പോട്ടയിൽ വീണ്ടും കത്തി കാട്ടി കവർച്ച; പ്രതിയെ കൈയോടെ പിടികൂടി

ചാ​ല​ക്കു​ടി: പോ​ട്ട​യി​ൽ ക​ത്തി​കാ​ട്ടി കാ​റി​ൽ​നി​ന്ന് പ​ണം ത​ട്ടി​യ കേ​സി​ൽ പ്ര​തി​യെ പൊ​ലീ​സ് കൈ​യോ​ടെ പി​ടി​കൂ​ടി. പോ​ട്ട സ്വ​ദേ​ശി തോ​ട്ട​പ​റ​മ്പ​ൻ ബൈ​ജു​വി​നെ​യാ​ണ് (49) ചാ​ല​ക്കു​ടി പൊ​ലീ​സ് അ​റ​സ്റ്റ് ചെ​യ്ത​ത്. ശ​നി​യാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് സം​ഭ​വം. പ​ശു​വി​നെ വി​റ്റു​കി​ട്ടി​യ പ​ണ​വു​മാ​യി കാ​റി​ൽ​വ​ന്ന പോ​ട്ട സ്വ​ദേ​ശി​യാ​യ പീ​താം​ബ​ര​ന്റെ പ​ണ​മാ​ണ് ഇ​യാ​ൾ ത​ട്ടി​യെ​ടു​ത്ത​ത്.

പ​ശു​ക്ക​ൾ​ക്ക് കാ​ലി​ത്തീ​റ്റ വാ​ങ്ങി​ക്കു​ന്ന​തി​നാ​യി ചാ​ല​ക്കു​ടി പോ​ട്ട ഫ്ലൈ ​ഓ​വ​റി​ന​ടു​ത്ത് കാ​ർ പാ​ർ​ക്ക് ചെ​യ്ത സ​മ​യം ഇ​യാ​ൾ പെ​ട്ടെ​ന്ന് കാ​റി​നു​ള്ളി​ലേ​ക്ക് അ​തി​ക്ര​മി​ച്ച് ക​ട​ന്ന് പീ​താം​ബ​ര​ന്റെ ക​ഴു​ത്തി​ൽ ക​ത്തി​വെ​ച്ച് അ​ന​ങ്ങി​പ്പോ​യാ​ൽ കൊ​ന്നു​ക​ള​യു​മെ​ന്ന് ഭീ​ഷ​ണി​പ്പെ​ടു​ത്തു​ക​യാ​യി​രു​ന്നു.

തു​ട​ർ​ന്ന് കാ​റി​ന്റെ ഡാ​ഷ് ബോ​ർ​ഡ് പൊ​ട്ടി​ച്ച് അ​തി​ന​ക​ത്ത് പ​ശു​വി​നെ വി​റ്റ വ​ക​യി​ൽ സൂ​ക്ഷി​ച്ചി​രു​ന്ന 25,500 രൂ​പ ക​വ​ർ​ച്ച ചെ​യ്യു​ക​യാ​യി​രു​ന്നു. ചാ​ല​ക്കു​ടി പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ എം.​കെ. സ​ജീ​വ്, സ​ബ് ഇ​ൻ​സ്പെ​ക്ട​ർ​മാ​രാ​യ എ​ൻ. പ്ര​ദീ​പ്, ഇ.​ആ​ർ. സി​ജു മോ​ൻ, ജോ​ഫി ജോ​സ്, ഉ​ണ്ണി​കൃ​ഷ്ണ​ൻ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ ബൈ​ജു എ​ന്നി​വ​ർ ചേ​ർ​ന്നാ​ണ് അ​റ​സ്റ്റ് ചെ​യ്ത​ത്.

ബൈ​ജു​വി​ന്റെ പേ​രി​ൽ ചാ​ല​ക്കു​ടി​യി​ൽ 2003, 2006 വ​ർ​ഷ​ങ്ങ​ളി​ൽ ക​വ​ർ​ച്ച​ക്കേ​സും 2004 വ​ർ​ഷ​ത്തി​ൽ ര​ണ്ട് മോ​ഷ​ണ​ക്കേ​സു​ക​ളും 2004, 2005 വ​ർ​ഷ​ങ്ങ​ളി​ൽ ഓ​രോ അ​ടി​പി​ടി കേ​സും അ​ട​ക്കം ആ​റ് ക്രി​മി​ന​ൽ കേ​സു​ക​ളും ഉ​ള്ള​താ​യി പൊ​ലീ​സ് പ​റ​ഞ്ഞു.