നാസറിന്‍റെ ജീവിതത്തിൽ മുഴങ്ങുന്നു, മതമൈത്രിയുടെ പള്ളിമണികൾ

തൊ​ടു​പു​ഴ: സെ​ന്‍റ്​​ മേ​രീ​സ്​ യാ​ക്കോ​ബാ​യ സു​റി​യാ​നി പ​ള്ളി​യി​ലെ​ത്തു​ന്ന​വ​ർ​ക്ക്​ സു​പ​രി​ചി​ത​നാ​ണ് നാ​സ​ർ. പ​ള്ളി​പ​രി​പാ​ല​ന​വു​മാ​യി ബ​ന്ധ​പ്പെ​ട്ട്​ 30 വ​ർ​ഷ​മാ​യി നാ​സ​ർ പ​ള്ളി​മു​റ്റ​ത്തു​ണ്ട്. കു​ർ​ബാ​ന ഒ​ഴി​കെ പ​ള്ളി​യു​ടെ എ​ല്ലാ ച​ട​ങ്ങി​ലും നാ​സ​ർ ഹ​മീ​ദ്​ എ​ന്ന ഈ 58​കാ​ര​ന്‍റെ സാ​ന്നി​ധ്യ​മു​ണ്ടാ​കും. മ​ത​സാ​ഹോ​ദ​ര്യ​ത്തി​ന്‍റെ തെ​ളി​മ​യു​ള്ള കാ​ഴ്ച​യാ​വു​ക​യാ​ണ്​ നാ​സ​റി​ന്‍റെ വേ​റി​ട്ട ജീ​വി​തം.

പു​ല​ർ​ച്ച പ​ള്ളി​യി​ലെ​ത്തി വി​ള​ക്ക്​ തെ​ളി​ച്ച്​ മ​ണി​യ​ടി​ച്ചാ​ണ്​ തൊ​ടു​പു​ഴ കാ​രി​ക്കോ​ട്​ ഉ​ണ്ട​പ്ലാ​വ്​ കി​ഴ​ക്കും​പ​റ​മ്പി​ൽ നാ​സ​റി​ന്‍റെ ദി​വ​സം ആ​രം​ഭി​ക്കു​ന്ന​ത്. പി​ന്നീ​ട്​ തൊ​ട്ട​ടു​ത്ത കാ​രി​​ക്കോ​ട്​ നൈ​നാ​ർ ജു​മാ​മ​സ്​​ജി​ദി​ലെ​ത്തി പ്ര​ഭാ​ത ന​മ​സ്കാ​രം ന​ട​ത്തി വീ​ണ്ടും പ​ള്ളി​മു​റ്റ​ത്തെ​ത്തും. ക​ൽ​വി​ള​ക്ക്, ചു​റ്റു​മു​ള്ള സ്ഥ​ലം, പ​ള്ളി ഹാ​ൾ, സെ​മി​ത്തേ​രി എ​ന്നി​വി​ട​ങ്ങ​ളെ​ല്ലാം വൃ​ത്തി​യാ​ക്കും. തു​ട​ർ​ന്ന് വീ​ട്ടി​ലെ​ത്തി തൊ​ടു​പു​ഴ മാ​ർ​ക്ക​റ്റ്​ റോ​ഡി​ലെ കു​രി​ശു​​പ​ള്ളി​ക്ക്​ സ​മീ​പ​ത്തെ പ​ച്ച​ക്ക​റി​ക്ക​ട​യി​​ലേ​ക്ക്​ പോ​കും. നാ​സ​റി​ന്​​ ക​ച്ച​വ​ട​ത്തി​ന് മാ​ർ​ക്ക​റ്റ്​ റോ​ഡി​ലെ കു​രി​ശു​പ​ള്ളി​ക്ക്​ മു​ന്നി​ൽ സ്ഥ​ലം ന​ൽ​കി​യ​തും പ​ള്ളി ഭാ​ര​വാ​ഹി​ക​ളാ​ണ്. ക​ച്ച​വ​ട​ത്തി​നി​ട​യി​ലും​ പ​ള്ളി​യി​ൽ എ​ന്ത്​ ആ​വ​ശ്യ​മു​ണ്ടാ​യാ​ലും വി​ളി​പ്പു​റ​ത്ത്​ നാ​സ​റു​ണ്ട്. വി​ശേ​ഷ​വേ​ള​ക​ളി​ലും ഇ​ട​വ​ക​യി​ൽ ഒ​രാ​ൾ മ​രി​ച്ചാ​ലും സാ​ന്നി​ധ്യ​മു​റ​പ്പ്.

ഇ​ട​വ​ക​ക്കാ​ർ​ക്ക്​ നാ​സ​ർ നാ​സ​റി​ക്ക​യാ​ണ്. നാ​സ​റി​ന്​ ഇ​വ​രെ​യും ന​ന്നാ​യി അ​റി​യാം. പ​ള്ളി നി​ർ​മാ​ണം ന​ട​ക്കു​ന്ന കാ​ല​ത്ത്​ മ​ണ്ണും ക​ല്ലു​മൊ​ക്കെ ചു​മ​ക്കാ​നാ​യാ​ണ്​ നാ​സ​ർ ആ​ദ്യ​മാ​യി എ​ത്തി​യ​ത്​​. ​ജോ​ലി തീ​രും വ​രെ തു​ട​ർ​ന്നു. എ​ല്ലാ​വ​രു​മാ​യി സൗ​ഹൃ​ദ​വു​മാ​യ​തോ​ടെ നി​ർ​മാ​ണം ക​ഴി​ഞ്ഞും ബ​ന്ധം വി​ട്ടി​ല്ല. അ​ങ്ങ​നെ പ​ള്ളി പ​രി​പാ​ല​ന​മ​ട​ക്കം കാ​ര്യ​ങ്ങ​ൾ​ക്ക്​ ഭാ​ര​വാ​ഹി​ക​ൾ ചു​മ​ത​ല​പ്പെ​ടു​ത്തു​ക​യാ​യി​രു​ന്നെ​ന്ന്​ നാ​സ​ർ പ​റ​ഞ്ഞു. ''എ​ന്നെ വി​ശ്വ​സി​ച്ച്​ ഏ​ൽ​പി​ച്ച ജോ​ലി​ ഒ​രു​കോ​ട്ട​വും ത​ട്ടാ​തെ ഇ​ത്ര നാ​ളും മു​​ന്നോ​ട്ട്​ കൊ​ണ്ടു​പോ​കാ​നാ​യി​ട്ടു​ണ്ട്. എ​ന്നെ ഞാ​നാ​ക്കി​യ​ത്​ ഈ ​പ​ള്ളി​യാ​ണ്. ആ ​സ്നേ​ഹ​ത്തി​ന്‍റെ ക​ട​പ്പാ​ട്​ പ​ള്ളി​യോ​ടും ഭാ​ര​വാ​ഹി​ക​​ളോ​ടു​മു​ണ്ട്. ഒ​രു​ജോ​ലി എ​ന്ന നി​ല​യി​ൽ മാ​ത്ര​മ​ല്ല പ​ള്ളി​യു​മാ​യി ബ​ന്ധ​പ്പെ​ട്ട പ്ര​വൃ​ത്തി​ക​ൾ ചെ​യ്യു​ന്ന​ത്. മ​ന​സ്സി​ന്​ ആ​ന​ന്ദം​കൂ​ടി ല​ഭി​ക്കു​ന്നു​ണ്ട്​'' -നാ​സ​ർ പ​റ​യു​ന്നു. ജാ​തി​യു​ടെ മ​ത​ത്തി​ന്‍റെ​യും പേ​രി​ൽ മ​നു​ഷ്യ​ർ ഭി​ന്നി​ക്ക​രു​ത്​​. ലോ​ക​ത്തേ​ക്ക്​ ഓ​രോ​രു​ത്ത​രും പി​റ​ന്നു​വീ​ഴു​ന്ന​ത്​ മ​നു​ഷ്യ​നാ​യാ​​ണെ​ന്നും ഇ​വ​രെ​ല്ലാം സ്നേ​ഹ​ത്തോ​ടെ​യും സൗ​ഹാ​ർ​ദ​ത്തോ​ടെ​യും ജീ​വി​ച്ചാ​ൽ നാ​ട്​ മ​നോ​ഹ​ര​മാ​കു​മെ​ന്നും നാ​സ​ർ പ​റ​യു​ന്നു.