കാ​പ്പി ഉ​ണ​ക്കാ​നും ഇ​നി യ​ന്ത്ര സ​ഹാ​യം

മേ​പ്പാ​ടി: കാ​പ്പി ഉ​ണ​ക്കാ​ൻ ഇ​നി വെ​യി​ലി​നാ​യി കാ​ത്തുനി​ൽ​ക്കേ​ണ്ട, മാ​ന​ത്ത് മ​ഴ​ക്കാ​ർ ക​ണ്ടാ​ൽ നെ​ഞ്ചി​ടി​പ്പി​ന്റെ ആ​വ​ശ്യ​വു​മി​ല്ല. 10 മ​ണി​ക്കൂ​ർ കൊ​ണ്ട് ഒ​ന്ന​ര ട​ൺ പ​ഴു​ത്ത കാ​പ്പി ഉ​ണ​ക്കി​യെ​ടു​ക്കാ​ൻ ക​ഴി​യു​ന്ന യ​ന്ത്ര സം​വി​ധാ​നം പ്ര​ചാ​ര​ത്തി​ലാ​കു​ന്നു. പു​റ്റാ​ട് സ്വ​ദേ​ശി​യും കാ​പ്പി ക​ർ​ഷ​ക​നു​മാ​യ കെ.​പി. ബെ​ന്നി ഈ ​യ​ന്ത്രം സ്ഥാ​പി​ച്ചു ക​ഴി​ഞ്ഞു. സിം​ഗി​ൾ ഫേ​സ് വൈ​ദ്യു​തി ക​ണ​ക്ഷ​നേ ഇ​തി​നാ​വ​ശ്യ​മു​ള്ളു. ര​ണ്ട് എ​ച്ച്.​പി മോ​ട്ടോ​റി​ലും അ​ര എ​ച്ച്.​പി മോ​ട്ടോ​റി​ലും പ്ര​വ​ർ​ത്തി​ക്കു​ന്ന ര​ണ്ട് ബ്ലോ​വ​റു​ക​ളാ​ണി​തി​ന് വേ​ണ്ട​ത്.

പ​ഴു​ത്ത കാ​പ്പി ഉ​ണ​ക്കാ​ൻ ഉ​പ​ക​രി​ക്കു​ന്ന യ​ന്ത്രം

ഒ​ന്ന​ര ട​ൺ കാ​പ്പിക്കുരു നി​റ​ക്കാ​ൻ ക​ഴി​യു​ന്ന ക്യാ​ബി​ൻ, കു​റ​ച്ച് വി​റ​കി​ട്ട് ക​ത്തി​ക്കാ​നു​ള്ള സൗ​ക​ര്യം ഇ​ത്ര​യു​മാ​ണ് ഡ്ര​യ​റി​ന്റെ ഭാ​ഗ​ങ്ങ​ൾ. വി​റ​ക് ക​ത്തി​ക്കു​ന്ന ക്യാ​ബി​നി​ൽ നി​ന്ന് ബ്ലോ​വ​ർ ഉ​പ​യോ​ഗി​ച്ച് ഓ​ക്സി​ജ​ൻ ക​ട​ത്തി​വി​ട്ട് ചൂ​ട് 50 ഡി​ഗ്രി മു​ത​ൽ 80 ഡി​ഗ്രി വ​രെ ഉ​യ​ർ​ത്തി കാ​പ്പി നി​റ​ച്ച ക്യാ​ബി​നി​ലേ​ക്ക് തു​ട​ർ​ച്ച​യാ​യി ക​ട​ത്തി​വി​ടു​ന്നു. 10 മ​ണി​ക്ക​ർ കൊ​ണ്ട് ഒ​ന്ന​ര ട​ൺ പ​ഴു​ത്ത കാ​പ്പി​ക്കു​രു ഉ​ണ​ക്കാ​ൻ ഇ​ത് ധാ​രാ​ള​മാ​ണ്. ഇ​ടു​ക്കി​യി​ലാ​ണ് യ​ന്ത്ര​ത്തി​ന്റെ ഉ​ൽ​പാ​ദ​നം.

20 ച​തു​ര​ശ്ര അ​ടി വി​സ്തൃ​തി​യു​ള്ള ഒ​രു മു​റി​യി​ൽ ഇ​ത് സ്ഥാ​പി​ക്കാ​ൻ ക​ഴി​യും. ആ​കെ ഏ​ഴു​ല​ക്ഷം ചെല​വി​ൽ ഈ ​സം​വി​ധാ​നം ഒ​രു​ക്കാ​ൻ ക​ഴി​യു​മെ​ന്ന് ബെ​ന്നി പ​റ​യു​ന്നു. വ​യ​നാ​ട്ടി​ൽ ചി​ല​യി​ട​ങ്ങ​ളി​ൽ ഈ ​യ​ന്ത്രം സ്ഥാ​പി​ച്ചു വ​രു​ന്നു​ണ്ട്. ഭാ​വി​യി​ൽ ഇ​തി​ന് പ്ര​ചാ​ര​മേ​റാ​ൻ സാ​ദ്ധ്യ​ത​യു​ണ്ടെ​ന്ന് ബെ​ന്നി പ​റ​യു​ന്നു.