തീരദേശവാസികളുടെ ആവശ്യം യാഥാർഥ്യമാകുന്നു

പൊ​ന്നാ​നി: സാ​ങ്കേ​തി​കകു​രു​ക്കു​ക​ൾ അ​ഴി​ഞ്ഞ​തോ​ടെ പൊ​ന്നാ​നി തീ​ര​ദേ​ശ മേ​ഖ​ല​യി​ലെ ക​ട​ൽ​ഭി​ത്തി നി​ർ​മാ​ണം ടെ​ൻ​ഡ​ർ ന​ട​പ​ടി​ക​ളി​ലേ​ക്ക്. മേ​ഖ​ല​യി​ൽ ക​ട​ൽ​ഭി​ത്തി നി​ർ​മ്മാ​ണം ഉ​ട​ൻ ആ​രം​ഭി​ക്കു​മെ​ന്ന് പി. ​ന​ന്ദ​കു​മാ​ർ എം.​എ​ൽ.​എ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു. മ​ണ്ഡ​ല​ത്തി​ൽ ക​ട​ൽ​ഭി​ത്തി നി​ർ​മി​ക്കാ​ൻ പ​ത്ത് കോ​ടി രൂ​പ സം​സ്ഥാ​ന സ​ർ​ക്കാ​ർ അ​നു​വ​ദി​ച്ചെ​ങ്കി​ലും സാ​ങ്കേ​തി​കകു​രു​ക്കു​ക​ളി​ൽ അ​ക​പ്പെ​ട്ട് നി​ർ​മാ​ണം വൈ​കു​ക​യാ​യി​രു​ന്നു. ക​ല്ലി​ന്റെ വി​ല നി​ശ്ച​യി​ക്ക​ൽ ഉ​ൾ​പ്പെ​ടെ പൂ​ർ​ത്തി​യാ​യ ശേ​ഷ​മാ​ണ് പ​ദ്ധ​തി​ക്ക് ടെ​ൻ​ഡ​ർ ന​ട​പ​ടി​ക​ളി​ലേ​ക്ക് ക​ട​ക്കു​ന്ന​ത്.

പൊ​ന്നാ​നി, വെ​ളി​യ​ങ്കോ​ട്, പെ​രു​മ്പ​ട​പ്പ് മേഖലയി​ലെ പ​തി​നൊ​ന്ന് കി​ലോ​മീ​റ്റ​റി​ല​ധി​കം പ​രി​ധി​യി​ൽ 1100 മീ​റ്റ​ർ ഭാ​ഗ​ത്താണ് 10 കോ​ടി ചെ​ല​വ​ഴി​ച്ച് ക​ട​ൽ​ഭി​ത്തി നി​ർ​മി​ക്കു​ക. ഇ​തി​ൽ പൊ​ന്നാ​നി ന​ഗ​ര​സ​ഭ പ​രി​ധി​യി​ൽ മ​ര​ക്ക​ട​വ് മു​ത​ൽ അ​ലി​യാ​ർ പ​ള്ളി വ​രെ​യു​ള്ള 600 മീ​റ്റ​ർ ഭാ​ഗം, വെ​ളി​യ​ങ്കോ​ട് ത​ണ്ണി​ത്തു​റ​യി​ൽ 235 മീ​റ്റ​ർ, പാ​ല​പ്പെ​ട്ടി​യി​ൽ 250 മീ​റ്റ​ർ എ​ന്നി​വ​യാ​ണ് ഉ​ൾ​പ്പെ​ട്ടി​ട്ടു​ള്ള​ത്. ക​ട​ലാ​ക്ര​മ​ണം രൂ​ക്ഷ​മാ​യി ബാ​ധി​ക്കു​ന്ന എം.​ഇ.​എ​സ് കോ​ള​ജി​ന് പി​ൻ​വ​ശം, ഹി​ള​ർ പ​ള്ളി പ​രി​സ​രം, മു​റി​ഞ്ഞ​ഴി, മൈ​ലാ​ഞ്ചി​ക്കാ​ട് ഭാ​ഗ​ങ്ങ​ളി​ൽ ക​ട​ൽ​ഭി​ത്തി​ക്കാ​യി ഇ​നി​യും കാ​ത്തി​രി​ക്കേ​ണ്ടി വ​രും. നേ​ര​ത്തെ​യു​ണ്ടാ​യ ക​ട​ലാ​ക്ര​മ​ണ​ങ്ങ​ളി​ൽ ഈ ​ഭാ​ഗ​ത്തെ ക​ല്ലു​ക​ളെ​ല്ലാം മ​ണ്ണി​ന​ടി​യി​ലാ​ണ്. ഇ​തി​നാ​ൽ ക​ട​ലാ​ക്ര​മ​ണ​മു​ണ്ടാ​യാ​ൽ വ​ലി​യ നാ​ശ​മാ​കും സം​ഭ​വി​ക്കു​ക. അ​തേ​സ​മ​യം, താ​ലൂ​ക്കി​ൽ പൂ​ർ​ണ​മാ​യും ടെ​ട്രാ​പോ​ഡ് സം​വി​ധാ​ന​ത്തി​ൽ സു​ര​ക്ഷാ​ഭി​ത്തി നി​ർ​മി​ക്കാ​ൻ ചെ​ല്ലാ​ന​ത്ത് നി​ന്നു​ള്ള സാ​ങ്കേ​തി​ക വി​ദ​ഗ്ധ​ർ പൊ​ന്നാ​നി താ​ലൂ​ക്കി​ലെ തീ​ര​മേ​ഖ​ല​ക​ളി​ൽ പ​ഠ​നം ന​ട​ത്തി​യി​രു​ന്നു. 10 കോ​ടി രൂ​പ അ​നു​വ​ദി​ച്ച് ഈ ​കാ​ല​വ​ർ​ഷ​ത്തി​ന് മു​മ്പ് ത​ന്നെ ക​ട​ൽ​ഭി​ത്തി നി​ർ​മി​ക്കാ​നാ​ണ് തീ​രു​മാ​നം.