പ്രതീകാത്മക ചിത്രം
മഞ്ചേരി: മാരക ലഹരിമരുന്നായ എം.ഡി.എം.എയുമായി യുവാവ് മഞ്ചേരി പൊലീസ് പിടിയിൽ. മുക്കം പുളിക്കൽ വീട്ടിൽ ജാസിം ഇഷാറിനെയാണ് (21) ബുധനാഴ്ച ഉച്ചക്ക് 12ഓടെ കച്ചേരിപ്പടി ഇന്ദിരാഗാന്ധി ബസ് ടെർമിനലിൽനിന്ന് സി.ഐ സി. അലവിയും സംഘവും അറസ്റ്റ് ചെയ്തത്.
വിപണിയിൽ ഒന്നരലക്ഷം രൂപ വിലവരുന്ന 40 ഗ്രാം മയക്കുമരുന്ന് ഇയാളിൽനിന്ന് കണ്ടെടുത്തു. മറ്റൊരാൾക്ക് കൈമാറാൻ വന്നതായിരുന്നു പ്രതി. രഹസ്യ വിവരത്തിെൻറ അടിസ്ഥാനത്തിലായിരുന്നു പൊലീസ് പരിശോധന. ബംഗളൂരുവിൽനിന്ന് എത്തിച്ച് മലപ്പുറം, കോഴിക്കോട് ജില്ലകളിൽ വിൽപന നടത്തുന്ന കാരിയറാണ് ഇയാളെന്ന് പൊലീസ് പറഞ്ഞു.
സി.ഐക്ക് പുറമെ എസ്.ഐ രാജേന്ദ്രൻ നായർ, സിവിൽ പൊലീസ് ഓഫിസർമാരായ ജയരാജ്, ഹരിലാൽ, ലിജിൻ, സലീം, ഷഹബിൻ എന്നിവർ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
പിടിയിലായ ജാസിം ഇഷാർ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.