നൊമ്പരമായി അലൻ സ്​കൂളിൽ

കാ​ഞ്ഞാ​ണി (തൃ​ശൂ​ർ): പൊ​ന്നു​മ്മ ന​ൽ​കി കൈ​വീ​ശി യാ​ത്ര​യാ​ക്കാ​ൻ വീ​ട്ടി​ൽ അ​മ്മ​യു​ണ്ടാ​യി​ല്ല. കു​ട​യും ബാ​ഗും പി​ടി​ച്ച് കൂ​ടെ ന​ട​ക്കാ​ൻ അ​ച്​ഛ​നു​മി​ല്ല. കെ​ട്ട​കാ​ലം ക​വ​ർ​ന്ന മാ​താ​പി​താ​ക്ക​ളു​ടെ ഓ​ർ​മ​യു​മാ​യാ​ണ്​ അ​ല​ൻ സു​ഭാ​ഷ്​ മ​ണ​ലൂ​ർ സെൻറ്​ ഇ​ഗ്​​നേ​ഷ്യ​സ് യു.​പി സ്കൂ​ളി​ലെ ആ​റാം ക്ലാ​സി​ൽ എ​ത്തി​യ​ത്.

അ​ഞ്ച് മാ​സം മു​മ്പാ​ണ് അ​ല​െൻറ അ​മ്മ ജി​ജി കോ​വി​ഡ് ബാ​ധി​ച്ച് മ​രി​ച്ച​ത്. ഒ​രാ​ഴ്ച പി​ന്നി​ട്ട​പ്പോ​ൾ അ​ച്ഛ​ൻ മ​ണ​ലൂ​ർ സ​ഹ​ക​ര​ണ ബാ​ങ്കി​ലെ ജീ​വ​ന​ക്കാ​ര​നാ​യ ചു​ള്ളി​പ്പ​റ​മ്പി​ൽ സു​ഭാ​ഷും കോ​വി​ഡി​ന്​ കീ​ഴ​ട​ങ്ങി. ചെ​റു​പ്രാ​യ​ത്തി​ൽ ത​ണ​ൽ ന​ഷ്​​ട​പ്പെ​ട്ട അ​ല​ന്​ പി​ന്നെ അ​ഭ​യ​മാ​യ​ത്​ മു​ത്ത​ച്ഛ​ൻ രാ​മ​കൃ​ഷ്ണ​നും മു​ത്ത​ശ്ശി വി​ലാ​സി​നി​യു​മാ​ണ്. കോ​വി​ഡ് ഏ​ൽ​പി​ച്ച ആ​ഘാ​തം തി​രി​ച്ച​റി​യാ​നു​ള്ള പ്രാ​യം അ​ല​നാ​യി​ട്ടി​ല്ല. സ്കൂ​ളി​ലെ​ത്ത​ണം, കൂ​ട്ടു​കാ​രെ കാ​ണ​ണം, പ​ഠി​ച്ച്​ മി​ടു​ക്ക​നാ​ക​ണം... അ​താ​ണി​പ്പോ​ൾ​ മ​ന​സ്സി​ൽ. വ​ലു​താ​കു​മ്പോ​ൾ പൊ​ലീ​സാ​ക​ണ​മെ​ന്നാ​ണ്​ ആ​ഗ്ര​ഹം.

പ​ഠ​ന​ത്തി​ൽ മി​ടു​ക്ക​നാ​യ അ​ല​ന് പു​തി​യ ബാ​ഗും കു​ട​യും പു​സ്ത​ക​വും സ​മ്മാ​നി​ച്ച​ത് നാ​ട്ടു​കാ​രാ​ണ്. സ്കൂ​ളി​ലേ​ക്ക് യാ​ത്ര​യാ​ക്കാ​ൻ മ​ണ​ലൂ​ർ പ​ഞ്ചാ​യ​ത്തം​ഗം രാ​ഗേ​ഷ് ക​ണി​യാം​പ​റ​മ്പി​ലും മ​ണ​ലൂ​ർ സ​ഹ​ക​ര​ണ ബാ​ങ്ക് ജീ​വ​ന​ക്കാ​ര​ൻ അ​ഭി​രാ​ജും എ​ത്തി​യി​രു​ന്നു. സ്കൂ​ളി​ൽ അ​ല​നെ അ​ധ്യാ​പ​ക​രും സ​ഹ​പാ​ഠി​ക​ളും സ്നേ​ഹ​പൂ​ർ​വം വ​ര​വേ​റ്റു.