സാംസ്കാരിക മന്ത്രിയും അ​ധ്യ​ക്ഷ​നു​മി​ല്ലാ​തെ ഉ​ദ്ഘാ​ട​ന സ​മ്മേ​ള​നം

തൃ​ശൂ​ർ: സാ​മ്പ​ത്തി​ക ബു​ദ്ധി​മു​ട്ടി​നാ​ൽ ന​ട്ടം തി​രി​യു​ന്ന​തി​നാ​ൽ ഇ​ക്കു​റി അ​ന്താ​രാ​ഷ്ട്ര നാ​ട​കോ​ത്സ​വം ഉ​ണ്ടാ​കി​ല്ല എ​ന്നാ​യി​രു​ന്നു കേ​ര​ള സം​ഗീ​ത നാ​ട​ക അ​ക്കാ​ദ​മി ഭാ​ര​വാ​ഹി​ക​ൾ അ​ടു​ത്തി​​ടെ​വ​രെ മാ​ധ്യ​മ​ങ്ങ​ളോ​ട് പ​റ​ഞ്ഞി​രു​ന്ന​ത്. ക​ഴി​ഞ്ഞ പ്രാ​വ​ശ്യ​ത്തേ​ക്കാ​ൾ അ​ൽ​പം വൈ​കി​യാ​ണെ​ങ്കി​ലും സ​ർ​ക്കാ​റി​ൽ​നി​ന്ന് ഡ​ബി​ൾ ബെ​ൽ മു​ഴ​ങ്ങി​ക്കി​ട്ടി​യ​തോ​ടെ ലോ​ക നാ​ട​ക​രാ​വു​ക​ൾ​ക്ക് തൃ​ശൂ​രി​ൽ അ​ര​ങ്ങു​ണ​രു​ക​യാ​യി​രു​ന്നു ഈ ​ഞാ​യ​റാ​ഴ്ച മു​ത​ൽ.

വൈ​കീ​ട്ട് 5.30ന് ​ഔ​ദ്യോ​ഗി​ക​മാ​യി ആ​രം​ഭി​ക്കു​ന്ന ഇ​റ്റ്ഫോ​ക്ക് ഫെ​സ്റ്റി​വെ​ലി​ന്റെ ഉ​ദ്ഘാ​ട​നം നി​ർ​വ​ഹി​ക്കാ​ൻ എ​ത്തേ​ണ്ടി​യി​രു​ന്ന​ത് സാം​സ്കാ​രി​ക മ​ന്ത്രി സ​ജി ചെ​റി​യാ​നാ​യി​രു​ന്നു. അ​ധ്യ​ക്ഷ​ൻ പി. ​ബാ​ല​ച​ന്ദ്ര​ൻ എം.​എ​ൽ.​എ​യും. ഇ​രു​വ​രും പ​രി​പാ​ടി​ക്കെ​ത്തി​യി​ല്ല. സം​ഗീ​ത നാ​ട​ക അ​ക്കാ​ദ​മി​യു​ടെ ഏ​റ്റ​വും പ്രാ​ധാ​ന്യ​മു​ള്ള പ​രി​പാ​ടി​യാ​യി​ട്ടും ഉ​ദ്ഘാ​ട​ക​നും സ്ഥ​ലം എം.​എ​ൽ.​എ​യാ​യ അ​ധ്യ​ക്ഷ​നും എ​ത്താ​തി​രു​ന്ന​ത് ക്ഷീ​ണ​മാ​യി.

ക​ഴി​ഞ്ഞ ദി​വ​സം അ​ന്ത​രി​ച്ച സി.​പി.​എം കോ​ട്ട​യം ജി​ല്ല സെ​ക്ര​ട്ട​റി എ.​വി. റ​സ​ലി​ന്റെ മ​ര​ണാ​ന​ന്ത​ര ച​ട​ങ്ങു​ക​ളി​ൽ പ​​ങ്കെ​ടു​ക്കേ​ണ്ട​തി​നാ​ൽ എ​ത്താ​ൻ ക​ഴി​യി​ല്ലെ​ന്ന് സാം​സ്കാ​രി​ക മ​ന്ത്രി അ​റി​യി​ച്ച​താ​യി സം​ഗീ​ത നാ​ട​ക അ​ക്കാ​ദ​മി സെ​ക്ര​ട്ട​റി ക​രി​വെ​ള്ളൂ​ർ മു​ര​ളി അ​റി​യി​ച്ചു.

തു​ട​ർ​ന്ന് മ​ന്ത്രി ഡോ. ​ആ​ർ. ബി​ന്ദു​വാ​ണ് ഉ​ദ്ഘാ​ട​നം നി​ർ​വ​ഹി​ച്ച​ത്. ഇ​റ്റ്ഫോ​ക്കി​ന്റെ ബ്രോ​ഷ​റു​ക​ളി​ലും നോ​ട്ടീ​സു​ക​ളി​ലു​മൊ​ക്കെ ഉ​ദ്ഘാ​ട​ന സെ​ഷ​നി​ൽ പി. ​ബാ​ല​ച​ന്ദ്ര​ൻ എം.​എ​ൽ.​എ അ​ധ്യ​ക്ഷ​നാ​കും എ​ന്നാ​യി​രു​ന്നു. എ​ന്നാ​ൽ, ​വൈ​കീ​ട്ട് അ​ഞ്ചി​ന് തു​ട​​ങ്ങേ​ണ്ട പ​രി​പാ​ടി​ക്ക് ആ​റ് മ​ണി​യാ​യി​ട്ടും അ​ധ്യ​ക്ഷ​ൻ എ​ത്തി​യി​ല്ല. തു​ട​ർ​ന്ന് അ​ക്കാ​ദ​മി ചെ​യ​ർ​മാ​ൻ മ​ട്ട​ന്നൂ​ർ ശ​ങ്ക​ര​ൻ കു​ട്ടി അ​ധ്യ​ക്ഷ​നാ​കു​ക​യാ​യി​രു​ന്നു. മേ​യ​ർ എം.​കെ വ​ർ​ഗീ​സും പ​രി​പാ​ടി​ക്കെ​ത്തി​യി​ല്ല.