കു​ന്നം​കു​ള​ത്ത് വീ​ട് കു​ത്തി​ത്തു​റ​ന്ന് ക​വ​ർ​ച്ച; 30 പ​വ​ൻ ന​ഷ്ട​പ്പെ​ട്ടു

കു​ന്നം​കു​ളം: വീ​ട് കു​ത്തി​ത്തു​റ​ന്ന് അ​ല​മാ​ര​ക​ളി​ൽ സൂ​ക്ഷി​ച്ച 30 പ​വ​ൻ സ്വ​ർ​ണ​വും മൊ​ബൈ​ൽ ഫോ​ണും ക​വ​ർ​ന്നു. തൃ​ശൂ​ർ റോ​ഡി​ൽ ജ​ല​വ​കു​പ്പ് ഓ​ഫി​സി​ന് സ​മീ​പം ശാ​സ്ത്രി​ജി ന​ഗ​ർ ഫോ​ർ​ത്ത് അ​വ​ന്യൂ​വി​ൽ കാ​ർ​ത്തി​ക നി​വാ​സി​ലെ റി​ട്ട. സ​ർ​വേ സൂ​പ്ര​ണ്ട് പ​രേ​ത​നാ​യ ച​ന്ദ്ര​ന്‍റെ വീ​ട്ടി​ലാ​ണ് സം​ഭ​വം.

ബു​ധ​നാ​ഴ്ച രാ​ത്രി 11നും ​വ്യാ​ഴാ​ഴ്ച പ്ര​ഭാ​ത​ത്തി​നു​മി​ട​യി​ലാ​ണ് സം​ഭ​വം. ഈ ​സ​മ​യം ഇ​ദ്ദേ​ഹ​ത്തി​ന്‍റെ ഭാ​ര്യ റി​ട്ട. ബാ​ങ്ക് ഉ​ദ്യോ​ഗ​സ്ഥ പ്രീ​തി വീ​ട്ടി​ലു​ണ്ടാ​യി​രു​ന്നു. മു​ക​ൾ നി​ല​യി​ൽ​നി​ന്ന് പു​റ​ത്തേ​ക്കു​ള്ള വാ​തി​ൽ ത​ക​ർ​ത്താ​ണ് മോ​ഷ്ടാ​ക്ക​ൾ അ​ക​ത്ത് ക​ട​ന്ന​ത്.

വീ​ടി​നോ​ട് ചേ​ർ​ന്ന് പു​റ​ത്ത് സ്ഥാ​പി​ച്ച ഇ​രു​മ്പു ഗോ​വ​ണി​യി​ലൂ​ടെ​യാ​ണ് മോ​ഷ്ടാ​വ് മു​ക​ളി​ലേ​ക്ക് ക​യ​റി​യ​ത്. ഗോ​വ​ണി​യി​ൽ ത​ട​സ്സ​മാ​യി വെ​ച്ച ചെ​റി​യ ഇ​രു​മ്പ് ഗ്രി​ൽ മാ​റ്റി​വെ​ച്ച നി​ല​യി​ലാ​യി​രു​ന്നു. മു​ക​ളി​ലും താ​ഴ​ത്തേ​യും മു​റി​ക​ളി​ൽ സൂ​ക്ഷി​ച്ച ആ​ഭ​ര​ണ​ങ്ങ​ളാ​ണ് ന​ഷ്ട​പ്പെ​ട്ട​ത്. പ്രീ​തി കി​ട​ന്നു​റ​ങ്ങി​യ മു​റി​യു​ടെ തൊ​ട്ട​ടു​ത്ത മു​റി​യി​ൽ​നി​ന്നും ആ​ഭ​ര​ണ​ങ്ങ​ൾ ന​ഷ്ട​പ്പെ​ട്ടി​രു​ന്നു.

ഭാ​ര്യ​യു​ടെ വീ​ട്ടി​ൽ പോ​യി​രു​ന്ന മ​ക​ൻ കാ​ർ​ത്തി​ക് വ്യാ​ഴാ​ഴ്ച രാ​വി​ലെ വീ​ട്ടി​ലെ​ത്തി മു​ക​ളി​ലെ കി​ട​പ്പു​മു​റി​യി​ലെ​ത്തി​യ​പ്പോ​ഴാ​ണ് ക​വ​ർ​ച്ചാ വി​വ​ര​മ​റി​യു​ന്ന​ത്. മു​റി​ക്കു​ള്ളി​ലെ അ​ല​മാ​ര​ക​ൾ തു​റ​ന്ന് സാ​ധ​ന​ങ്ങ​ൾ വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു.

മു​ക​ളി​ലു​ള്ള അ​ല​മാ​ര​യു​ടെ ആ​ഭ​ര​ണ​മു​ണ്ടാ​യി​രു​ന്ന ഡ്രോ ​പു​റ​ത്ത് ബാ​ൽ​ക്ക​ണി​യി​ൽ ചെ​ടി ച​ട്ടി​ക​ൾ​ക്ക് മു​ക​ളി​ൽ നി​ന്നാ​ണ് ക​ണ്ടെ​ത്തി​യ​ത്. പ്ര​ഫ​ഷ​ണ​ൽ മോ​ഷ്ടാ​വാ​ണ് ക​വ​ർ​ച്ച​ക്ക് പി​റ​കി​ലെ​ന്നാ​ണ് പൊ​ലീ​സ് നി​ഗ​മ​നം. വി​ര​ല​ട​യാ​ള വി​ദ​ഗ്ധ​ർ, ഡോ​ഗ് സ്ക്വാ​ഡ് എ​ന്നി​വ​ർ പ​രി​ശോ​ധ​ന ന​ട​ത്തി. കു​ന്നം​കു​ളം സി.​ഐ. യു.​കെ. ഷാ​ജ​ഹാ​ന്‍റെ നേ​തൃ​ത്വ​ത്തി​ലു​ള്ള പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.