പിടിയിലായ പ്രതികൾ
ആറ്റിങ്ങൽ: മുളക് പൊടി എറിഞ്ഞ് മാല പൊട്ടിക്കാൻ ശ്രമം, യുവതിയും യുവാവും അറസ്റ്റിൽ. കൊല്ലം ഈസ്റ്റ് പുള്ളിക്കട വടക്കുംഭാഗം പുതുവൽപുരയിടത്തിൽ നിന്നും മയ്യനാട് ധവളക്കുഴി സുനാമി ഫ്ലാറ്റിൽ വാടകക്ക് താമസിക്കുന്ന ലക്ഷ്മി (26), കൊല്ലം മയ്യനാട് ധവളക്കുഴി സുനാമി ഫ്ലാറ്റ് നമ്പർ 11 ൽ താമസിക്കുന്ന സാലു (26) എന്നിവരെയാണ് ആറ്റിങ്ങൽ പൊലീസ് അറസ്റ്റ് ചെയ്തത്. 19 ന് രാവിലെ 10 ന് ആറ്റിങ്ങൽ വെഞ്ഞാറമൂട് റോഡിൽ അവനവഞ്ചേരി പോയിന്റ്മുക്ക് ജങ്ഷനിലാണ് സംഭവം.
അറസ്റ്റിലായ സാലുവിന് കൊട്ടിയം പൊലീസ് സ്റ്റേഷനിൽ അടിപിടി കേസുകൾ നിലവിലുണ്ട്. ആറ്റിങ്ങൽ ഡി.വൈ.എസ്.പി മഞ്ജുലാലിന്റെ നിർദ്ദേശപ്രകാരം ആറ്റിങ്ങൽ ഇൻസ്പെക്ടർ എസ്.എച്ച്.ഒ ഗോപകുമാർ.ജി, എസ്.ഐമാരായ ജിഷ്ണു എം.എസ്, ഉത്തരേന്ദ്രനാഥ്, എ.എസ്.ഐമാരായ ജിഹാനിൽ ഹക്കിം, രേഖ.എം.എസ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. അറസ്റ്റിലായ പ്രതികൾ കൃത്യത്തിനുപയോഗിച്ച വാഹനവും മുളക് പൊടിയും പൊലീസ് കണ്ടെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.