തെരുവുനായ്​ ശല്യം രൂക്ഷം; പേടിച്ച് വിറച്ച്​ ജനജീവിതം

പ​ന്ത​ളം: ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഒ​ട്ടേ​റെ​പ്പേ​ർ​ക്ക് തെ​രു​വു​നാ​യ്ക്ക​ളു​ടെ ക​ടി ഏ​ൽ​ക്കു​ന്ന സം​ഭ​വ​ങ്ങ​ൾ ആ​വ​ർ​ത്തി​ച്ചി​ട്ടും ശ​ല്യം ഇ​ല്ലാ​താ​ക്കാ​നോ വ​ന്ധ്യം​ക​ര​ണ പ​ദ്ധ​തി ന​ട​പ്പാ​ക്കാ​നോ ന​ട​പ​ടി​യി​ല്ല. ഒ​ന്ന​ര വ​ർ​ഷം മു​മ്പ്​ ന​ഗ​ര​സ​ഭ​യി​ലെ നൂ​റു​ക​ണ​ക്കി​ന് നാ​യ്ക്ക​ൾ​ക്ക്​ പ്ര​തി​രോ​ധ കു​ത്തി​വെ​പ്പ്​ ന​ട​ത്തി​യ​ത് മാ​ത്ര​മാ​ണ് ഈ ​ദി​ശ​യി​ൽ വി​ജ​യ​ക​ര​മാ​യി ന​ട​ത്തി​യ ഏ​ക പ​ദ്ധ​തി.

ക​ഴി​ഞ്ഞ ര​ണ്ട്​ വ​ർ​ഷ​ത്തി​നി​ടെ പ​ന്ത​ള​ത്തും പ​രി​സ​ര​ങ്ങ​ളി​ലു​മാ​യി നൂ​റി​ല​ധി​കം പേ​ർ​ക്ക്​ തെ​രു​വു​നാ​യ്​​ക്ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റി​ട്ടു​ണ്ട്. ഇ​തി​ൽ വ​യോ​ധി​ക​രും സ്കൂ​ൾ വി​ദ്യാ​ർ​ഥി​ക​ളും ഉ​ൾ​പ്പെ​ടു​ന്നു. വ​ന്ധ്യം​ക​ര​ണ പ​ദ്ധ​തി സ​ജീ​വ​മാ​ക്കി​യാ​ൽ മാ​ത്ര​മേ ഈ ​പ്ര​ശ്ന​ത്തി​ന് പ​രി​ഹാ​ര​മാ​കൂ.

മൃ​ഗ​ക്ഷേ​മ ബോ​ർ​ഡ് മു​ന്നോ​ട്ടു​വെ​ക്കു​ന്ന ക​ടു​ത്ത വ്യ​വ​സ്ഥ​ക​ൾ പാ​ലി​ക്കു​ന്ന​തി​നു​ള്ള സാ​ങ്കേ​തി​ക ത​ട​സ്സ​മാ​ണ്​ പ​ദ്ധ​തി പൂ​ർ​ത്തീ​ക​രി​ക്കാ​ൻ സാ​ധി​ക്കാ​ത്ത​തി​ന്​ കാ​ര​ണ​മാ​യി അ​ധി​കൃ​ത​ർ പ​റ​യു​ന്ന​ത്. പ​ന്ത​ളം ടൗ​ണി​ൽ തെ​രു​വു​നാ​യ്​ ശ​ല്യം കാ​ര​ണം ജ​നം ഭ​യ​പ്പാ​ടി​ലാ​ണ്. ഇ​തി​നി​ടെ വ​ന്ധ്യം​ക​ര​ണ പ​ദ്ധ​തി പു​നഃ​രാ​രം​ഭി​ക്കാ​ൻ അ​നു​മ​തി ആ​വ​ശ്യ​പ്പെ​ട്ട് കേ​ന്ദ്ര മൃ​ഗ​സം​ര​ക്ഷ​ണ ബോ​ർ​ഡി​ന് മൃ​ഗാ​ശു​പ​ത്രി അ​ധി​കൃ​ത​ർ ക​ത്ത് ന​ൽ​കി​യെ​ങ്കി​ലും ഇ​തു​വ​രെ മ​റു​പ​ടി ല​ഭി​ച്ചി​ട്ടി​ല്ല.

ക​ഴി​ഞ്ഞ​വ​ർ​ഷം പ​ദ്ധ​തി ന​ട​പ്പാ​ക്കു​ന്ന​തി​നി​ടെ നാ​യ്​ സ്നേ​ഹി​ക​ൾ നി​യ​മ​പ​ര​മാ​യും അ​ല്ലാ​തെ​യും എ​തി​ർ​പ്പു​മാ​യി വ​ന്ന​തോ​ടെ​യാ​ണ് പ​ദ്ധ​തി നി​ല​ച്ച​ത്. ശീ​തീ​ക​രി​ച്ച മു​റി​ക​ളി​ൽ വേ​ണം വ​ന്ധ്യം​ക​ര​ണം ന​ട​ത്തേ​ണ്ട​ത് എ​ന്ന​ത​ട​ക്ക​മു​ള്ള നി​ര​വ​ധി സാ​ങ്കേ​തി​ക പ്ര​ശ്ന​ങ്ങ​ളാ​ണ് അ​വ​ർ ഉ​ന്ന​യി​ച്ച​ത്.