‘സ്മൈ​ൽ പ്ലീ​സ്’ എം.​ടി ചി​രി​ച്ചു; സു​രേ​ന്ദ്ര​ന് മു​ന്നി​ൽ

ഗു​രു​വാ​യൂ​ർ: ചി​രി​യി​ൽ പി​ശു​ക്ക​നാ​യ എം.​ടി ഉ​ള്ളു​തു​റ​ന്ന് ചി​രി​ച്ചു; ഗു​രു​വാ​യൂ​രി​ലെ സ​രി​ത സു​രേ​ന്ദ്ര​ന്റെ കാ​മ​റ​ക്ക് മു​ന്നി​ൽ. കാ​മ​റ​ക​ൾ ഡി​ജി​റ്റ​ലി​ലേ​ക്ക് വ​ള​രും മു​മ്പു​ള്ള കാ​ല​ത്താ​യി​രു​ന്നു കി​ഴ​ക്കെ ന​ട​യി​ലെ സ​രി​ത സ്റ്റു​ഡി​യോ​യി​ൽ സു​രേ​ന്ദ്ര​ന്റെ കാ​മ​റ​ക്ക് മു​ന്നി​ൽ നി​റ​ഞ്ഞ ചി​രി​യോ​ടെ എം.​ടി ഇ​രു​ന്നു​കൊ​ടു​ത്ത​ത്.

അ​ത്യ​പൂ​ർ​വ​മാ​യി മാ​ത്രം എം.​ടി​യു​ടെ മു​ഖ​ത്ത് മി​ന്നി​മ​റ​യു​ന്ന ചി​രി കാ​മ​റ​യു​മാ​യി ത​പ​സ് നി​ന്നും ഇ​രു​ന്നു​മൊ​ക്കെ ചി​ല ഭാ​ഗ്യ​വാ​ന്മാ​രാ​യ ഫോ​ട്ടോ​ഗ്രാ​ഫ​ർ​മാ​ർ പ​ക​ർ​ത്തി​യി​ട്ടു​ണ്ടെ​ങ്കി​ലും വി​ട​ർ​ന്ന ചി​രി​യു​മാ​യി കാ​മ​റ​ക്ക് പോ​സ് ചെ​യ്തി​രി​ക്കു​ന്ന എം.​ടി​യെ ക്ലി​ക്ക് ചെ​യ്യാ​നു​ള്ള അ​ത്യ​പൂ​ർ​വ​ഭാ​ഗ്യം സു​രേ​ന്ദ്ര​നാ​ണ് ല​ഭി​ച്ച​ത്. പി. ​ഭാ​സ്ക​ര​ൻ, സാം​സ്കാ​രി​ക പ്ര​വ​ർ​ത്ത​ക​നും ച​ല​ച്ചി​ത്ര നി​ർ​മാ​താ​വു​മാ​യ ശോ​ഭ​ന പ​ര​മേ​ശ്വ​ര​ൻ നാ​യ​ർ, മു​ൻ എം.​എ​ൽ.​എ​യും ഗു​രു​വാ​യൂ​ർ ദേ​വ​സ്വം ചെ​യ​ർ​മാ​നു​മാ​യി​രു​ന്ന പി.​ടി. മോ​ഹ​ന​കൃ​ഷ്ണ​ൻ എ​ന്നി​വ​ർ​ക്കൊ​പ്പ​മാ​ണ് എം.​ടി. സ്റ്റു​ഡി​യോ​യി​ൽ എ​ത്തി​യ​തെ​ന്ന് സു​രേ​ന്ദ്ര​ൻ ഓ​ർ​ത്തു.

ചി​രി​ക്കു​ന്ന എം.​ടി​യു​ടെ ഫോ​ട്ടോ​യു​ടെ പ്രി​ന്റ് ത​പാ​ലി​ൽ കി​ട്ടി​യ​പ്പോ​ൾ ശോ​ഭ​ന പ​ര​മേ​ശ്വ​ര​ൻ നാ​യ​ർ സു​രേ​ന്ദ്ര​ന് ഒ​രു ക​ത്തെ​ഴു​തി. ‘സു​രേ​ന്ദ്ര​ന് അ​ഹ​ങ്ക​രി​ക്കാം; എം.​ടി​യു​ടെ ചി​രി​ക്കു​ന്ന ചി​ത്രം പ​ക​ർ​ത്തി​യ​തി​ൽ’ എ​ന്നാ​യി​രു​ന്നു ഉ​ള്ള​ട​ക്കം. ഗൗ​ര​വം സ്ഥാ​യീ​ഭാ​വ​മാ​യ എം.​ടി​യു​ടെ ചെ​റു​പു​ഞ്ചി​രി പോ​ലും അ​ത്യ​പൂ​ർ​വ​മാ​യ​തി​നാ​ലാ​ണ് ചി​രി​ച്ചു​കൊ​ണ്ട് ഫോ​ട്ടോ​ക്ക് എം.​ടി​യെ പോ​സ് ചെ​യ്യി​ച്ച സു​രേ​ന്ദ്ര​നെ പ​ര​മേ​ശ്വ​ൻ നാ​യ​ർ അ​ഭി​ന​ന്ദി​ച്ച​ത്.

‘പ​റ​യു​മോ, വാ​സു​വി​നോ​ട് ഒ​ന്നു ചി​രി​ക്കാ​ൻ?’ എ​ന്ന് ഒ​രി​ക്ക​ൽ ക​മ​ല സു​ര​യ്യ ത​ന്നെ പ​രി​ഭ​വം പ​റ​ഞ്ഞി​ട്ടു​ണ്ട്. ഈ ​പ​രി​ഭ​വ​മെ​ല്ലാം അ​ലി​ഞ്ഞി​ല്ലാ​താ​കു​ന്ന​താ​ണ് സു​രേ​ന്ദ്ര​ൻ പ​ക​ർ​ത്തി​യ ചി​ത്രം. സു​രേ​ന്ദ്ര​ൻ വീ​ട് പ​ണി​ത​പ്പോ​ൾ അ​തി​നു​ള്ളി​ൽ ശി​ൽ​പ്പി എ​ള​വ​ള്ളി ന​ന്ദ​ൻ പ​ണി​തീ​ർ​ത്ത ആ​ന​യു​ടെ ശി​ൽ​പം കാ​ണാ​നും സു​ഹൃ​ത്ത് വേ​ണു എ​ട​ക്ക​ഴി​യൂ​രി​നൊ​പ്പം എം.​ടി എ​ത്തി​യി​രു​ന്നു. ഏ​റെ​സ​മ​യം വീ​ട്ടി​ൽ ചി​ല​വ​ഴി​ച്ചാ​ണ് എം.​ടി മ​ട​ങ്ങി​യ​തെ​ന്ന് സു​രേ​ന്ദ്ര​ൻ പ​റ​ഞ്ഞു.