നെന്മാറ-വല്ലങ്ങി വേല; ഗം​ഭീ​ര​മാ​യി പ​ക​ൽ വെ​ടി​ക്കെ​ട്ട്

നെ​ന്മാ​റ: ഒ​ഴു​കി​യെ​ത്തി​യ ജ​ന​സ​ഹ​സ്ര​ങ്ങ​ൾ​ക്ക് ക​ൺ​നി​റ​യെ കാ​ഴ്ച​ക​ൾ സ​മ്മാ​നി​ച്ച് നെ​ന്മാ​റ-​വ​ല്ല​ങ്ങി വേ​ല പെ​യ്തി​റ​ങ്ങി. വേ​ല​യു​ടെ ദൃ​ശ്യ-​ശ്രാ​വ്യ വി​രു​ന്ന് ആ​സ്വ​ദി​ക്കാ​ൻ വ്യാ​ഴാ​ഴ്ച രാ​വി​ലെ മു​ത​ൽ ത​ന്നെ പു​രു​ഷാ​രം വ​ല്ല​ങ്ങി​പ്പാ​ട​ത്തേ​ക്ക് ഒ​ഴു​കി​യെ​ത്തി​യി​രു​ന്നു. ചൂ​ടും വെ​യി​ലും കു​റ​വാ​യ​തി​നാ​ൽ മ​ധ്യാ​ഹ്ന​ത്തോ​ടെ വ​ഴി​ക​ളി​ൽ തി​ര​ക്ക് വ​ർ​ധി​ച്ചു. ത​ട്ട​ക​മാ​യ നെ​ല്ലി​ക്കു​ള​ങ്ങ​ര ക്ഷേ​ത്ര​ത്തി​ൽ പു​ല​ർ​ച്ചെ മു​ത​ൽ ത​ന്നെ സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള ഭ​ക്ത​ജ​ന​ങ്ങ​ളു​ടെ തി​ര​ക്കു​ണ്ടാ​യി​രു​ന്നു. രാ​വി​ലെ 11ന് ​നെ​ന്മാ​റ ദേ​ശ​ത്തി​ന്റെ മ​ന്ദ​ത്ത് ദേ​വീ പൂ​ജ​ക​ൾ​ക്ക് ശേ​ഷം എ​ഴു​ന്ന​ള്ള​ത്ത് തു​ട​ങ്ങി. പു​തു​പ്പ​ള്ളി കേ​ശ​വ​ൻ തി​ട​മ്പേ​റ്റി​യ​തോ​ടെ പ​ഞ്ച​വാ​ദ്യം മു​റു​കി. ചോ​റ്റാ​നി​ക്ക​ര സു​ഭാ​ഷ് മാ​രാ​രു​ടെ വാ​ദ്യ​ത്ത​ഴ​ക്കം വാ​ദ്യ​പ്രേ​മി​ക​ളെ ആ​ന​ന്ദ​ത്തി​ലാ​റാ​ടി​ച്ചു. പ​ഴ​യ​ന്നൂ​ർ ഭ​ഗ​വ​തി​യെ വ​ന്ദി​ച്ച് വേ​ട്ട​ക്കൊ​രു​മ​ക​ൻ ക്ഷേ​ത്ര​ത്തി​ന് മു​ന്നി​ലെ​ത്തി​യ​തോ​ടെ ആ​കാ​ശം ഇ​രു​ളു​ക​യും മ​ഴ തു​ട​ങ്ങു​ക​യും ചെ​യ്തു. വാ​ദ്യം തു​ട​ർ​ന്നെ​ങ്കി​ലും ഇ​ടി​യും മ​ഴ​യും ശ​ക്ത​മാ​യ​തോ​ടെ എ​ഴു​ന്ന​ള്ള​ത്തി​നൊ​പ്പ​മു​ണ്ടാ​യി​രു​ന്ന വാ​ദ്യ​പ്രേ​മി​ക​ൾ മാ​റി നി​ന്നു.

ഇ​തേ​സ​മ​യം, വ​ല്ല​ങ്ങി ശി​വ​ക്ഷേ​ത്ര​ത്തി​ൽ നി​ന്ന് തു​ട​ങ്ങി​യ വ​ല്ല​ങ്ങി ദേ​ശം എ​ഴു​ന്ന​ള്ള​ത്തി​ന് ഗു​രു​വാ​യൂ​ർ ന​ന്ദ​ൻ നേ​തൃ​ത്വം ന​ൽ​കി. പ​ന​ങ്ങാ​ട്ടി​രി മോ​ഹ​ന​ന്റെ വാ​ദ്യം വ​ശ്യ​ത​യാ​ർ​ന്ന​താ​യി​രു​ന്നു. സം​ഘാ​ട​ക​രു​ടെ ആ​ശ​ങ്ക​ക​ൾ ശ​രി​വെ​ക്കു​ന്ന​താ​യി പി​ന്നീ​ടു​ണ്ടാ​യ കാ​ലാ​വ​സ്ഥ മാ​റ്റം. മ​ഴ​യും ഇ​ടി​യും ക​ല​ശ​ലാ​യ​തോ​ടെ കു​റ​ച്ചു​നേ​രം വാ​ദ്യം ത​ട​സ്സ​പ്പെ​ട്ടു.

എ​ന്നാ​ൽ, നാ​ല​ര​യോ​ടെ ആ​കാ​ശം തെ​ളി​ഞ്ഞ​പ്പോ​ൾ ഇ​രു​ദേ​ശ​ങ്ങ​ളു​ടെ​യും വാ​ദ്യം പു​ന​രാ​രം​ഭി​ച്ചു. പി​ന്നീ​ട് വ​ല്ല​ങ്ങി ദേ​ശ​ത്തി​ന്റെ കാ​വ് ക​യ​റ്റ​ത്തി​നൊ​പ്പം പ​റ​വാ​ദ്യം അ​ക​മ്പ​ടി​യാ​യി. വ​ല്ല​ങ്ങി ദേ​ശ​ത്തി​ന്റെ എ​ഴു​ന്ന​ള്ള​ത്ത് നെ​ല്ലി​ക്കു​ള​ങ്ങ​ര ക്ഷേ​ത്ര​ത്തി​ൽ പ്ര​ദ​ക്ഷി​ണം പൂ​ർ​ത്തി​യാ​ക്കി ആ​ന​പ്പ​ന്ത​ലി​ലേ​ക്ക് മ​ട​ങ്ങി​യ​തോ​ടെ മേ​ള​പ്പെ​രു​ക്ക​ത്തി​നൊ​രു​ങ്ങി മ​ട്ട​ന്നൂ​രും കൂ​ട്ട​രു​മെ​ത്തി. ഇ​തി​നി​ടെ നെ​ന്മാ​റ ദേ​ശം ആ​ന​പ്പ​ന്ത​ലി​ലെ​ത്തി​യ എ​ഴു​ന്ന​ള്ള​ത്തി​ന് ക​ല്ലൂ​ർ ഉ​ണ്ണി​കൃ​ഷ്ണ​നും ക​ല്ലൂ​ർ ജ​യ​നും ചേ​ർ​ന്നൊ​രു​ക്കി​യ പ​ഞ്ചാ​രി​മേ​ളം മേ​മ്പൊ​ടി​യാ​യി. തു​ട​ർ​ന്ന് ന​ട​ന്ന കു​ട​മാ​റ്റ​ത്തി​ൽ വ​ർ​ണ​ക്കു​ട​ക​ളു​ടെ​യും മു​ത്തു​ക്കു​ട​ക​ളു​ടെ​യും ക​ണ്ണ​ഞ്ചി​ക്കു​ന്ന ക​മ​നീ​യ​ത കാ​ണി​ക​ളെ ആ​വേ​ശ​സാ​ഗ​ര​ത്തി​ലാ​റാ​ടി​ച്ചു.

തു​ട​ർ​ന്ന് പ​ക​ൽ വെ​ടി​ക്കെ​ട്ടി​നു​ള്ള ഒ​രു​ക്ക​ങ്ങ​ളാ​യി​രു​ന്നു. ഏ​റെ നേ​ര​ത്തെ സു​ര​ക്ഷ​പ​രി​ശോ​ധ​ന​ക​ൾ​ക്ക് ശേ​ഷ​മാ​ണ് ഉ​ന്ന​ത ഉ​ദ്യോ​ഗ​സ്ഥ​ർ വെ​ടി​ക്കെ​ട്ടി​ന് തി​രി​കൊ​ളു​ത്താ​ൻ അ​നു​മ​തി ന​ൽ​കി​യ​ത്. ആ​ദ്യം വ​ല്ല​ങ്ങി ദേ​ശ​വും പി​ന്നീ​ട് നെ​ന്മാ​റ​യും കൊ​ളു​ത്തി​യ പ​ക​ൽ വെ​ടി​ക്കെ​ട്ട് ഗം​ഭീ​ര​മാ​യി​രു​ന്നു. പ​ക​ൽ വെ​ടി​ക്കെ​ട്ടി​ന് ശേ​ഷം രാ​ത്രി വേ​ല​ക്കാ​യി എ​ഴു​ന്ന​ള്ള​ത്തു​ക​ൾ തി​രി​ച്ച​തോ​ടെ പ​ക​ൽ വേ​ല​ക്ക് സ​മാ​പ്തി​യാ​യി. ആ​ദ്യം വി​ല്ല​നാ​യെ​ത്തി​യ മ​ഴ വെ​ടി​ക്കെ​ട്ടി​നെ ബാ​ധി​ച്ചി​ല്ലെ​ന്ന ആ​ശ്വാ​സ​മാ​യി​രു​ന്നു വേ​ല കാ​ണാ​നെ​ത്തി​യ​വ​ർ​ക്കും ദേ​ശ​ങ്ങ​ളി​ലെ വേ​ല​ക്ക​മ്മ​റ്റി​ക്കാ​ർ​ക്കും.