പൊഴി മുറിച്ചുതുടങ്ങി, വെള്ളപ്പൊക്ക ഭീഷണി തുടരുന്നു

ചി​റ​യി​ൻ​കീ​ഴ്: മു​ത​ല​പ്പൊ​ഴി​യി​ൽ ക​ഴി​ഞ്ഞ​ദി​വ​സം സ​മ​ര​സ​മി​തി​യു​മാ​യി ന​ട​ത്തി​യ ച​ർ​ച്ച​യി​ലെ ഒ​ത്തു​തീ​ർ​പ്പി​ന്റെ അ​ടി​സ്ഥാ​ന​ത്തി​ൽ പൊ​ഴി​മു​റി​ക്ക​ൽ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. മൂ​ന്നു മീ​റ്റ​ർ ആ​ഴ​ത്തി​ലും 13 മീ​റ്റ​ർ വീ​തി​യി​ലു​മാ​ണ് പൊ​ഴി മു​റി​ക്കു​ന്ന​ത്. നി​ല​വി​ൽ അ​ട​ഞ്ഞ പൊ​ഴി​യു​ടെ 75 ശ​ത​മാ​ന​വും മു​റി​ക്കും. ബാ​ക്കി ഭാ​ഗം പു​തി​യ ഡ്ര​ഡ്ജ​ർ എ​ത്തി​യ​ശേ​ഷം മാ​ത്ര​മേ മു​റി​ക്കാ​ൻ അ​നു​വ​ദി​ക്കൂ. ഡ്ര​ഡ്ജ​ർ എ​ത്തി​ച്ചാ​ലും ഹാ​ർ​ബ​ർ ക​വാ​ട​ത്തി​നു​ള്ളി​ലേ​ക്ക് ക​ട​ക്ക​ണ​മെ​ങ്കി​ൽ നി​ല​വി​ലെ പൊ​ഴി മു​റി​ക്കേ​ണ്ട​തു​ണ്ട്.

ഡ്ര​ഡ്ജ​ർ എ​ത്തു​ന്ന​തു​വ​രെ കാ​ത്തി​രു​ന്നാ​ൽ പൊ​ഴി​മു​റി​ച്ച് അ​ത്ര​യും മ​ണ​ൽ നീ​ക്കം ചെ​യ്യു​ന്ന​തി​ന് വീ​ണ്ടും മൂ​ന്നു ദി​വ​സ​ത്തി​ൽ കൂ​ടു​ത​ൽ കാ​ത്തി​രി​ക്കേ​ണ്ടി​വ​രും. ഈ ​സാ​ഹ​ച​ര്യ​ത്തി​ലാ​ണ് മു​ൻ​കൂ​ട്ടി പൊ​ഴി മു​റി​ക്കാ​ൻ മ​ത്സ്യ​ത്തൊ​ഴി​ലാ​ളി സ​മ​ര​സം​ഘ​ട​ന അ​നു​മ​തി ന​ൽ​കി​യ​ത്. പൊ​ഴി മു​റി​ക്കു​ന്ന​തി​നോ​ടൊ​പ്പം കൂ​ട്ടി​യി​ട്ട മ​ണ​ലും നീ​ക്കം​ചെ​യ്യും. ച​ന്ദ്ര​ഗി​രി ഡ്ര​ഡ്ജ​ർ ചൊ​വ്വാ​ഴ്ച ബേ​പ്പൂ​ർ പി​ന്നി​ട്ടു. വ്യാ​ഴാ​ഴ്ച വൈ​കീ​ട്ടോ​ടെ തീ​ര​ത്ത് എ​ത്തി​ക്കാ​ൻ ക​ഴി​യു​മെ​ന്നാ​ണ് അ​ധി​കൃ​ത​രു​ടെ പ്ര​തീ​ക്ഷ. കാ​ലാ​വ​സ്ഥ പ്ര​തി​കൂ​ല​മാ​യാ​ൽ വീ​ണ്ടും വൈ​കും.

ശ​ക്ത​മ​ല്ലെ​ങ്കി​ലും വേ​ന​ൽ​മ​ഴ തു​ട​രു​ന്ന സാ​ഹ​ച​ര്യ​ത്തി​ൽ തീ​ര​മേ​ഖ​ല​യി​ൽ വെ​ള്ള​പ്പൊ​ക്ക ഭീ​ഷ​ണി​യു​ണ്ട്. വാ​മ​ന​പു​രം ന​ദി​യി​ലൂ​ടെ ഒ​ഴു​കി​വ​രു​ന്ന വെ​ള്ളം മു​ത​ല​പ്പൊ​ഴി വ​ഴി​യാ​ണ് ക​ട​ലി​ൽ ചേ​രു​ന്ന​ത്. പൊ​ഴി​മൂ​ടി​യ​തി​നാ​ൽ കാ​യ​ലി​ലെ ജ​ല​നി​ര​പ്പ് ഉ​യ​ർ​ന്നു​കൊ​ണ്ടി​രി​ക്കു​ക​യാ​ണ്. അ​ഞ്ചു​തെ​ങ്ങ് പ​ഞ്ചാ​യ​ത്തി​ലെ താ​ഴ്ന്ന പ്ര​ദേ​ശ​ങ്ങ​ളി​ൽ ക​ഴി​ഞ്ഞ​ദി​വ​സം വെ​ള്ളം ക​യ​റി​യി​രു​ന്നു. ഇ​റ​ങ്ങു​ക​ട​വ്, മു​ടി​പ്പു​ര, കേ​ട്ടു​പു​ര, പു​ത്ത​ൻ​ന​ട, ചു​ടു​കാ​ട്, ല​ക്ഷം​വീ​ട് തു​ട​ങ്ങി​യ മേ​ഖ​ല​ക​ളി​ൽ ക്ര​മാ​തീ​ത​മാ​യി വെ​ള്ളം ഉ​യ​ർ​ന്ന്​ വീ​ടു​ക​ളു​ടെ പ​രി​സ​ര​ത്ത്​ ക​യ​റി​യ നി​ല​യി​ലാ​ണ്.

ഈ ​ഭാ​ഗ​ങ്ങ​ളി​ലെ റോ​ഡു​ക​ൾ തോ​ടു​ക​ൾ​ക്ക് സ​മാ​ന​മാ​യ അ​വ​സ്ഥ​യി​ലാ​ണ്. ചൊ​വ്വാ​ഴ്ച വ​ക്കം പ​ഞ്ചാ​യ​ത്തി​ലെ കു​രു​പ്പ​ന്റെ​പ​ണ ഗു​രു​മ​ന്ദി​രം പ​ണ​യി​ൽ ക​ട​വ് ഭാ​ഗ​ത്ത് വെ​ള്ളം ക​യ​റി. അ​ഴൂ​ർ, ചി​റ​യി​ൻ​കീ​ഴ്, ക​ട​യ്ക്കാ​വൂ​ർ പ​ഞ്ചാ​യ​ത്തു​ക​ളു​ടെ കാ​യ​ലോ​ര മേ​ഖ​ല​യും ആ​ശ​ങ്ക​യി​ലാ​ണ്. വ്യാ​ഴാ​ഴ്ച​ക്കു​ശേ​ഷ​മേ പൊ​ഴി പൂ​ർ​ണ​മാ​യി മു​റി​ക്കാ​ൻ സാ​ധി​ക്കൂ. അ​തി​നാ​ൽ കാ​യ​ലോ​ര മേ​ഖ​ല​യി​ൽ വെ​ള്ള​പ്പൊ​ക്ക ഭീ​ഷ​ണി ശ​ക്ത​മാ​യി നി​ല​നി​ൽ​ക്കു​ന്നു​ണ്ട്. മ​ഴ അ​തി​നു​മു​മ്പ് ശ​ക്ത​മാ​യാ​ൽ പ്ര​തി​സ​ന്ധി രൂ​ക്ഷ​മാ​കും.