​രു​മാ​നം. പ്രീ ​ഫാ​ബ് സാ​ങ്കേ​തി​ക വി​ദ്യ​യി​ൽ പൊ​തു​മേ​ഖ​ല ക​മ്പ​നി​യാ​യ എ​ഫ്.​എ.​സി.​ടി.​ആ​ർ സി.​എ​ഫ് ആ​ണ് നി​ർ​മാ​ണം തു​ട​ങ്ങി​യ​ത്. ഫ​ണ്ടി​ല്ലാ​തെ ന​ഗ​ര​സ​ഭ ക​ട​ക്കെ​ണി​യി​ൽ വ​ല​ഞ്ഞ​തും മു​ൻ​ഗ​ണ​ന പാ​ലി​ക്കാ​തെ പ​ദ്ധ​തി​ക​ൾ​ക്ക് പ​ണം വി​നി​യോ​ഗി​ച്ച​തു​മ​ട​ക്ക​മാ​ണ് കെ​ട്ടി​ട നി​ർ​മാ​ണം മു​ട​ങ്ങാ​ൻ കാ​ര​ണം.

നാ​ലു വ​ർ​ഷ​മാ​യി​ട്ടും ഏ​താ​നും തൂ​ണു​ക​ളി​ൽ നി​ൽ​ക്കു​ക​യാ​ണ്. 1959ൽ ​ആ​രം​ഭി​ച്ച​താ​ണ് ന​ല​വി​ലെ ആ​ശു​പ​ത്രി. ജൂ​ബി​ലി റോ​ഡി​ലെ ആ​ശു​പ​ത്രി കെ​ട്ടി​ട​ത്തി​ൽ അ​ഞ്ചു സ്ത്രീ​ക​ളെ​യും അ​ഞ്ചു പു​രു​ഷ​ൻ​മാ​രെ​യും കി​ട​ത്തി ചി​കി​ത്സി​ക്കാ​ൻ സൗ​ക​ര്യ​മു​ള്ള താ​ലൂ​ക്കി​ലെ ഏ​ക ആ​ശു​പ​ത്രി​യാ​ണ്. ചീ​ഫ് മെ​ഡി​ക്ക​ൽ ഓ​ഫി​സ​റും ര​ണ്ടു ഡോ​ക്ട​ർ​മാ​രും ര​ണ്ട് തെ​റാ​പ്പി​സ്റ്റു​ക​ളു​മാ​ണു​ള്ള​ത്. പ്ര​തി​ദി​നം നൂ​റു മു​ത​ൽ 150 വ​രെ രോ​ഗി​ക​ൾ ഇ​വി​ടെ​യെ​ത്തു​ന്നു​ണ്ട്.