രണ്ടു കിലോ കഞ്ചാവുമായി യുവാവ് പിടിയിൽ

തിരുവില്വാമല: രണ്ടു കിലോയോളം കഞ്ചാവുമായി സ്കൂട്ടറിൽ എത്തിയ യുവാവിനെ എക്സൈസ് അറസ്റ്റ് ചെയ്തു. പത്തിരിപ്പാല ശൗര്യംപറമ്പിൽ ഷെഫീഖ് (35) ആണ് പിടിയിലായത്. ഷൊർണൂർ പരിയാനംപറ്റപടി സ്വദേശിയായ ഇയാൾ കുറെ നാളായി പത്തിരിപ്പാലയിലാണ് താമസം. ഇയാളുടെ സ്കൂട്ടറിൽനിന്ന് 1.900 കിലോയും പോക്കറ്റിൽനിന്ന് അഞ്ച് ഗ്രാം കഞ്ചാവുമാണ് പിടിച്ചെടുത്തത്.

പ്രതിയെ കോടതിയിൽ ഹാജരാക്കി. പഴയന്നൂർ എക്സൈസ് ഇൻസ്പെക്ടർ ഒ. സജിതയുടെ നേതൃത്വത്തിൽ പ്രിവന്‍റിവ് ഓഫിസർ പി. രതീഷ്, സിവിൽ എക്സൈസ് ഓഫിസർമാരായ എം.എസ്. ജിദേഷ്, എം.എസ്. സുധീർ കുമാർ, എ.ഡി. പ്രവീൺ, വി. തൗഫീക്ക്, എൻ. ഷെമീർ എന്നിവരുടെ സംഘമാണ് പ്രതിയെ പിടികൂടിയത്.