തിരുവനന്തപുരം: ജമാഅത്തെ ഇസ്ലാമിയുമായി സി.പി.എമ്മിന് ബന്ധമുണ്ടായിരുന്നെന്ന് പ്രചരിപ്പിക്കുന്ന മാധ്യമങ്ങൾക്കെതിരെയടക്കം നിയമനടപടിക്കൊരുങ്ങി സി.പി.എം. ജമാഅത്തെ ഇസ്ലാമിയും എസ്.ഡി.പി.ഐയുമായും പാർട്ടിക്ക് അവിശുദ്ധബന്ധമുണ്ടെന്ന് ചില മാധ്യമങ്ങൾ പ്രചാരണം നടത്തുന്നുണ്ടെന്നും ഇത്തരം നിലപാട് സ്വീകരിക്കുന്ന മാധ്യമങ്ങൾ തിരുത്തണമെന്ന് ആവശ്യപ്പെട്ടിട്ടും ആരും അതിന് തയാറായിട്ടില്ലെന്നും എം.വി. ഗോവിന്ദൻ വാർത്തസമ്മേളനത്തിൽ പറഞ്ഞു. ഈ സാഹചര്യത്തിലാണ് നിയമനടപടി സ്വീകരിക്കുന്നത്. എന്തുപറഞ്ഞാലും സമൂഹം കേൾക്കുകയും ഉൾക്കൊള്ളുകയും ചെയ്യുമെന്ന ധാരണ തെറ്റാണ്. അത്തരം തെറ്റായ വാർത്തകൾ പ്രചരിപ്പിക്കുന്ന മാധ്യമങ്ങൾക്കെതിരെയാണ് നടപടിയെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.