പ​കു​തി പോ​ലു​മാകാതെ പി​റ്റ് ലൈ​ൻ നിർമാണം; ക​രാ​റു​കാ​ര​ന്റെ വീ​ഴ്ച​യെ​ന്ന് റെ​യി​ൽ​വേ

പാ​ല​ക്കാ​ട്: ടൗ​ൺ റെ​യി​ൽ​വേ സ്റ്റേ​ഷ​നോ​ട് ചേ​ർ​ന്ന് എ​ട്ടേ​ക്ക​റി​ൽ നി​ർ​മി​ക്കു​ന്ന അ​ത്യാ​ധു​നി​ക പി​റ്റ് ലൈ​നി​ന്‍റെ പ്രവൃത്തി ഇ​ഴ​ഞ്ഞു​നീ​ങ്ങു​ന്നു. റെ​യി​ൽ​വേ ഡി​വി​ഷ​നി​ലെ പ്ര​ധാ​ന പ​ദ്ധ​തി​യാ​യ പി​റ്റ്‌​ലൈ​ൻ ല​ക്ഷ്യ​മി​ട്ട​തി​ന്റെപ​കു​തി പോ​ലു​മാ​യി​ല്ല. പാ​ല​ക്കാ​ട് ടൗ​ൺ റെ​യി​ൽ​വേ സ്റ്റേ​ഷ​നി​ൽ ട്രെ​യി​നു​ക​ളു​ടെ അ​റ്റ​കു​റ്റ​പ്പ​ണി​ക്ക് സൗ​ക​ര്യ​മൊ​രു​ക്കു​ക​യും, പു​തി​യ ട്രെ​യി​നു​ക​ൾ​ക്ക് വ​ഴി​യൊ​രു​ക്കു​ക​യും ചെ​യ്യു​ന്ന പ​ദ്ധ​തി വൈ​കു​ന്ന​ത് ക​രാ​റു​കാ​ര​ന്റെ വീ​ഴ്ച​യാ​ണെ​ന്ന് റെ​യി​ൽ​വേ പ​റ​യു​ന്നു. ഉ​ന്ന​ത ഉ​ദ്യോ​ഗ​സ്ഥ​ർ ഇ​ട​പെ​ട്ടി​ട്ടും ഫ​ല​മു​ണ്ടാ​യി​ട്ടി​ല്ല.

61 കോ​ടി രൂ​പ​യു​ടെ പ​ദ്ധ​തി​ക്കാ​യി മ​ണ്ണെ​ടു​ക്കു​ന്ന​തും സ​മ​യ​ബ​ന്ധി​ത​മാ​യി പ​ണം അ​നു​വ​ദി​ക്കു​ന്ന​തും ത​ട​സ്സ​പ്പെ​ട്ടെ​ങ്കി​ലും ര​ണ്ടും പി​ന്നീ​ട് പ​രി​ഹ​രി​ച്ചു. ഫ​ണ്ട് കൃ​ത്യ​മാ​യി​ട്ടും പ​ണി ഇ​ഴ​യു​ന്ന​തി​ൽ ഡി​വി​ഷ​നും അ​തൃ​പ്തി​യി​ലാ​ണ്. പ​ദ്ധ​തി ഈ ​വ​ർ​ഷം ഡി​സം​ബ​റി​ൽ പൂ​ർ​ത്തി​യാ​ക്കാ​നു​ള്ള റെ​യി​ൽ​വേ​യു​ടെ നി​ർ​ദേ​ശ​ത്തി​ന് മെ​ല്ലെ​പ്പോ​ക്ക് പ്ര​തി​സ​ന്ധി​യു​ണ്ടാ​ക്കു​ന്നു. ആ​വ​ശ്യ​ത്തി​ന് യ​ന്ത്ര​ങ്ങ​ളും തൊ​ഴി​ലാ​ളി​ക​ളെ​യും ക​രാ​റു​കാ​ര​ൻ എ​ത്തി​ക്കു​ന്നി​ല്ലെ​ന്നാ​ണ് ആ​ക്ഷേ​പം. ഏ​പ്രി​ലി​ൽ ലൈ​ൻ സ്ഥാ​പി​ച്ച് ജൂ​ണി​ന് മു​മ്പ് കോ​ൺ​ക്രീ​റ്റ് ന​ട​ത്തേ​ണ്ട​താ​ണെ​ങ്കി​ലും ഇ​തു​വ​രെ 30 ശ​ത​മാ​നം മാ​ത്ര​മാ​ണ് പൂ​ർ​ത്തി​യാ​യ​ത്. ഇ​നി ട്രാ​ക്കി​ട്ട് ബ​ന്ധി​പ്പി​ക്കു​ന്ന​ത് ഉ​ൾ​പ്പെ​ടെ ബാ​ക്കി​യാ​ണ്. അ​റ്റ​കു​റ്റ​പ്പ​ണി ആ​വ​ശ്യ​മാ​യ ട്രെ​യി​നു​ക​ൾ പി​റ്റ്‌​ലൈ​നി​ലാ​ണ് പ​രി​ശോ​ധി​ക്കു​ക. പ​രി​ശോ​ധ​ന ക​ഴി​ഞ്ഞ​വ​ക്ക് സ്റ്റേ​ബി​ളി​ങ്ങ് ലൈ​നു​ണ്ട്. ഗൗ​ര​വ​മാ​യ ജോ​ലി​ക​ൾ സി​ക്ക് ലൈ​നി​ലാ​ണ് ചെ​യ്യു​ക.

റെ​യി​ൽ ഡി​വി​ഷ​ൻ ആ​സ്ഥാ​ന​മാ​യ പാ​ല​ക്കാ​ട്ട് പി​റ്റ് ലൈ​ൻ ഇ​ല്ലാ​തി​രു​ന്ന​ത് ദീ​ർ​ഘ​ദൂ​ര ട്രെ​യി​നു​ക​ൾ ആ​രം​ഭി​ക്കു​ന്ന​തി​ന് ത​ട​സ്സ​മാ​ണ്. ഇ​തു​കാ​ര​ണം പാ​ല​ക്കാ​ട് റെ​യി​ൽ​വേ ഡി​വി​ഷ​നി​ൽ ദീ​ർ​ഘ​ദൂ​ര ട്രെ​യി​നു​ക​ൾ ആ​രം​ഭി​ച്ച​ത് മം​ഗ​ളൂ​രു​വി​ൽ നി​ന്നാ​ണ്. ഡി​വി​ഷ​ൻ പ​രി​ധി​യി​ലെ മൂ​ന്നാ​മ​ത്തെ പി​റ്റ് ലൈ​നി​ന്‍റെ പ​ണി​ക​ൾ പാ​ല​ക്കാ​ട് ടൗ​ൺ സ്റ്റേ​ഷ​നി​ൽ പൂ​ർ​ത്തി​യാ​യാ​ൽ മൂ​ന്ന് ദീ​ർ​ഘ​ദൂ​ര ട്രെ​യി​നു​ക​ൾ ആ​രം​ഭി​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. മാ​ത്ര​മ​ല്ല കോ​യ​മ്പ​ത്തൂ​രി​ൽ​നി​ന്നു​ള്ള ചി​ല ട്രെ​യി​നു​ക​ൾ പാ​ല​ക്കാ​ട്ടേ​ക്ക് നീ​ട്ടാ​നും ക​ഴി​യും. സി​ക്ക് ലൈ​ൻ മ​റ്റൊ​രു ക​രാ​റു​കാ​ര​നാ​ണ് നി​ർ​മി​ക്കു​ന്ന​ത്. ഇ​തി​നൊ​പ്പം ടൗ​ൺ സ്റ്റേ​ഷ​നി​ലെ ര​ണ്ട്, മൂ​ന്ന് പ്ലാ​റ്റ്ഫോ​മു​ക​ളു​ടെ നീ​ളം വ​ർ​ധി​പ്പി​ച്ച് മൂ​ന്നാം പ്ലാ​റ്റ്ഫോം പൊ​ള്ളാ​ച്ചി ലൈ​നു​മാ​യി ബ​ന്ധി​പ്പി​ക്കാ​നും നീ​ക്ക​മു​ണ്ട്.