മേപ്പാടി: മേപ്പാടി- വടുവഞ്ചാൽറോഡിനരികിൽ ഓട്ടോ സ്റ്റാന്റിന് സമീപത്തെ കൂറ്റൻ വാകമരം അപകട ഭീഷണി ഉയർത്തുന്നതായി പരാതി. കാറ്റിൽ കൊമ്പുകൾ പൊട്ടി വീഴുന്നതു മൂലം മരത്തിന് ചുവട്ടിൽ സ്റ്റാൻഡിൽ ഓട്ടോകൾ നിർത്തിയിടാൻ ഭയമാണെന്ന് ഓട്ടോ ഡ്രൈവർമാർ പറയുന്നു. മരത്തിന്റെ കൊമ്പുകൾ മുറിച്ചുനീക്കാൻ നടപടി വേണമെന്നാണ് ആവശ്യം. തുടർച്ചയായി മഴയും കാറ്റും വന്നതോടെ മരത്തിന്റെ കൊമ്പുകൾ പൊട്ടിവീഴുന്നത് പതിവായി. ഇതോടെ മരത്തിന് ചുവട്ടിൽ നിന്ന് ഓട്ടോകൾ ദൂരത്തേക്ക് മാറ്റി പാർക്ക് ചെയ്യേണ്ടി വന്നു ഡ്രൈവർമാർക്ക്. കാറ്റിൽ മരക്കൊമ്പുകൾ ആടി ഉലയുന്നത് ഭീതിപ്പെടുത്തുന്ന കാഴ്ചയാണെന്ന് ഓട്ടോ ഡ്രൈവർമാർ പറയുന്നു. അപകട ഭീഷണി ഉയർത്തുന്ന മരക്കൊമ്പുകൾ മുറിച്ചു നീക്കാനുള്ള നടപടി പൊതുമരാമത്ത് വകുപ്പധികൃതർ സ്വീകരിക്കണമെന്നാണ് ആവശ്യമുയരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.