മെഡിക്കൽ കോളജ്: ഓൺലൈൻ ജോലി അന്വേഷണത്തിനിടയിൽ യുവാവിനെ കബളിപ്പിച്ച് 45 ലക്ഷം തട്ടിയതായി പരാതി. പട്ടം ഗൗരീശപട്ടം സ്വദേശിയാണ് പതിനഞ്ചോളംപേർക്കെതിരെ തിരുവനന്തപുരം സൈബർ സിറ്റി പൊലീസിൽ പരാതി നൽകിയത്.യുവാവ് ഓൺലൈൻ ജോലിക്ക് ശ്രമിക്കുന്നത് തിരിച്ചറിഞ്ഞ പ്രതികൾ ആൾമാറാട്ടം നടത്തി ഓൺലൈൻ ജോലി നൽകാമെന്നു വിശ്വസിപ്പിച്ചാണ് തട്ടിപ്പു നടത്തിയത് എന്ന് പരാതിയിൽ പറയുന്നു.
ഫെബ്രുവരി 13 ന് വാട്ട്സ് ആപ്പ് നമ്പർ മുഖേനയുള്ള സന്ദേശവുമായെത്തിയ വില്യം സോനോമ എന്ന വെബ് സൈറ്റ്, ഓൺലൈൻ ജോബ് നൽകാമെന്ന് പറഞ്ഞ് വിശ്വസിപ്പിച്ച് പണം തട്ടുകയായിരുന്നുവത്രെ. വിവിധ ബാങ്ക് അക്കൗണ്ട് വഴിയും പേ ടിഎം അടക്കമുള്ള യു.പി.ഐ ഐ.ഡി വഴിയും പല തവണയായി തുക അയച്ചു നൽകിയെന്നും പതിനഞ്ചോളം പേരുടെ വിവിധ അക്കൗണ്ടുകളിലേക്കാണ് തുക അയച്ചു നൽകിയതെന്നും യുവാവ് പറയുന്നു.
ഫെബ്രുവരി 18 വരെ പ്രതികൾ ആവശ്യപ്പെട്ട തുക വിവിധ അക്കൗണ്ടുകളിലേയ്ക്കായി നൽകി. ഇങ്ങനെ ആകെ 44,90,890 രൂപയാണ് അയച്ചു നൽകിയത്. തുടർന്ന് തട്ടിപ്പ് മനസിലാക്കിയ യുവാവ് തുക തിരികെ ആവശ്യപ്പെട്ടപ്പോൾ പ്രതികൾ കൂടുതൽ തുക അങ്ങോട്ട് ആവശ്യപ്പെടുകയായിരുന്നുവെന്ന് പരാതിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.