സർവകക്ഷി യോഗത്തിലും മാധ്യമങ്ങൾക്ക്​ മുഖ്യമന്ത്രിയുടെ വിമർശനം

തിരുവനന്തപുരം: ഒാഖി ദുരന്തത്തി​​െൻറ പശ്ചാത്തലത്തിൽ ചേർന്ന സർവകക്ഷിയോഗത്തിലും മാധ്യമങ്ങൾക്ക്​ മുഖ്യമന്ത്രിയുടെ കടുത്ത വിമർശനം. ജനങ്ങളെ കലാപത്തിന്​ ആഹ്വാനം ​െചയ്യുംവിധമാണ്​ ചില മാധ്യമങ്ങൾ ദുരന്തം സംബന്ധിച്ച വാർത്ത നൽകിയതെന്ന്​ മുഖ്യമന്ത്രി തുറന്നടിച്ചു. ഇൗ രീതിയിലാണോ വാർത്ത നൽകേണ്ടതെന്ന്​ ആലോചിക്കണം.​ സർക്കാറിന്​ ലഭിച്ച ആറ്​ ബുള്ളറ്റിനുകളിൽ അഞ്ചിലും കൊടുങ്കാറ്റ്​ എന്ന പദമോ അതുസംബന്ധമായ മുന്നറിയി​േപ്പാ ഉണ്ടായിരുന്നില്ല. എന്നാൽ, മത്സ്യത്തൊഴിലാളികൾ കടലിൽ പോകരുതെന്ന മുന്നറിയിപ്പ്​ ഉണ്ടായിരുന്നുവെന്നും മുഖ്യമന്ത്രി വ്യക്തമാക്കി.

മുന്നറിയിപ്പ്​ ഉണ്ടായിട്ടും മത്സ്യത്തൊഴിലാളികളെ അത്​ അറിയിക്കാത്തതിനെ പ്രതിപക്ഷനേതാവ്​ ചോദ്യംചെയ്​തു. പ്രതിപക്ഷത്തെ ചില നേതാക്കൾ എരിതീയിൽ എണ്ണയൊഴിക്കുംവിധം പ്രവർത്തിച്ചുവെന്ന കടകംപള്ളിയുടെ അഭിപ്രായം​ തർക്കത്തിന്​ വഴിതുറന്നു​​. ദുരിതാശ്വാസ പ്രവർത്തനങ്ങളിൽ മുഖ്യമ​ന്ത്രിയുടെ ഭാഗത്തുനിന്ന്​ ഒരു വീഴ്​ചയും ഉണ്ടായിട്ടി​െല്ലന്ന്​ കാനം രാജേന്ദ്രൻ അറിയിച്ചു. എവിടെയും പോകാതെ മുഖ്യമന്ത്രി കാര്യങ്ങൾ നിയന്ത്രിച്ചു​െവന്ന്​ അദ്ദേഹം ചൂണ്ടിക്കാട്ടി. സർക്കാറിനുണ്ടായ വീഴ്​ച അംഗീകരിച്ചേ മതിയാകൂെവന്ന്​ എം.എം. ഹസൻ ആവശ്യപ്പെട്ടു. കേന്ദ്ര ഏജൻസികളിൽനിന്ന്​ മുന്നറിയിപ്പ്​ ലഭിച്ചിട്ടും മുൻകരുതൽ സ്വീകരിക്കുന്നതിൽ സർക്കാർ വീഴ്​ച വരുത്തിയതിനാലാണ്​ നിരവധിപേർ മരിച്ചതെന്ന്​ ഒ. രാജഗോപാൽ കുറ്റപ്പെടുത്തി.

സർവകക്ഷി യോഗത്തിന്​ മുമ്പ്​ മന്ത്രിമാരായ ഇ. ചന്ദ്രശേഖരൻ, കടകംപള്ളി സുരേന്ദ്രൻ എന്നിവർ വെള്ളയമ്പലം ബിഷപ് ഹൗസിലെത്തി ലത്തീൻ കത്തോലിക്ക സഭാധികൃതരുമായി ചർച്ച നടത്തി. സർക്കാർ പ്രഖ്യാപിച്ച പാക്കേജിൽ അതൃപ്​തി അറിയിച്ച സഭാനേതൃത്വം കൂടിയാലോചനകളില്ലാതെ പാക്കേജ്​ പ്രഖ്യാപിച്ചതിലെ അസംതൃപ്​തിയും അറിയിച്ചു. തുടർന്ന്​, അതൃപ്​തി പരിഹരിക്കാൻ ചർച്ച നടത്തുമെന്ന്​ മന്ത്രിസംഘം സഭാധികൃതർക്ക്​ ഉറപ്പുനൽകി. ദുരന്തത്തിൽ കാണാതായവരുടെ എണ്ണത്തി​​െൻറ കാര്യത്തിൽ വ്യക്തത വരുത്താൻ പൊലീസ്​ എഫ്​.​െഎ.ആർ രജിസ്​റ്റർ ​െചയ്യണമെന്ന സഭയുടെ ആവശ്യവും പരിഗണിക്കുമെന്ന്​ ഉറപ്പുനൽകി. സർവകക്ഷി യോഗത്തിന്​ മുമ്പ്​ ലത്തീൻ സഭ അധികൃതരുമായി ചർച്ച നടത്തണമെന്ന്​ ആവശ്യപ്പെട്ട്​​ വെള്ളിയാഴ്​ച രാവിലെ വി.എം. സുധീരൻ മുഖ്യമന്ത്രിക്ക്​ കത്ത്​ നൽകിയിരുന്നു.