ക​ഞ്ചാ​വ് സം​ഘ​ങ്ങ​ള്‍ പ്ര​ണ​യ​ക്കു​രു​ക്കി​ലാ​ക്കി ആ​ത്മ​ഹ​ത്യ​യി​ലേ​ക്ക് ത​ള്ളി​വി​ടു​ന്നു; തിരുവനന്തപുരത്ത് മരിച്ചത്​ അഞ്ച്​ പെൺകുട്ടികൾ

തി​രു​വ​ന​ന്ത​പു​രം: ത​ല​സ്ഥാ​ന ജി​ല്ല​യി​ൽ ആ​ദി​വാ​സി ഊ​രു​ക​ളി​ലെ പെ​ൺ​കു​ട്ടി​ക​ളെ ക​ഞ്ചാ​വ് സം​ഘ​ങ്ങ​ള്‍ പ്ര​ണ​യ​ക്കു​രു​ക്കി​ലാ​ക്കി ആ​ത്മ​ഹ​ത്യ​യി​ലേ​ക്ക് ത​ള്ളി​വി​ടു​ന്നെ​ന്ന്​ ര​ക്ഷാ​ക​ർ​ത്താ​ക്ക​ളു​ടെ ആ​ക്ഷേ​പം. പെ​രി​ങ്ങ​മ്മ​ല, വി​തു​ര ആ​ദി​വാ​സി ഊ​രു​ക​ളി​ൽ അ​ഞ്ച്​ മാ​സ​ത്തി​നി​ടെ, ആ​ത്മ​ഹ​ത്യ ചെ​യ്ത​ത് അ​ഞ്ച്​ പെ​ൺ​കു​ട്ടി​ക​ളാ​ണ്. ല​ഹ​രി സം​ഘ​ങ്ങ​ളെ നേ​രി​ടാ​ൻ പൊ​ലീ​സും എ​ക്സൈ​സും ന​ട​പ​ടി​ക​ൾ സ്വീ​ക​രി​ക്കുന്നില്ലെ​ന്ന ആ​ക്ഷേ​പ​വും ശ​ക്ത​മാ​ണ്.

പ​ഠ​ന​ത്തി​ലും ക​ലാ​പ്ര​വ‍ർ​ത്ത​ന​ങ്ങ​ളി​ലും മി​ടു​ക്കി​യാ​യി​രു​ന്ന ഒ​രു പെ​ണ്‍കു​ട്ടി​ക്ക് കോ​ള​ജി​ൽ ഡി​ഗ്രി​ക്ക് പ്ര​വേ​ശ​നം കി​ട്ടി. ന​വം​ബ​ർ ഒ​ന്നി​ന് കോ​ള​ജി​ലേ​ക്ക് പോ​കേ​ണ്ട ദി​വ​സം പി​താ​വ്​ ക​ണ്ട​ത് ചേ​ത​ന​യ​റ്റ മ​ക​ളെ​യാ​ണ്. പൊ​ലീ​സ്​ ഉ​ദ്യോ​ഗ​സ്ഥ​യാ​ക​ണ​മെ​ന്ന ആ​ഗ്ര​ഹ​ത്തി​ലാ​യി​രു​ന്നു ആ ​പെ​ൺ​കു​ട്ടി.

താ​നൊ​രു ച​തി​ക്കു​ഴി​യി​ൽ​പെ​ട്ടി​രി​ക്കു​ക​യാ​ണെ​ന്ന വി​വ​രം മ​ക​ള്‍ പി​താ​വി​നോ​ട്​ പ​റ​ഞ്ഞി​രു​ന്നു. പോ​സ്റ്റ്മോ​ർ​ട്ട​ത്തി​ൽ പെ​ൺ​കു​ട്ടി ലൈം​ഗി​ക ചൂ​ഷ​ണ​ത്തി​നി​ര​യാ​യെ​ന്ന് ക​ണ്ടെ​ത്തി. പ്ര​തി​ക​ളെ ചൂ​ണ്ടി​ക്കാ​ട്ടി​യി​ട്ടും പാ​ലോ​ട് പൊ​ലീ​സ് ആ​ദ്യം അ​റ​സ്റ്റ് ചെ​യ്തി​ല്ല. മാ​ധ്യ​മ​ങ്ങ​ള്‍ വി​വ​ര​ങ്ങ​ള്‍ അ​ന്വേ​ഷി​ക്കാ​ൻ തു​ട​ങ്ങി​യ​തി​നു പി​ന്നാ​ലെ, സു​ഹൃ​ത്താ​യ യു​വാ​വി​നെ ര​ണ്ടു ദി​വ​സം മു​മ്പാ​ണ് പൊ​ലീ​സ്​ അ​റ​സ്റ്റ് ചെ​യ്ത​ത്. ഇ​തി​ന്​ സ​മാ​ന​മാ​യ അ​നു​ഭ​വ​മാ​ണ്​ മ​റ്റ്​ പ​ല പെ​ൺ​കു​ട്ടി​ക​ളു​ടേ​തും.

മ​റ്റൊ​രു ഊ​രി​ലെ പെ​ൺ​കു​ട്ടി സ​മാ​ന സാ​ഹ​ച​ര്യ​ത്തി​ൽ ആ​ത്മ​ഹ​ത്യ ചെ​യ്ത​ത് ക​ഴി​ഞ്ഞ ന​വം​ബ​റി​ലാ​ണ്. ന​വം​ബ​ർ 21ന് ​പു​ല​ർ​ച്ച പ​ണി​ക്ക്​ പോ​കാ​നി​റ​ങ്ങി​യ പി​താ​വ്​ ക​ണ്ട​ത് ആ​ത്മ​ഹ​ത്യ ചെ​യ്ത മ​ക​ളെ​യാ​യി​രു​ന്നു. ര​ണ്ടു മാ​സ​ത്തി​നു​ ശേ​ഷ​മാ​ണ് പെ​ണ്‍കു​ട്ടി​യു​മാ​യി ബ​ന്ധ​മു​ണ്ടാ​യി​രു​ന്ന യു​വാ​വി​നെ പൊ​ലീ​സ്​ അ​റ​സ്റ്റ് ചെ​യ്ത​ത്. ഇ​തേ ഊ​രി​ലെ മ​റ്റൊ​രു 19 കാ​രി​യും ജീ​വ​നൊ​ടു​ക്കി​യ​ത് ക​ഴി​ഞ്ഞ ന​വം​ബ​റി​ലാ​ണ്.

അ​ഗ്രി​ഫാ​മി​ൽ നി​ന്ന്​ കി​ട്ടു​ന്ന തു​ച്ഛ​മാ​യ വ​രു​മാ​നം ഉ​പ​യോ​ഗി​ച്ചാ​ണ് മ​ക​ളെ മാ​താ​വ്​ ടി.​ടി.​സി വ​രെ പ​ഠി​പ്പി​ച്ച​ത്. മ​ക​ള്‍ക്കൊ​രു പ്ര​ണ​യ​മു​ണ്ടാ​യി​രു​ന്നെ​ന്നു​മാ​ത്രം ഈ ​മാ​താ​വി​ന​റി​യാ​മാ​യി​രു​ന്നു. എ​ന്നാ​ൽ, ഈ ​മ​ര​ണ​ത്തി​നു പി​ന്നി​ലു​ള്ള ആ​രെ​യും പൊ​ലീ​സ് ഇ​തു​വ​രെ പി​ടി​കൂ​ടി​യി​ട്ടി​ല്ല.

ഏ​താ​നും ദി​വ​സ​ങ്ങ​ള്‍ക്കു മു​മ്പാ​ണ് വി​തു​ര​ക്ക്​ സ​മീ​പ​മു​ള്ള ഊ​രി​ലെ ര​ണ്ടു പെ​ണ്‍കു​ട്ടി​ക​ൾ ആ​ത്മ​ഹ​ത്യ ചെ​യ്ത​ത്. മ​റ്റ്​ പെ​ൺ​കു​ട്ടി​ക​ളെ ര​ക്ഷി​ക്കാ​നെ​ങ്കി​ലും അ​ധി​കൃ​ത​രു​ടെ ഇ​ട​പെ​ട​ലു​ണ്ടാ​ക​ണ​മെ​ന്നാ​ണ്​ അ​വ​രു​ടെ ആ​വ​ശ്യം. വി​ഷ​യം ശ്ര​ദ്ധ​യി​ൽ​പെ​ട്ടെ​ന്നും തി​രു​വ​ന​ന്ത​പു​ര​ത്തെ​ത്തി​യ ശേ​ഷം കാ​ര്യ​ങ്ങ​ൾ പ​രി​ശോ​ധി​ച്ച്​ ഉ​ചി​ത​മാ​യ ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രി കെ. ​രാ​ധാ​കൃ​ഷ്ണ​ൻ പ്ര​തി​ക​രി​ച്ചു.