കരുനാഗപ്പള്ളി: ഇടക്കുളങ്ങര ഇൻഡസ്ട്രിയല്‍ എസ്റ്റേറ്റിലെ കടത്തിണ്ണയില്‍ തൊഴിലാളിയെ മരിച്ചനിലയില്‍ കണ്ടെത്തി. കക്കൂസ് ശുചീകരണതൊഴിലാളിയായ കൊല്ലം ഉളിയകോവില്‍ സ്വദേശി രാജന്‍ ആണ് (50) മരിച്ചത്. മൃതദേഹത്തിനു സമീപം അരിഷ്ടക്കുപ്പിയും കണ്ടെത്തി. നാട്ടുകാരും പൗരസമിതിപ്രവര്‍ത്തകരും വിവരം പൊലീസില്‍ അറിയിക്കുകയായിരുന്നു. ഇൻഡസ്ട്രിയല്‍ എസ്റ്റേറ്റില്‍ രണ്ട് ആയുര്‍വേദ അരിഷ്ടക്കടകള്‍ പ്രവര്‍ത്തിക്കുന്നുണ്ട്. ഇയാള്‍ ഇവിടെനിന്നും അരിഷ്ടം വാങ്ങിക്കഴിച്ചതാകാമെന്നാണ് പ്രാഥമിക നിഗമനം. പൗരസമിതി പ്രവര്‍ത്തകരും ജനപ്രതിനിധികളും ഇടപെട്ട് രണ്ട് അരിഷ്ടക്കടകളും പൂട്ടിച്ചു. കഴിഞ്ഞ ഒമ്പതിന് ഇടക്കുളങ്ങര സ്വദേശി ബാബു (48) എന്നയാളും ആയുര്‍വേദ അരിഷ്ടക്കടയുടെ സമീപം തെങ്ങില്‍ ചുവട്ടില്‍ മരിച്ചനിലയിൽ കാണപ്പെട്ടിരുന്നു. കരുനാഗപ്പള്ളി പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.