വർക്കല: സി.ഐ.ടി.യു വർക്കല ഏരിയ കമ്മിറ്റിയുടെ നേതൃത്വത്തിൽ മേയ് ദിന റാലിയും പൊതുയോഗവും സംഘടിപ്പിച്ചു. മേയ് ദിനത്തോടനുബന്ധിച്ച് ഏരിയയിലെ നൂറോളം കേന്ദ്രങ്ങളിൽ പതാക ഉയർത്തി. വർക്കല റെയിൽേവ സ്റ്റേഷന് മുന്നിൽനിന്നും ആരംഭിച്ച പ്രകടനം പൊലീസ് സ്റ്റേഷൻ ചുറ്റി മൈതാനത്ത് സമാപിച്ചു. തുടർന്ന് നടന്ന യോഗത്തിൽ സി.ഐ.ടി.യു ഏരിയ സെക്രട്ടറി വി. സത്യദേവൻ, പ്രസിഡൻറ് ജെ. ശശാങ്കൻ, ട്രഷറർ അഡ്വ. കെ.ആർ. ബിജു, വി. സുധീർ, എച്ച്. ഹാരിസ്, സി. അജയകുമാർ, ബിന്ദു ജയപ്രകാശ് എന്നിവർ സംസാരിച്ചു. പ്രകടനത്തിലും യോഗത്തിലും വിവിധ മേഖലയിലെ തൊഴിലാളികൾ പങ്കെടുത്തു. പ്രകടനത്തിന് തൊട്ടുപിന്നിലായി ഒാട്ടോ റാലിയുമുണ്ടായിരുന്നു. വർക്കല ഇ.എം.എസ് ഭവന് മുന്നിൽ സി.പി.എം ഏരിയ സെക്രട്ടറി എം.കെ. യൂസഫിന്‍റെ നേതൃത്വത്തിൽ പതാക ഉയർത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.