ചെന്നൈ: 'ചാര്‍ലി' സിനിമയുടെ തമിഴ് റീമേക്ക് 'മാര' റിലീസ് ചെയ്യാനൊരുങ്ങവെ ദുൽഖറിന് നന്ദി പറഞ്ഞ് തമിവ് നടൻ മാധവൻ. മാധവന്‍ നായകനാകുന്ന ചിത്രം ജനുവരി 8നാണ് ആമസോണ്‍ പ്രൈമില്‍ റിലീസ് ചെയ്യുന്നത്.
മാധവനും ശ്രദ്ധ ശ്രീനാഥുമാണ് മാരയില്‍ കേന്ദ്ര കഥാപാത്രങ്ങളാകുന്നത്. ചിത്രത്തിന്റെ രണ്ടാമത്തെ ട്രെയ്‌ലര്‍ അടുത്തിടെയാണ് പുറത്തെത്തിയത്. ട്രെയ്‌ലറിന് ശബ്ദം നല്‍കിയ ദുല്‍ഖറിന് നന്ദി പറഞ്ഞ് രംഗത്തെത്തിയിരിക്കുകയാണ് മാധവന്‍.
"മനോഹരമായി വോയിസ് ഓവര്‍ സമ്മാനിച്ചതിന് നന്ദി സഹോദരാ, എന്നെങ്കിലും ഒരിക്കല്‍ നിനക്ക് ഈ ഉപകാരം തിരിച്ചു നല്‍കാന്‍ കഴിയുമെന്ന് ഞാന്‍ കരുതുന്നു. നന്ദി ദുല്‍ഖര്‍" എന്നാണ് സോഷ്യല്‍ മീഡിയയില്‍ പങ്കുവച്ച വീഡിയോയില്‍ മാധവന്‍ പറയുന്നത്.
ദിലീപ് കുമാര്‍ ആണ് മാരയുടെ സംവിധാനം നിർവഹിച്ചിരിക്കുന്നത്. ഭുവന്‍ ശ്രീനിവാസ് ഛായാഗ്രഹണം നിര്‍വ്വഹിക്കുന്ന ചിത്രത്തിന് ജിബ്രാന്‍ ആണ് സംഗീതം ഒരുക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.