കൊരട്ടി: വാഹന പരിശോധനക്കിടെ ഓടിരക്ഷപ്പെട്ട ബൈക്ക് മോഷണക്കേസ് പ്രതിയെ കൊരട്ടി പൊലീസ് അറസ്റ്റ് ചെയ്തു. കാസർകോട് കൂളിക്കുന്ന് നമ്പടിപ്പളെ വീട്ടില്‍ റംസാനെയാണ് (29) കര്‍ണാടകയില്‍നിന്ന് സി.ഐ ബി.കെ. അരുണിന്റെ നേതൃത്വത്തില്‍ അറസ്റ്റ് ചെയ്തത്.
കൊരട്ടി ഐ.ടി പാർക്കിലെ ജീവനക്കാരൻ പത്തനംതിട്ട വട്ടുകുഴിയില്‍ ബിബിത്തിന്റെ ബുള്ളറ്റ് ബൈക്ക് കഴിഞ്ഞ മേയില്‍ കൊരട്ടിയില്‍നിന്ന് ഇയാള്‍ മോഷ്ടിച്ചിരുന്നു. പട്രോളിങ്ങിനിടെ സംശയം തോന്നി വാഹനം പരിശോധിച്ചപ്പോഴാണ് റംസാന്‍ ഓടിരക്ഷപ്പെട്ടത്. ഒപ്പമുണ്ടായിരുന്ന കാസർകോട് സ്വദേശി അക്ബറിനെ അന്ന് അറസ്റ്റ് ചെയ്തിരുന്നു.
കർണാടകയില്‍ അടക്കം നിരവധി മോഷണ കേസുകളില്‍ പ്രതിയായ റംസാന്‍ മടിക്കൈ പൊലീസിന്റെ പിടിയിൽപെട്ട് ജയിലിലായിരുന്നു. കോഴിക്കോട് നല്ലളത്ത് ഉപേക്ഷിച്ച ബൈക്ക് നേരത്തേ കൊരട്ടി പൊലീസ് കസ്റ്റഡിയില്‍ എടുത്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.