മാനന്തവാടി: എം സാൻഡ് കയറ്റിയ ടിപ്പര്‍ കയറ്റത്തിൽ നിയന്ത്രണംവിട്ട് മറിഞ്ഞു. തൊട്ടുപിറകിലുണ്ടായിരുന്ന ബൈക്ക് യാത്രികൻ അത്ഭുതകരമായി രക്ഷപ്പെട്ടു. അമ്പുകുത്തി അയനിയാറ്റില്‍ കോളനിക്കു സമീപം വെള്ളിയാഴ്ച ഒമ്പതോടെയാണ് സംഭവം.
ലോഡ് കയറ്റിവന്ന ടിപ്പര്‍ കയറ്റത്തില്‍നിന്നു നിയന്ത്രണംവിട്ട് പിന്നിലേക്ക് വന്നശേഷം റോഡരികിലെ താഴ്ചയിലേക്ക് മറിയുകയായിരുന്നു. ടിപ്പര്‍ പിറകിലേക്ക് വരുന്നതുകണ്ട മാനന്തവാടിയിലെ തുണിക്കച്ചവടക്കാരന്‍ തമിഴ്നാട് സ്വദേശി വേൽമുരുകന്‍ ബൈക്കില്‍നിന്ന് ചാടി രക്ഷപ്പെടുകയായിരുന്നു. പിന്നിലേക്ക് വന്ന ടിപ്പര്‍ ബൈക്കും തകര്‍ത്ത് താഴേക്ക് മറിഞ്ഞു. പേര്യ സ്വദേശിയായ ടിപ്പര്‍ ഡ്രൈവറും പരിക്കൊന്നുമില്ലാതെ രക്ഷപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.