വൈകിവന്ന വസന്തം; ശ്രീഹരിക്ക് പറക്കാം, കുടുംബത്തോടൊപ്പം

പ​ഴ​ഞ്ഞി: എ ​പ്ല​സ് വി​ജ​യം വൈ​കി​യാ​ണ് ശ്രീ​ഹ​രി​യെ തേ​ടി​യെ​ത്തി​യ​തെ​ങ്കി​ലും സ​ഹ​പാ​ഠി​ക​ൾ​ക്കൊ​പ്പം ല​ഭി​ക്കാ​തെ പോ​യ ആ​കാ​ശ യാ​ത്ര കു​ടും​ബ​ത്തോ​ടൊ​പ്പ​മൊ​രു​ക്കി ഷെ​യ​ർ ആ​ൻ​ഡ് കെ​യ​ർ ചാ​രി​റ്റ​ബി​ൾ സൊ​സൈ​റ്റി. എ​സ്.​എ​സ്.​എ​ൽ.​സി പ​രീ​ക്ഷ​യി​ൽ മു​ഴു​വ​ൻ എ ​പ്ല​സും നേ​ടി​യ പ​ഴ​ഞ്ഞി ഗ​വ. വെ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾ​ക്ക് ഷെ​യ​ർ ആ​ൻ​ഡ് കെ​യ​ർ ചാ​രി​റ്റ​ബി​ൾ സൊ​സൈ​റ്റി തിരുവനന്തപുരത്തേക്ക് വി​മാ​ന​യാ​ത്ര​യും തിരികെ വ​ന്ദേ ഭാ​ര​ത് ട്രെ​യി​ൻ യാ​ത്ര​യും ഒ​രു​ക്കി​യി​രു​ന്നു. 14 വി​ദ്യാ​ർ​ഥി​ക​ളും അ​ധ്യാ​പ​ക​രു​മ​ട​ങ്ങി​യ സം​ഘ​മാ​യി​രു​ന്നു യാ​ത്ര​യി​ലു​ണ്ടാ​യി​രു​ന്ന​ത്. ഈ ​യാ​ത്ര​യു​ടെ ത​ലേ​നാ​ളി​ലാ​ണ് ഇ​തേ വി​ദ്യാ​ല​യ​ത്തി​ലെ കെ.​ആ​ർ. ശ്രീ​ഹ​രി​ക്ക് പു​ന​ർ മൂ​ല്യ​നി​ർ​ണ​യ​ത്തി​ലൂ​ടെ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സ് ല​ഭി​ച്ച​ത്.

എ​ന്നാ​ൽ, മു​ൻ​കൂ​ട്ടി ടി​ക്ക​റ്റ് ബു​ക്ക് ചെ​യ്തുള്ള യാ​ത്ര​യാ​യ​തി​നാ​ൽ സം​ഘ​ത്തി​നൊ​പ്പം ചേരാൻ ശ്രീഹരിക്ക് സാ​ധി​ച്ചി​ല്ല. യാ​ത്ര​യു​ടെ ചി​ത്ര​ങ്ങ​ൾ ക്ലാ​സ് വാ​ട്സ്ആ​പ് ഗ്രൂ​പ്പു​ക​ളി​ൽ വ​രാ​ൻ തു​ട​ങ്ങി​യ​തോ​ടെ​യും കു​ട്ടി​ക​ളി​ൽ പ​ല​രും സ്റ്റാ​റ്റ​സ് ആ​ക്കു​ക​യും ചെ​യ്ത​തോ​ടെ ശ്രീ​ഹ​രി​യു​ടെ മ​ന​സ്സ് ത​ള​ർ​ന്നു. പ​രീ​ക്ഷ ഫ​ലം ഒ​രു​ദി​വ​സം മു​മ്പ് വ​രു​ക​യാ​യി​രു​ന്നെ​ങ്കി​ൽ ത​നി​ക്കും സ​ഹ​പാ​ഠി സം​ഘ​ത്തോ​ടൊ​പ്പം യാ​ത്ര ചെ​യ്യാ​മാ​യി​രു​ന്നു​വെ​ന്ന സ​ങ്ക​ടം ര​ക്ഷി​താ​ക്ക​ളു​മാ​യി പ​ങ്കു​വെ​ച്ചു. ഈ വി​വ​ര​മ​റി​ഞ്ഞ ക്ലാ​സ് അ​ധ്യാ​പി​ക എ. ​ധ​ന്യ ചാ​രി​റ്റ​ബി​ൾ സൊ​സൈ​റ്റി പ്ര​സി​ഡ​ന്റ് ലെ​ബീ​ബ് ഹ​സ്സ​നോ​ട് യാ​ത്ര​ക്കിടെ പങ്കുവെച്ചു. തു​ട​ർ​ന്ന് ഷെ​യ​ർ ആ​ൻ​ഡ് കെ​യ​ർ ഭാ​ര​വാ​ഹി​ക​ൾ ശ്രീ​ഹ​രി​ക്കും യാ​ത്ര സൗ​ക​ര്യ​മൊ​രു​ക്കുക​യാ​യി​രു​ന്നു. എ​ന്നാ​ൽ, ഒ​റ്റ​ക്ക് യാ​ത്ര ചെ​യ്യേ​ണ്ട വി​ഷ​മ​ം മ​ന​സ്സി​ലാ​ക്കി കു​ന്നം​കു​ള​ത്ത് ഡ്രൈ​വ​റാ​യ പി​താ​വ് രാ​ജേ​ഷി​നെ​യും മാ​താ​വ് സി​വ്യ​യെ​യും ക​രി​ക്കാ​ട് സ്കൂ​ളി​ലെ ര​ണ്ടാം ക്ലാ​സ് വി​ദ്യാ​ർ​ഥി​ അ​നു​ജ​ൻ ശ്രാ​വ​ൺ കൃ​ഷ്ണ​യെ​യും ശ്രീ​ഹ​രി​ക്കൊ​പ്പം കൂ​ട്ടാ​നും ഇ​വ​ർ​ക്കുള്ള യാ​ത്ര ചെ​ല​വ് വ​ഹി​ക്കാ​നും തീ​രു​മാ​നി​ച്ചു.

പ്ര​സി​ഡ​ന്റ് ലെ​ബീ​ബ് ഹ​സ്സ​ൻ ശ്രീ​ഹ​രി​യു​ടെ വീ​ട്ടി​ലെ​ത്തി യാ​ത്ര​ ടി​ക്ക​റ്റ് കൈ​മാ​റി. ഷ​മീ​ർ ഇ​ഞ്ചി​ക്കാ​ല​യി​ൽ, സ​ക്ക​റി​യ ചീ​ര​ൻ, പി.​എം. ബെ​ന്നി, സി.​കെ. അ​പ്പു​മോ​ൻ, ഗി​ല്‍ബ​ർ​ട്ട് എ​സ്. പാ​റേ​മ്മ​ൽ, ഇ.​എം.​കെ ജി​ഷാ​ർ കാ​ട്ട​കാ​മ്പാ​ൽ ഗ്രാ​മ​പ​ഞ്ചാ​യ​ത്ത് അം​ഗം കെ.​ടി. ഷാ​ജ​ൻ, ഹൈ​സ്കൂ​ൾ പ്ര​ധാ​നാ​ധ്യാ​പി​ക മേ​ഴ്സി മാ​ത്യു, ക്ലാ​സ് അ​ധ്യാ​പി​ക എ. ​ധ​ന്യ എ​ന്നി​വ​ർ സ​ംബന്ധിച്ചു. സ​ഹ​പാ​ഠി​ക​ൾ​ക്കൊ​പ്പ​മു​ള്ള ന​ഷ്ട​പ്പെ​ട്ട യാ​ത്ര കു​ടും​ബ​ത്തി​നൊ​പ്പം വി​മാ​ന​യാ​ത്ര​യും, വ​ന്ദേ ഭാ​ര​ത് യാ​ത്ര​യും ചെ​യ്യാ​നാ​യ​തി​ന്റെ ആ​ഹ്ലാ​ദ​ത്തി​ലാ​ണിപ്പോൾ ശ്രീ​ഹ​രി. ഈ ​മാ​സം പ​ത്തി​നാ​ണ് യാ​ത്ര.