നെല്‍കൃഷിയെ ചേര്‍ത്തുപിടിച്ച് ലളിത

കൊ​ട​ക​ര: ചേ​റി​ലും ച​ളി​യി​ലും ഇ​റ​ങ്ങാ​ന്‍ മ​ടി​ച്ച് നെ​ല്‍കൃ​ഷി​യി​ല്‍നി​ന്ന് മു​ഖം തി​രി​ക്കു​ന്ന​വ​ര്‍ക്കി​ട​യി​ല്‍ വേ​റി​ട്ടു​നി​ല്‍ക്കു​ക​യാ​ണ് ക​ന​ക​മ​ല പ​ഴ​മ്പി​ള്ളി​യി​ലെ ല​ളി​ത എ​ന്ന 57കാ​രി. നി​ലം പാ​ട്ട​ത്തി​നെ​ടു​ത്താ​ണ് ഇ​വ​ര്‍ നെ​ല്‍കൃ​ഷി ചെ​യ്യു​ന്ന​ത്. പ​ച്ച​ക്ക​റി അ​ട​ക്ക​മു​ള്ള വി​വി​ധ കൃ​ഷി​ക​ള്‍ ചെ​യ്തു​വ​ന്നി​രു​ന്ന ല​ളി​ത ഏ​ഴു​വ​ര്‍ഷ​ത്തോ​ള​മാ​യി നെ​ല്‍കൃ​ഷി​യി​ല്‍ സ​ജീ​വ​മാ​ണ്. നി​ല​മൊ​രു​ക്കു​ന്ന​തു മു​ത​ല്‍ വി​ള​വെ​ടു​പ്പു വ​രെ​യു​ള്ള കാ​ര്‍ഷി​ക​ജോ​ലി​ക​ളി​ല്‍ പ​ങ്കാ​ളി​യാ​വു​ന്ന ല​ളി​ത കൊ​ട​ക​ര പ​ഞ്ചാ​യ​ത്തി​ലെ തേ​ശേ​രി മു​രി​ക്കും​പ​ട്ട പാ​ട​ശേ​ഖ​ര​ത്തി​ലാ​ണ് വ​ര്‍ഷ​ങ്ങ​ളാ​യി നെ​ല്‍കൃ​ഷി ചെ​യ്തി​രു​ന്ന​ത്.

ഈ​യി​ടെ​യാ​യി ഇ​വി​ടെ നെ​ല്‍കൃ​ഷി​യി​റ​ക്കാ​ന്‍ ത​ട​സ്സ​ങ്ങ​ള്‍ നേ​രി​ട്ട​തോ​ടെ സ​മീ​പ​ത്തെ മ​റ്റു പാ​ട​ശേ​ഖ​ര​ങ്ങ​ളി​ല്‍ നി​ലം പാ​ട്ട​ത്തി​നെ​ടു​ക്കു​ക​യാ​യി​രു​ന്നു. മു​ണ്ട​ക​ന്‍ വി​ള​യാ​ണ് പ​തി​വാ​യി ഇ​റ​ക്കു​ന്ന​ത്. ക​ന​ക​മ​ല പ​ഴ​മ്പി​ള്ളി ക​ടും​കു​റ്റി​പ്പാ​ട​ത്ത് പ​തി​റ്റാ​ണ്ടു​ക​ളാ​യി ത​രി​ശു​കി​ട​ന്ന 30 ഏ​ക്ക​ര്‍ നി​ലം കൃ​ഷി​യോ​ഗ്യ​മാ​ക്കി​യെ​ടു​ത്ത​തി​ല്‍ ല​ളി​ത​യു​ടെ പ​ങ്ക് ചെ​റു​ത​ല്ല. ഇ​വി​ട​ത്തെ ഏ​ഴേ​ക്ക​ര്‍ ത​രി​ശു​നി​ല​ത്തി​ലാ​ണ് ഈ ​ക​ര്‍ഷ​ക ഇ​ത്ത​വ​ണ മു​ണ്ട​ക​ന്‍ വി​ള​യി​റ​ക്കി മി​ക​ച്ച വി​ള​വ് കൊ​യ്‌​തെ​ടു​ത്ത​ത്. നെ​ല്‍കൃ​ഷി ന​ഷ്ട​മാ​ണെ​ന്നും കാ​ര്‍ഷി​ക പ​ണി​ക​ള്‍ക്ക് ആ​ളെ കി​ട്ടാ​നി​ല്ലെ​ന്നും പ​റ​ഞ്ഞ് പാ​ട​ശേ​ഖ​ര​ങ്ങ​ള്‍ ത​രി​ശി​ടു​ന്ന​ത് കാ​ണു​മ്പോ​ള്‍ ഉ​ള്ളി​ല്‍ നി​രാ​ശ​യും സ​ങ്ക​ട​വും തോ​ന്നാ​റു​ണ്ടെ​ന്ന് ല​ളി​ത പ​റ​യു​ന്നു.

ജ​ല​സേ​ച​ന സൗ​ക​ര്യ​മു​ള്ള ഏ​ത് പാ​ട​ശേ​ഖ​ര​ത്തി​ലും നി​ലം​പാ​ട്ട​ത്തി​ന് കി​ട്ടാ​നു​ണ്ടെ​ങ്കി​ല്‍ അ​തെ​ല്ലാം ഏ​റ്റെ​ടു​ത്ത് അ​വി​ടെ നെ​ല്ലു​വി​ള​യി​ക്കാ​ന്‍ ഈ ​ക​ര്‍ഷ​ക ഒ​രു​ക്ക​മാ​ണ്. ആ​രോ​ഗ്യം അ​നു​വ​ദി​ക്കു​ന്നി​ട​ത്തോ​ളം കൃ​ഷി​യി​ല്‍ സ​ജീ​വ​മാ​യി തു​ട​രാ​നു​ള്ള ല​ളി​ത​യു​ടെ നി​ശ്ച​യ​ദാ​ര്‍ഢ്യ​ത്തി​ന് ഭ​ര്‍ത്താ​വും മ​ക്ക​ളും പി​ന്തു​ണ​യു​മാ​യി ഒ​പ്പ​മു​ണ്ട്.