പുൽപള്ളി: ഇരുളം മരിയനാട് കാട്ടാന പലചരക്ക് കടയിലേക്ക് പാഞ്ഞുകയറി കടയുടെ തൂൺ തകർത്തു. കടയിൽ ഉണ്ടായിരുന്നവർ തലനാരിഴക്കാണ് രക്ഷപ്പെട്ടത്. മരിയനാട് ജനാർദനന്റെ പലചരക്ക് കടയിലേക്കാണ് കൊമ്പനാന പാഞ്ഞുകയറിയത്.
ഇവിടെ ഉണ്ടായിരുന്നവർ ഓടി രക്ഷപ്പെടുകയായിരുന്നു. വെള്ളിയാഴ്ച വൈകീട്ട് ഏഴുമണിയോടെയാണ് സംഭവം. പ്രദേശത്ത് കാട്ടാന ശല്യം രൂക്ഷമാണ്.മരിയനാട് ആദിവാസി സമരഭൂമിയിലും ശനിയാഴ്ച കാട്ടാന ആക്രമണമുണ്ടായി. മണിതങ്ക എന്നയാളുടെ സമരഭൂമിയിലെ കുടിൽ ആന തകർത്തു. ഭൂമിക്കായി സമരംചെയ്യുന്നവർ ഇവിടെ ഭീതിയോടെയാണ് കഴിയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.