മുഹമ്മദ് ഫവാസ്
ഒറ്റപ്പാലം: പൊലീസും ജില്ല ലഹരി വിരുദ്ധ സ്‌ക്വാഡും സംയുക്തമായി നടത്തിയ പരിശോധനയിൽ 9.072 ഗ്രാം മെത്താഫിറ്റമിൻ സഹിതം യുവാവ് പിടിയിൽ. ഒറ്റപ്പാലം വരോട് കോലോത്തുപറമ്പിൽ വീട്ടിൽ മുഹമ്മദ് ഫവാസാണ് (23) അറസ്റ്റിലായത്. ഒറ്റപ്പാലം റെയിൽവേ സ്റ്റേഷനിൽ നടത്തിയ പരിശോധനയിലാണ് ഇയാൾ പിടിയിലായത്.
ജില്ല പൊലീസ് മേധാവി അജിത് കുമാറിന്റെ നിർദേശപ്രകാരം നടന്ന റെയ്ഡിൽ ഒറ്റപ്പാലം എസ്.എച്ച്.ഒ അച്യുത് അശോക്, പാലക്കാട് നാർക്കോട്ടിക് സെൽ ഡിവൈ.എസ്.പി അബ്ദുൽ മുനീർ, ഷൊർണൂർ ഡിവൈ.എസ്.പി ആർ. മനോജ്‌കുമാർ എന്നിവരുടെ നേതൃത്വത്തിൽ ഒറ്റപ്പാലം സബ് ഇൻസ്പെക്ട‌ർമാരായ എം. സുനിൽ, ജയകുമാർ, എസ്.സി.പി.ഒമാരായ സജിത്ത്, ഷൻഫീർ, സി.പി.ഒമാരായ സുബാഷ്, സുധീഷ് എന്നിവരും ജില്ല ലഹരി വിരുദ്ധ സ്ക്വാഡ് അംഗങ്ങളും പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.