ഫ​ർ​ണി​ച്ച​ർ വി​പ​ണി​യി​ൽ ഓ​ണ​ക്കാ​ഴ്ച​യൊ​രു​ക്കി നെ​ല്ലി​ക്കു​ഴി

സം​സ്ഥാ​ന​ത്തെ ഏ​റ്റ​വും വ​ലി​യ ചെ​റു​കി​ട ഫ​ർ​ണി​ച്ച​ർ നി​ർ​മാ​ണ കേ​ന്ദ്ര​മാ​ണ്​ എ​റ​ണാ​കു​ളം ജി​ല്ല​യി​ലെ നെ​ല്ലി​ക്കു​ഴി. പ്ര​തി​സ​ന്ധി​ക​ളെ മ​റി​ക​ട​ക്കാ​ന്‍ ഓ​ണം വി​പ​ണി​യി​ൽ ക​ണ്ണ്​ ന​ട്ടി​രി​ക്കു​ക​യാ​ണ്​ ഫ​ര്‍ണി​ച്ച​ര്‍ വ്യാ​പാ​രി​ക​ള്‍. അ​ശ​മ​ന്നൂ​ര്‍ പ​ഞ്ചാ​യ​ത്തി​ലെ ഓ​ട​ക്കാ​ലി മു​ത​ല്‍ നെ​ല്ലി​ക്കു​ഴി പ​ഞ്ചാ​യ​ത്തി​ലെ ഇ​ള​മ്പ്ര വ​രെ​യു​ള​ള അ​ഞ്ച് കി​ലോ​മീ​റ്റ​ര്‍ ദൂ​രം ആ​ലു​വ - മൂ​ന്നാ​ര്‍ റോ​ഡി​ന്‍റെ ഇ​രു​വ​ശ​ങ്ങ​ളി​ലു​മാ​യി നൂ​റ് ക​ണ​ക്കി​ന് ഫ​ര്‍ണി​ച്ച​ര്‍ ഷോ​റൂ​മു​ക​ളാ​ണ്​ ഇ​ന്ന്​ നെ​ല്ലി​ക്കു​ഴി​യു​ടെ അ​ട​യാ​ളം.

ഫ​ര്‍ണി​ച്ച​ർ ഗ്രാ​മം

നെ​ല്ലി​ക്കു​ഴി​യു​ടെ പെ​രു​മ​യും പേ​രും ഫ​ര്‍ണി​ച്ച​ര്‍ നി​ർ​മാ​ണ​മാ​ണ്. പ്രാ​ദേ​ശി​ക​മാ​യി ഉ​ല്‍പാ​ദി​പ്പി​ക്കു​ന്ന​വ​ക്ക്​ പു​റ​മെ വി​ദേ​ശ രാ​ജ്യ​ങ്ങ​ളി​ല്‍നി​ന്ന് എ​ത്തി​ക്കു​ന്ന വി​വി​ധ​ത​രം ഫ​ര്‍ണി​ച്ച​റു​ക​ളും വീ​ടി​ന് മോ​ടി കൂ​ട്ടാ​ൻ മ​ര​ത്തി​ല്‍ പ​ണി​ക​ഴി​ച്ച കൗ​തു​ക ഉ​ല്‍പ​ന്ന​ങ്ങ​ളും നെ​ല്ലി​ക്കു​ഴി​യി​ലെ ഷോ​റൂ​മു​ക​ളി​ലെ ആ​ക​ര്‍ഷ​ണീ​യ കാ​ഴ്ച​ക​ളാ​ണ്. വൈ​വി​ധ്യം കൊ​ണ്ട്​ ആ​രെ​യും ആ​ക​ർ​ഷി​ക്കു​ന്ന ഫ​ര്‍ണി​ച്ച​റാ​ണ് ഇ​ത്ത​വ​ണ​യും ഓ​ണം വി​പ​ണി​ക്കാ​യി ഇ​വി​ടെ ഒ​രു​ക്കി​യി​ട്ടു​ള്ള​ത്. പ​ഴ​യ​കാ​ല പ്രൗ​ഢി​യും പു​തി​യ കാ​ല​ത്തി​ന്‍റെ ട്രെ​ന്‍റു​ക​ളും സ​മ​ന്വ​യി​പ്പി​ച്ചു​ള്ള​താ​ണ്​ നി​ർ​മാ​ണ ശൈ​ലി. ഇ​റ​ക്കു​മ​തി ചെ​യ്ത്​ ഉ​ല്‍പ​ന്ന​ങ്ങ​ൾ​ക്ക് പ്ര​ത്യേ​ക ഷോ​റൂ​മ​ക​ളും ഒ​രു​ക്കി​യി​ട്ടു​ണ്ട്. ക​ച്ച​വ​ടം പ്ര​താ​പ​ത്തി​ലെ​ത്തു​മെ​ന്ന പ്ര​തീ​ക്ഷ​യി​ലാ​ണ് ഒാ​രോ വ്യാ​പാ​രി​യും. ഓ​ണം വി​പ​ണി ല​ക്ഷ്യ​മാ​ക്കി ഷോ​റൂ​മു​ക​ള്‍ ഉ​ൽ​പ​ന്ന​ങ്ങ​ളാ​ൽ നി​റ​ഞ്ഞു​ക​ഴി​ഞ്ഞു. സം​സ്ഥാ​ന​ത്ത് മ​റ്റെ​ങ്ങും കാ​ണാ​നാ​വാ​ത്ത വി​ധം നൂ​റു​ക​ണ​ക്കി​ന് ഇ​ട​ത്ത​രം ഫ​ർ​ണി​ച്ച​ർ ഷോ​റൂ​മു​ക​ളാ​ണ് നെ​ല്ലി​ക്കു​ഴി​യി​ലു​ള്ള​ത്. ഫ​ര്‍ണി​ച്ച​ര്‍ നി​ര്‍മാ​ണ​വും അ​നു​ബ​ന്ധ മേ​ഖ​ല​ക​ളു​മാ​യി ബ​ന്ധ​പ്പെ​ട്ട് നൂ​റു​ക​ണ​ക്കി​നാ​ളു​ക​ൾ തൊ​ഴി​ലെ​ടു​ക്കു​ന്നു. മു​ൻ​കാ​ല​ങ്ങ​ളി​ൽ​നി​ന്ന്​ വ്യ​ത്യ​സ്ത​മാ​യി ആ​ഢം​ബ​ര കൊ​ത്തു​പ​ണി​ക​ള്‍ എ​ല്ലാം ഒ​ഴി​വാ​ക്കി ല​ളി​ത​മാ​യ മോ​ഡ​ലി​ലു​ള്ള ഫ​ര്‍ണി​ച്ച​റു​ക​ൾ​ക്കാ​ണ് ഇ​പ്പോ​ൾ വി​പ​ണി​യി​ൽ പ്രി​യം എ​ന്ന്​ വ്യാ​പാ​രി​ക​ൾ പ​റ​യു​ന്നു.

നെ​ല്ലി​ക്കു​ഴി, അ​ശ​മ​ന്നൂ​ര്‍ പ​ഞ്ചാ​യ​ത്തു​ക​ളി​ൽ ത​മി​ഴ്നാ​ട്, ക​ര്‍ണാ​ട​ക തു​ട​ങ്ങി​യ സം​സ്ഥാ​ന​ങ്ങ​ളി​ലേ​ക്ക് ഫ​ര്‍ണി​ച്ച​ര്‍ ക​യ​റ്റി അ​യ​ക്കു​ന്ന നി​ര​വ​ധി ചെ​റു​കി​ട വ്യാ​പാ​രി​ക​ൾ ഉ​ണ്ട്. നോ​ട്ട് നി​രോ​ധ​നം മു​ത​ല്‍ പ്ര​ള​യ​വും കോ​വി​ഡ് മ​ഹാ​മാ​രി​യും സം​സ്ഥാ​ന​ത്തെ സാ​മ്പ​ത്തി​ക പ്ര​തി​സ​ന്ധി​യു​മെ​ല്ലാം മ​റ്റ് മേ​ഖ​ല​ക​ളെ പോ​ലെ ത​ന്നെ നെ​ല്ലി​ക്കു​ഴി​യി​ലെ ഫ​ർ​ണി​ച്ച​ര്‍ വി​പ​ണി​ക്കും ക​ന​ത്ത ആ​ഘാ​ത​മാ​ണ് ന​ല്‍കി​യ​ത്. ഇ​തോ​ടെ, നി​ര​വ​ധി ചെ​റു​കി​ട വ്യാ​പാ​രി​ക​ള്‍ മ​റ്റ് പ​ല ജോ​ലി​ക​ളി​ലേ​ക്കും ചേ​ക്കേ​റി. ഈ ​പ്ര​തി​സ​ന്ധി​ക​ളെ​യെ​ല്ലാം അ​തി​ജീ​വി​ക്കാ​നു​ള്ള വ്യാ​പാ​രി​ക​ളു​ടെ ഏ​ക പ്ര​തീ​ക്ഷ​യാ​ണ് ഓ​ണം വി​പ​ണി. ഇ​പ്പോ​ൾ നെ​ല്ലി​ക്കു​ഴി​യി​ലെ ഏ​റ്റ​വും വ​ലി​യ ഇ​ട​പാ​ടു​കാ​ർ ത​മി​ഴ്നാ​ട്ടി​ലെ ചെ​റു​കി​ട വ്യാ​പാ​രി​ക​ള്‍ ആ​ണ്. കേ​ര​ള​ത്തി​ലെ വി​വി​ധ ജി​ല്ല​ക​ളി​ല്‍ നി​ന്നു​ള്ള ചെ​റു​കി​ട വ്യാ​പാ​രി​ക​ളു​ടെ ഓ​ർ​ഡ​റു​ക​ളും ല​ഭി​ച്ചി​ട്ടു​ണ്ട്. ഓ​ണ്‍ലൈ​ന്‍ ക​ച്ച​വ​ടം പ​യ​റ്റു​ന്ന​വ​രും കു​റ​വ​ല്ല.

പ്ര​തീ​ക്ഷ വി​ടാ​തെ വ്യാ​പാ​രി​ക​ൾ

പ്ര​ള​യ​കാ​ലം മു​ത​ലു​ള്ള പ്ര​തി​സ​ന്ധി​യെ മ​റി​ക​ട​ക്കാ​ൻ ഈ ​വ​ർ​ഷ​ത്തെ ഓ​ണ​ക്കാ​ല ക​ച്ച​വ​ട​ത്തി​ലൂ​ടെ ക​ഴി​യു​മെ​ന്നാ​ണ്​ പ്ര​തീ​ക്ഷ​യെ​ന്ന്​ വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി യൂ​നി​റ്റ് പ്ര​സി​ഡ​ന്‍റ്​ സി.​ബി. ക​രീം പ​റ​ഞ്ഞു. ഓ​ണ​ക്കാ​ല​ത്തി​ന് മു​ന്നോ​ടി​യാ​യി മൊ​ത്ത വ്യാ​പാ​ര മേ​ഖ​ല​യി​ൽ ക​ച്ച​വ​ട​ങ്ങ​ളും ഓ​ർ​ഡ​റു​ക​ളും ല​ഭി​ക്കു​ന്ന​ത് ശു​ഭ​സൂ​ച​ന​യാ​ണ്. വ​രും ദി​വ​സ​ങ്ങ​ളി​ൽ ചി​ല്ല​റ വി​ൽ​പ​ന​യി​ലും വ​ർ​ധ​ന ഉ​ണ്ടാ​കു​മെ​ന്നാ​ണ്​ പ്ര​തീ​ക്ഷ.

ഫ​ർ​ണി​ച്ച​ർ വ്യാ​പാ​ര മേ​ഖ​ല​യി​ലെ ത​ള​ർ​ച്ച മ​റി​ക​ട​ക്കാ​മെ​ന്ന ശു​ഭ​പ്ര​തീ​ക്ഷ​യാ​ണ് ഉ​ള്ള​തെ​ന്ന് വ്യാ​പാ​രി വ്യ​വ​സാ​യി സ​മി​തി നെ​ല്ലി​ക്കു​ഴി യൂ​നി​റ്റ് സെ​ക്ര​ട്ട​റി എ​ൻ.​ബി. യൂ​സ​ഫ് പ​റ​ഞ്ഞു. ഓ​ണ​ക്കാ​ല ക​ച്ച​വ​ട​ത്തി​നാ​യി വ്യാ​പാ​രി​ക​ൾ വ​ലി​യ മു​ന്നൊ​രു​ക്ക​ങ്ങ​ളാ​ണ് ന​ട​ത്തി​യി​ട്ടു​ള്ള​ത്.

(തു​ട​രും)