അഭയ് കൃഷ്ണ
കുന്നംകുളം: ഓടിച്ചുനോക്കാനെന്ന വ്യാജേന ബൈക്കുമായി കടന്നുകളഞ്ഞ യുവാവിനെ കുന്നംകുളം പൊലീസ് പിടികൂടി. വെള്ളറക്കാട് ചിറളയത്ത് ഞാലിൽ വീട്ടിൽ അഭയ് കൃഷ്ണനെയാണ് (18) കുന്നംകുളം പൊലീസ് അറസ്റ്റ് ചെയ്തത്.
പുന്നയൂർക്കുളം കടിക്കാട് സ്വദേശിയുടേതാണ് ബൈക്ക്. ഇയാളുടെ ബൈക്ക് വിൽപനക്കുണ്ടെന്ന് പറഞ്ഞ് സമൂഹ മാധ്യമത്തിൽ പരസ്യം നൽകിയിരുന്നു. തുടർന്ന് വാഹനം കാണാൻ പെരുമ്പിലാവിലേക്ക് വരാൻ ആവശ്യപ്പെട്ടു.
പിന്നീട് ഓടിച്ച് നോക്കാൻ കൊണ്ടുപോയ ബൈക്കുമായി തിരിച്ചെത്താതിരുന്നതോടെ പൊലീസിൽ പരാതി നൽകുകയായിരുന്നു. കഴിഞ്ഞ 14നാണ് കേസിനാസ്പദമായ സംഭവം. സമാനരീതിയിൽ മുമ്പും പ്രതി മോഷണം നടത്തിയതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.