പ്രവീഷ്
തിരൂർ: അനധികൃതമായി മദ്യവിൽപന നടത്തിയ യുവാവ് എക്സൈസ് പിടിയിൽ. തിരൂർ അന്നശ്ശേരി ഭാഗത്ത് സ്കൂട്ടറിൽ മദ്യ വിൽപന നടത്തിയ മംഗലം പുല്ലൂണി കാരാറ്റുകടവ് പ്രവീഷിനെ (36) ആണ് തിരൂർ എക്സൈസ് സർക്കിൾ ഇൻസ്പെക്ടർ എ. സാദിഖും പാർട്ടിയും അറസ്റ്റ് ചെയ്തത്.
വ്യാഴാഴ്ച വൈകീട്ട് ആറോടെയാണ് സംഭവം. ഇയാളിൽനിന്ന് 10.5 ലിറ്റർ മദ്യവും പിടിച്ചെടുത്തു. അസിസ്റ്റന്റ് എക്സൈസ് ഇൻസ്പെക്ടർ കെ.എം. ബാബുരാജ്, പ്രിവെന്റീവ് ഓഫിസർ അബ്ദുസമദ് തോട്ടശ്ശേരി, സിവിൽ എക്സൈസ് ഓഫിസർമാരായ കെ.വി റിബീഷ്, അരുൺരാജ്, വനിത സിവിൽ എക്സൈസ് ഓഫിസർ സജിത, സിവിൽ എക്സൈസ് ഓഫിസർ ഡ്രൈവർ അഭിലാഷ് എന്നിവരാണ് പരിശോധനയിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.