‘കു​ത്താ​മ്പു​ള്ളി കൈ​ത്ത​റി’ ക​ട​ക​ൾ പെ​രു​കു​ന്നു

ഒ​റ്റ​പ്പാ​ലം: നെ​യ്ത്ത് ഗ്രാ​മ​മാ​യ ‘കു​ത്താ​മ്പു​ള്ളി’ കൈ​ത്ത​റി​യു​ടെ പേ​രി​ൽ പ​വ​ർ​ലൂം വ​സ്ത്ര​ശാ​ല​ക​ൾ പെ​രു​കു​ന്നു. കൈ​ത്ത​റി വ​സ്ത്ര നി​ർ​മാ​ണ​ത്തി​ൽ കു​ത്താ​മ്പു​ള്ളി നേ​ടി​യെ​ടു​ത്ത പ്ര​ചാ​ര​മാ​ണ് ‘കു​ത്താ​മ്പു​ള്ളി വ​സ്ത്ര​ശാ​ല​ക​ൾ’ വ്യാ​പ​ക​മാ​കാ​ൻ കാ​ര​ണം. ത​റി​ക​ളി​ൽ പൂ​ർ​ണ​മാ​യും മ​നു​ഷ്യ​പ്ര​യ​ത്‌​ന​ത്തി​ലൂ​ടെ പ​ര​മ്പ​രാ​ഗ​ത രീ​തി​യി​ൽ നെ​യ്‌​തെ​ടു​ക്കു​ന്ന വ​സ്ത്ര​മാ​ണ് കൈ​ത്ത​റി. എ​ന്നാ​ൽ കൈ​യും ക​ണ​ക്കു​മി​ല്ലാ​തെ യ​ന്ത്ര​വ​ത്കൃ​ത മി​ല്ലു​ക​ളി​ൽ നി​ന്നും ഉ​ൽ​പ്പാ​ദി​പ്പി​ക്കു​ന്ന​വ​യാ​ണ് പ​വ​ർ​ലൂം തു​ണി​ത്ത​ര​ങ്ങ​ൾ.

മ​നു​ഷ്യാ​ധ്വാ​ന​ത്തി​ലൂ​ടെ ല​ഭി​ക്കു​ന്ന കൈ​ത്ത​റി ഉ​ൽ​പ്പ​ന്ന​ങ്ങ​ൾ​ക്ക് ഗു​ണ​മേ​ന്മ കൂ​ടു​മെ​ന്ന​തു​പോ​ലെ വി​ല​യും ഇ​ര​ട്ടി​യും അ​തി​ലേ​റെ​യു​മാ​ണ്. രാ​വി​ലെ ആ​റു​മു​ത​ൽ രാ​ത്രി​യോ​ളം അ​ധ്വാ​നി​ച്ചാ​ൽ മാ​ത്ര​മാ​ണ് ഒ​രു ക​സ​വ് സാ​രി പൂ​ർ​ത്തി​യാ​ക്കാ​നാ​വു​ക. എ​ന്നാ​ൽ ഉ​ൽ​പ്പാ​ദ​ന​ത്തി​ൽ മ​നു​ഷ്യാ​ധ്വാ​നം നാ​മ​മാ​ത്ര​മാ​യ പ​വ​ർ​ലൂം തു​ണി​ത്ത​ര​ങ്ങ​ൾ​ക്ക് വി​ല​ക്കു​റ​വു​ണ്ട്. 1990 കാ​ല​ത്ത് 385 ത​റി​ക​ൾ പ്ര​വ​ർ​ത്തി​ച്ചി​രു​ന്ന കു​ത്താ​മ്പു​ള്ളി ഗ്രാ​മ​ത്തി​ൽ നി​ൽ​വി​ൽ 50 ത​റി​ക​ൾ മ​ാത്രമാ​ണ് പ്ര​വ​ർ​ത്തി​ക്കു​ന്ന​തെ​ന്ന് കു​ത്താ​മ്പു​ള്ളി കൈ​ത്ത​റി നെ​യ്ത്ത് വ്യ​വ​സാ​യ സ​ഹ​ക​ര​ണ സം​ഘം സെ​ക്ര​ട്ട​റി എ. ​ശ​ര​വ​ണ​ൻ പ​റ​യു​ന്നു. ഇ​വ​രു​ടെ സം​ഘ​ത്തി​ൽ പൂ​ർ​ണ​മാ​യും നൂ​റു​ശ​ത​മാ​നം കൈ​ത്ത​റി വ​സ്ത്ര​ങ്ങ​ളാ​ണ് വി​ൽ​പ​ന​യി​ലു​ള്ള​ത്.

തൊ​ഴി​ൽ ഉ​പേ​ക്ഷി​ച്ച നെ​യ്ത്തു​കാ​രു​ടെ നേ​തൃ​ത്വ​ത്തി​ൽ കു​ത്താ​മ്പു​ള്ളി​യി​ൽ ത​ന്നെ പു​തി​യ വ​സ്ത്ര​ശാ​ല​ക​ൾ തു​റ​ന്ന് ന​ല്ല നി​ല​യി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നും ശ​ര​വ​ണ​ൻ പ​റ​യു​ന്നു. എ​ന്നാ​ൽ ഇ​വി​ട​ങ്ങ​ളി​ലും പ​വ​ർ​ലൂം ഉ​ൽ​പ്പ​ന്ന​ങ്ങ​ളാ​ണ് കൈ​ത്ത​റി​യു​ടെ പേ​രി​ൽ വി​റ്റു​കൊ​ണ്ടി​രി​ക്കു​ന്ന​ത്. സ​ഹ​ക​ര​ണ സം​ഘ​ത്തി​ൽ ത​ന്നെ ആ​വ​ശ്യ​ത്തി​ന് വി​ൽ​ക്കാ​ൻ കൈ​ത്ത​റി ഉ​ൽ​പ്പ​ന്ന​ങ്ങ​ൾ നെ​യ്തു​കി​ട്ടാ​ൻ പ്ര​യാ​സം അ​നു​ഭ​വ​പ്പെ​ടു​ന്നു​ണ്ടെ​ന്നും അ​ദ്ദേ​ഹം പ​റ​യു​ന്നു. കൈ​ത്ത​റി വ​സ്ത്ര​ങ്ങ​ൾ പ്രോ​ത്സാ​ഹി​പ്പി​ക്കാ​ൻ സ​ർ​ക്കാ​ർ ഒ​രു​ഭാ​ഗ​ത്ത് ശ്ര​മം ന​ട​ത്തു​മ്പോ​ൾ ത​ന്നെ പ​ര​മ്പ​രാ​ഗ​ത തൊ​ഴി​ൽ പു​റ​കോ​ട്ട​ടി​ക്കു​ന്ന​തി​ന് പ​രി​ഹാ​രം ഉ​ണ്ടാ​കു​ന്നി​ല്ലെ​ന്ന ആ​രോ​പ​ണ​വും ഉ​യ​രു​ന്നു​ണ്ട്.