തിരൂരങ്ങാടി താലൂക്കാശുപത്രി പോസ്റ്റ്‌മോര്‍ട്ട വിവാദം: സെക്യൂരിറ്റി ജീവനക്കാരനെ പിരിച്ചുവിട്ടു

തി​രൂ​ര​ങ്ങാ​ടി: താ​ലൂ​ക്കാ​ശു​പ​ത്രി​യി​ലെ പോ​സ്റ്റ് മോ​ര്‍ട്ട വി​വാ​ദ​ത്തി​ല്‍ ദൃ​ക്സാ​ക്ഷി​ക്കെ​തി​രെ സൂ​പ്ര​ണ്ടി​ന്റെ പ്ര​തി​കാ​ര ന​ട​പ​ടി​യെ​ന്ന് പ​രാ​തി. അ​ഞ്ച് മാ​സ​ത്തോ​ള​മാ​യി ആ​ശു​പ​ത്രി​യി​ല്‍ സെ​ക്യൂ​രി​റ്റി ജോ​ലി ചെ​യ്തി​രു​ന്ന പെ​രു​വ​ള്ളൂ​ര്‍ പ​റ​മ്പി​ല്‍ പീ​ടി​ക സ്വ​ദേ​ശി ഹം​സ​യെ (62) പി​രി​ച്ചു​വി​ട്ടു. ക​രാ​റ​ടി​സ്ഥാ​ന​ത്തി​ലാ​ണ് ഇ​ദ്ദേ​ഹം ജോ​ലി ചെ​യ്തി​രു​ന്ന​ത്. ജ​നു​വ​രി ര​ണ്ടി​ന് പു​ല​ര്‍ച്ചെ മൂ​ന്നി​ന് അ​ത്യാ​ഹി​ത വി​ഭാ​ഗ​ത്തി​ലെ​ത്തി​യ രോ​ഗി മ​രി​ച്ച​തു​മാ​യി ബ​ന്ധ​പ്പെ​ട്ടാ​ണ് വി​വാ​ദം ഉ​ട​ലെ​ടു​ത്ത​ത്. ആ ​സ​മ​യ​ത്ത് അ​ത്യാ​ഹി​ത​വി​ഭാ​ഗ​ത്തി​ന് പു​റ​ത്ത് ഡ്യൂ​ട്ടി​യി​ലു​ണ്ടാ​യി​രു​ന്ന​ത് ഹം​സ​യാ​യി​രു​ന്നു. രോ​ഗി​യെ വീ​ല്‍ചെ​യ​റി​ലേ​ക്ക് മാ​റ്റി​യ​തും കാ​ഷ്വാ​ല്‍റ്റി ബെ​ഡി​ല്‍ കി​ട​ത്തി​യ​തും റ​സ്റ്റ് റൂ​മി​ലാ​യി​രു​ന്ന ഡോ​ക്ട​റെ വി​ളി​ച്ച് കൊ​ണ്ടു​വ​ന്ന​തു​മെ​ല്ലാം ഹം​സ​യാ​യി​രു​ന്നു. ആ​ശു​പ​ത്രി​യി​ലെ​ത്തി​ക്കു​മ്പോ​ള്‍ ജീ​വ​നു​ണ്ടാ​യി​രു​ന്നെ​ന്ന് ബ​ന്ധു​ക്ക​ള്‍ പ​റ​ഞ്ഞ​ത് ഹം​സ ശ​രി​വെ​ച്ചി​രു​ന്നു.

എ​ന്നാ​ല്‍, പ​തി​ന​ഞ്ച് മി​നി​റ്റി​ന് ശേ​ഷം ഡോ​ക്ട​റെ​ത്തി രോ​ഗി​യെ പ​രി​ശോ​ധി​ച്ച​പ്പോ​ള്‍ മ​രി​ച്ചി​രു​ന്നു. ഇ​തോ​ടെ മ​രി​ച്ച ശേ​ഷ​മാ​ണ് ആ​ശു​പ​ത്രി​യി​ലെ​ത്തി​ച്ച​തെ​ന്ന് കാ​ണി​ച്ച് ഡോ​ക്ട​ര്‍ പൊ​ലീ​സി​നെ അ​റി​യി​ക്കു​ക​യാ​യി​രു​ന്നു. വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ല്‍ തി​രൂ​ര​ങ്ങാ​ടി ന​ഗ​ര​സ​ഭ ഉ​ന്ന​ത​ത​ല യോ​ഗം വി​ളി​ക്കു​ക​യും സ​മ​ഗ്ര അ​ന്വേ​ഷ​ണം ആ​വ​ശ്യ​പ്പെ​ടു​ക​യും ചെ​യ്തി​രു​ന്നു. അ​ന്വേ​ഷ​ണം ആ​രം​ഭി​ക്കാ​നി​രി​ക്കെ​യാ​ണ് ദൃ​ക്സാ​ക്ഷി​യാ​യ സെ​ക്യൂ​രി​റ്റി ജീ​വ​ന​ക്കാ​ര​നെ പി​രി​ച്ച് വി​ട്ടി​രി​ക്കു​ന്ന​ത്. രോ​ഗി​യെ കൊ​ണ്ടു​വ​ന്ന​പ്പോ​ള്‍ ജീ​വ​നു​ണ്ടാ​യി​രു​ന്ന​താ​യി ഹം​സ സം​ശ​യം പ്ര​ക​ടി​പ്പി​ച്ച​താ​ണ് ഇ​ദ്ദേ​ഹ​ത്തെ പി​രി​ച്ച് വി​ടാ​ന്‍ കാ​ര​ണ​മെ​ന്നാ​ണ് ആ​ക്ഷേ​പം.