ന​വീ​ൻ ബാ​ബു​വി​ന് എതിരായ കൈകൂലി ആരോപണം; പമ്പുടമ പരാതി നൽകിയോ? മറുപടി തരാൻ കഴിയി​ല്ലെന്ന്

ശ്രീ​ക​ണ്​​ഠ​പു​രം: എ.​ഡി.​എം ന​വീ​ൻ ബാ​ബു​വി​ന്റെ മ​ര​ണ​വു​മാ​യി ബ​ന്ധ​പ്പെ​ട്ട് വി​വാ​ദ പെ​ട്രോ​ൾ പ​മ്പു​ട​മ ടി.​വി. പ്ര​ശാ​ന്ത് ന​ൽ​കി​​യെ​ന്ന് പ​റ​യ​പ്പെ​ടു​ന്ന കൈ​ക്കൂ​ലി ആ​രോ​പ​ണ പ​രാ​തി മു​ഖ്യ​മ​ന്ത്രി​യു​ടെ ഓ​ഫി​സി​ൽ ല​ഭി​ച്ചി​ട്ടു​ണ്ടോ എ​ന്ന വി​വ​രാ​വ​കാ​ശ ചോ​ദ്യ​ത്തി​ന് വി​ചി​ത്ര​മാ​യ മ​റു​പ​ടി. ഇ​രി​ക്കൂ​ർ നി​യോ​ജ​ക മ​ണ്ഡ​ലം മു​സ്‍ലിം ലീ​ഗ് ജ​ന​റ​ൽ സെ​ക്ര​ട്ട​റി ടി.​എ​ൻ.​എ. ഖാ​ദ​ർ ന​ൽ​കി​യ ചോ​ദ്യ​ത്തി​നാ​ണ് വ്യ​ക്ത​മാ​യ ഉ​ത്ത​രം ന​ൽ​കാ​തെ ഒ​ഴി​ഞ്ഞു​മാ​റി​യ​ത്.

‘ഓ​രോ ദി​വ​സ​വും മു​ഖ്യ​മ​ന്ത്രി​ക്ക് നി​ര​വ​ധി പ​രാ​തി​ക​ളാ​ണ് പൊ​തു​ജ​ന​ങ്ങ​ളി​ൽ​നി​ന്ന് ല​ഭി​ക്കു​ന്ന​ത്. പ​രാ​തി ന​ൽ​കി​യ വ്യ​ക്തി​യു​ടെ പേ​ര്, വി​ലാ​സം, മൊ​ബൈ​ൽ ന​മ്പ​ർ, പ​രാ​തി സ​മ​ർ​പ്പി​ച്ച കാ​ല​യ​ള​വ് എ​ന്നി​വ ല​ഭ്യ​മാ​യെ​ങ്കി​ൽ മാ​ത്ര​മേ ഒ​രു പ​രാ​തി ക​ണ്ടെ​ത്താ​നാ​വൂ. കൃ​ത്യ​മാ​യ കാ​ല​യ​ള​വ് പ​റ​യാ​ത്ത​തി​നാ​ൽ താ​ങ്ക​ൾ​ക്ക് മ​റു​പ​ടി ത​രാ​ൻ ക​ഴി​യി​ല്ല’ എ​ന്നി​ങ്ങ​നെ​യാ​ണ് മു​ഖ്യ​മ​ന്ത്രി​യു​ടെ ഓ​ഫി​സി​ൽ നി​ന്ന് ഖാ​ദ​റി​നെ അ​റി​യി​ച്ച​ത്. തീ​യ​തി​വെ​ച്ച് വീ​ണ്ടും അ​പേ​ക്ഷ ന​ൽ​കു​മെ​ന്നും ര​ണ്ടു​മാ​സ കാ​ലാ​വ​ധി ക​ഴി​ഞ്ഞും പ്ര​ശാ​ന്ത​നെ​തി​രെ കേ​സെ​ടു​ക്കു​ന്നി​ല്ലെ​ങ്കി​ൽ വി​ജി​ല​ൻ​സ് കോ​ട​തി​യി​ൽ കേ​സ് ഫ​യ​ൽ ചെ​യ്യു​മെ​ന്നും ഖാ​ദ​ർ പ​റ​ഞ്ഞു. അ​തി​നി​ടെ

പ്ര​ശാ​ന്ത​ന്റെ ക​ത്തു​മാ​യി ബ​ന്ധ​പ്പെ​ട്ട്‌ വി​ജി​ല​ൻ​സ് അ​ന്വേ​ഷ​ണം ഇ​തു​വ​രെ എ​ങ്ങു​മെ​ത്തി​യി​ട്ടി​ല്ല. ര​ണ്ടു​മാ​സം സ​മ​യ​മു​ണ്ടെ​ന്നും അ​ന്വേ​ഷ​ണം ന​ട​ക്കു​ക​യാ​ണെ​ന്നു​മാ​ണ് വി​ജി​ല​ൻ​സ് ഡി​വൈ.​എ​സ്.​പി അ​ബ്ദു​ൽ റ​സാ​ഖ് പ​രാ​തി​ക്കാ​ര​നെ അ​റി​യി​ച്ച​ത്.