ചെരുപ്പടി മലയിൽ തുടർക്കഥയായി അപകടങ്ങൾ

വേ​ങ്ങ​ര: ചെ​രു​പ്പ​ടി മ​ല​യി​ലേ​ക്കു​ള്ള റോ​ഡു​ക​ളു​ടെ അ​ശാ​സ്ത്രീ​യ​ത​യും അ​ശ്ര​ദ്ധ​മാ​യ ഡ്രൈ​വി​ങ്ങും കാ​ര​ണം വാ​ഹ​നാ​പ​ക​ട​ങ്ങ​ൾ കു​ത്ത​നെ കൂ​ടു​ന്നു. ര​ണ്ട് വി​ദ്യാ​ർ​ഥി​ക​ളു​ടെ അ​പ​ക​ട മ​ര​ണ​ത്തി​ന്റെ ഞെ​ട്ട​ലി​ൽ നി​ന്ന് മു​ക്ത​മാ​വും മു​മ്പാ​ണ് തി​ങ്ക​ളാ​ഴ്ച ബൈ​ക്ക് മ​റി​ഞ്ഞ് റോ​ഡി​നു​താ​ഴെ യു​വാ​വി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മി​നി ഊ​ട്ടി​യി​ൽ വി​നോ​ദ​സ​ഞ്ചാ​ര​ത്തി​ന് സാ​ധ്യ​ത ഏ​റി​യ​തോ​ടെ ഇ​വി​ടം സ​ന്ദ​ർ​ശി​ക്കു​ന്ന​വ​രു​ടെ എ​ണ്ണം കൂ​ടി വ​രി​ക​യാ​ണ്. അ​വ​ധി ദി​വ​സ​ങ്ങ​ളി​ൽ സ​ഞ്ചാ​രി​ക​ളു​ടെ എ​ണ്ണം ക്ര​മാ​തീ​ത​മാ​യി പെ​രു​കും. പ്ര​ധാ​ന​മ​ന്ത്രി സ​ഡ​ക് യോ​ജ​ന പ​ദ്ധ​തി പ്ര​കാ​രം നി​ർ​മി​ച്ച റോ​ഡി​ൽ ചെ​റി​യ​കാ​ട് അ​ങ്ങാ​ടി ക​ഴി​ഞ്ഞ ഉ​ട​നെ​യു​ള്ള വ​ള​വും ക​യ​റ്റ​വു​മാ​ണ് പ​ല​പ്പോ​ഴും അ​പ​ക​ട​ങ്ങ​ൾ​ക്ക് കാ​ര​ണ​മാ​വു​ന്ന​ത്.

മ​ല​യു​ടെ ഉ​ച്ചി​യി​ൽ​നി​ന്നും താ​ഴോ​ട്ട് ന​ല്ല സ്പീ​ഡി​ലാ​ണ് പ​ല​പ്പോ​ഴും യാ​ത്ര​ക്കാ​ർ ബൈ​ക്കി​ൽ വ​രു​ന്ന​ത്. തൊ​ട്ടു​മു​ന്നി​ൽ എ​ത്തു​മ്പോ​ഴാ​ണ് വ​ള​വ് ശ്ര​ദ്ധ​യി​ൽ പെ​ടു​ക. മാ​ത്ര​മ​ല്ല, ഈ ​വ​ള​വി​ന് താ​ഴെ വ​ലി​യ കു​ഴി​യാ​ണ്. കൂ​ടി​യ സ്പീ​ഡി​ൽ, വ​ള​വ​റി​യാ​തെ മു​ക​ളി​ൽ നി​ന്ന് വ​രു​ന്ന വാ​ഹ​ന​ങ്ങ​ൾ പെ​ട്ടെ​ന്ന് ഇ​ട​ത് വ​ശ​ത്തേ​ക്ക് തി​രി​ക്കു​ന്ന​തോ​ടെ വാ​ഹ​നം നി​യ​ന്ത്ര​ണം വി​ട്ടു മ​റി​യു​ക​യും ഓ​ടി​ക്കു​ന്ന​യാ​ൾ താ​ഴോ​ട്ടുപ​തി​ക്കു​ക​യും ചെ​യ്യും.

ക​രി​ങ്ക​ൽ കൂ​ട്ട​ങ്ങ​ളി​ൽ ത​ല​യ​ടി​ച്ച് വീ​ഴു​ന്ന​വ​ർ പ​ല​പ്പോ​ഴും മ​ര​ണ​ത്തി​ന് കീ​ഴ​ട​ങ്ങും. ക​ഴി​ഞ്ഞ മാ​സം ബൈ​ക്ക് മ​റി​ഞ്ഞ് ര​ണ്ട് ചെ​റു​പ്പ​ക്കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഇ​പ്പോ​ഴും കോ​മ​യി​ലാ​ണ്. ഇ​ത്ത​വ​ണ പു​തു​വ​ർ​ഷം പി​റ​ന്ന് മൂ​ന്നു​മാ​സം ക​ഴി​ഞ്ഞ​പ്പോ​ഴേ​ക്ക് അ​ര ഡ​സ​നി​ല​ധി​കം കൗ​മാ​ര​ക്കാ​രു​ടെ ജീ​വ​നാ​ണ് ഇ​വി​ടെ മാ​ത്ര​മാ​യി പൊ​ലി​ഞ്ഞ​ത്. റോ​ഡി​നു പാ​ർ​ശ്വ​ഭി​ത്തി കെ​ട്ട​ണ​മെ​ന്ന് നാ​ട്ടു​കാ​ർ നി​ര​ന്ത​ര​ം ഉ​ന്ന​യി​ക്കു​ന്ന ആ​വ​ശ്യ​മാ​ണ്‌.