വോട്ടെടുപ്പ്​ ദിവസം മണിപ്പൂരും ഭരണഘടനയും ഓർമിപ്പിച്ച്​ സഭ മേലധ്യക്ഷർ

കൊ​ച്ചി: വോ​ട്ടെ​ടു​പ്പ്​ ദി​വ​സം മ​ണി​പ്പൂ​രും ഭ​ര​ണ​ഘ​ട​ന​യും ഓ​ർ​മി​പ്പി​ച്ചും സൂ​ച​ന ന​ൽ​കി​യും​ ക്രൈ​സ്ത​വ സ​ഭ മേ​ല​ധ്യ​ക്ഷ​ർ. മ​ണി​പ്പൂ​ർ ക​ലാ​പം വി​ശ്വാ​സി​ക​ളി​ലു​ണ്ടാ​ക്കി​യ മു​റി​വ്​ തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ക്കു​മെ​ന്ന്​ ഈ ​പ്ര​തി​ക​ര​ണ​ങ്ങ​ളി​ലൂ​ടെ​യും വ്യ​ക്ത​മാ​യി. തെ​ര​ഞ്ഞെ​ടു​പ്പി​ന്​ മു​മ്പേ​ത​ന്നെ ച​ർ​ച്ച​യാ​യ വി​ഷ​യം വോ​ട്ട്​ ചെ​യ്ത​ശേ​ഷ​വും സ​ഭ മേ​ധാ​വി​ക​ളും ബി​ഷ​പ്പു​മാ​രും ഓ​ർ​മി​പ്പി​ച്ചു.

ഇ​നി​യും വോ​ട്ട്​ ​ചെ​യ്യു​ന്ന​തി​നു​ള്ള അ​വ​കാ​ശം സം​ര​ക്ഷി​ക്ക​പ്പെ​ട​ണ​മെ​ന്നും ഭ​ര​ണ​ഘ​ട​ന സം​ര​ക്ഷി​ക്ക​പ്പെ​ട​ണ​മെ​ന്ന​തി​നാ​ൽ സ​മ്മ​തി​ദാ​നാ​വ​കാ​ശം ശ​രി​യാ​യ ദി​ശ​യി​ൽ വി​നി​യോ​ഗി​ക്ക​ണ​മെ​ന്നും ​സ​ഭ മേ​ല​ധ്യ​ക്ഷ​ർ രാ​വി​ലെ​ത​ന്നെ ആ​ഹ്വാ​നം​​ചെ​യ്തു.

കേ​ന്ദ്ര​സ​ർ​ക്കാ​റി​നെ​തി​രെ​യാ​ണ്​ ‘മ​ണി​പ്പൂ​ർ’ തൊ​ടു​ത്തു​വി​ട്ട​ത്. ഇ​ക്കാ​ര​ണ​ത്താ​ൽ ബി.​ജെ.​പി​യു​ടെ ത​ന്ത്ര​ത്തി​ൽ ക്രൈ​സ്ത​വ​ർ വീ​ണു​പോ​കു​മാ​യി​രു​ന്ന സാ​ഹ​ച​ര്യം ഏ​റ​ക്കു​റെ ഇ​ല്ലാ​താ​യ​താ​യാ​ണ്​ വി​ല​യി​രു​ത്ത​ൽ. വോ​ട്ട​വ​കാ​ശം കൃ​ത്യ​മാ​യി വി​നി​യോ​ഗി​ക്ക​ണ​മെ​ന്ന ആ​ഹ്വാ​നം മു​മ്പെ​ന്ന​ത്തേ​ക്കാ​ളു​പ​രി വി​ശ്വാ​സി​ക​ൾ​ക്ക്​ ന​ൽ​കു​ന്ന​തി​ലും നേ​തൃ​ത്വം ശ്ര​ദ്ധി​ച്ചു.

സം​ഘ്പ​രി​വാ​ർ​ അ​നു​കൂ​ല തീ​വ്ര​ക്രൈ​സ്ത​വ ഗ്രൂ​പ്പു​ക​ൾ ഒ​ഴി​കെ ‘സ​ഭാ​വി​ളി​ക്ക്​’ ചെ​വി​കൊ​ടു​ത്ത​താ​യാ​ണ്​ ക​രു​തു​ന്ന​ത്. മ​ണി​പ്പൂ​രി​ന്‍റെ പേ​രി​ൽ ബി.​ജെ.​പി​ക്ക്​ എ​തി​രാ​കു​ന്ന വോ​ട്ടു​ക​ളി​ൽ മ​റ്റു മു​ന്ന​ണി​ക​ൾ പ്ര​തീ​ക്ഷ വെ​ക്കു​മ്പോ​ൾ സം​സ്ഥാ​ന ഭ​ര​ണ​ത്തി​നെ​തി​രാ​യ വി​കാ​രം എ​ൽ.​ഡി.​എ​ഫി​ന്​ വെ​ല്ലു​വി​ളി​യാ​ണ്.

മ​ണി​പ്പൂ​ർ ജ​ന​ത ഇ​പ്പോ​ഴും വേ​ദ​ന അ​നു​ഭ​വി​ക്കു​ന്നു​ണ്ടെ​ന്നും അ​വ​രോ​ടൊ​പ്പം നി​ല്‍ക്കാ​ന്‍ ആ​ഗ്ര​ഹി​ക്കു​ന്നു​വെ​ന്നും പ​റ​ഞ്ഞ തൃ​ശൂ​ര്‍ അ​തി​രൂ​പ​ത ബി​ഷ​പ് മാ​ര്‍ ആ​ന്‍ഡ്രൂ​സ് താ​ഴ​ത്താ​ണ്​​ അ​തി​രാ​വി​ലെ ആ​ദ്യ വെ​ടി ഉ​തി​ർ​ത്ത​ത്. മ​ണി​പ്പൂ​ർ വി​ഷ​യം കേ​ര​ള​ത്തി​ലും പ്ര​തി​ഫ​ലി​ക്കു​മെ​ന്ന്​ പ​റ​ഞ്ഞ അ​ദ്ദേ​ഹം, ഒ​രു​പാ​ട് ത​വ​ണ അ​വി​ട​ത്തെ വി​ഷ​യ​ങ്ങ​ൾ കേ​ന്ദ്ര​സ​ർ​ക്കാ​റി​നു മു​ന്നി​ൽ അ​വ​ത​രി​പ്പി​ച്ച​താ​ണെ​ന്നും ഓ​ർ​മ​പ്പെ​ടു​ത്തി.

ജ​നാ​ധി​പ​ത്യ​ത്തി​ന്‍റെ ഏ​റ്റ​വും വ​ലി​യ അ​ട​യാ​ള​മാ​ണ്​ സ​മ്മ​തി​ദാ​നാ​വ​കാ​ശ​മെ​ന്നും ഇ​ന്ന​ത്തെ വോ​ട്ട്​ നാ​ള​ത്തെ വോ​ട്ട​വ​കാ​ശം നി​ല​നി​ന്നു​കി​ട്ടു​ന്ന​തി​ന്​ കൂ​ടി​യാ​ണെ​ന്നു​മാ​ണ്​ ല​ത്തീ​ൻ അ​തി​രൂ​പ​ത ആ​ർ​ച്ബി​ഷ​പ്​ തോ​മ​സ് ജെ. ​നെ​റ്റോ പ്ര​തി​ക​രി​ച്ച​ത്​. സ​മ്മ​തി​ദാ​നാ​വ​കാ​ശം ജാ​ഗ്ര​ത​യോ​ടെ നി​ർ​വ​ഹി​ക്കാ​ൻ അ​ദ്ദേ​ഹ​വും ആ​ഹ്വാ​നം​ചെ​യ്തു.

എ​ല്ലാ​വ​ർ​ക്കും ഒ​രു​പോ​ലെ തു​ല്യ​ത​യും സു​ര​ക്ഷി​ത​ത്വ​വും കി​ട്ടു​ന്ന സ്ഥി​തി നാ​ട്​ ഭ​രി​ക്കു​ന്ന സ​ർ​ക്കാ​റി​നു​ണ്ടാ​ക​ണ​മെ​ന്ന ബോ​ധ്യ​ത്തി​ൽ വോ​ട്ട​വ​കാ​ശം വി​നി​യോ​ഗി​ക്ക​ണ​മെ​ന്ന അ​ഭ്യ​ർ​ഥ​ന​യാ​യി​രു​ന്നു സി​റോ മ​ല​ബാ​ർ​സ​ഭ അ​ധ്യ​ക്ഷ​ൻ മാ​ർ റാ​ഫേ​ൽ ത​ട്ടി​ലി​ൽ​നി​ന്നു​ണ്ടാ​യ​ത്. വോ​ട്ട​വ​കാ​ശം വി​നി​യോ​ഗി​ക്കേ​ണ്ട​ത്​ ജ​നാ​ധി​പ​ത്യം എ​ന്നും നി​ല​നി​ൽ​ക്കു​ന്ന​തി​ന്​ അ​നി​വാ​ര്യ​മാ​ണെ​ന്നാ​യി​രു​ന്നു വ​രാ​പ്പു​ഴ അ​തി​രൂ​പ​ത ആ​ർ​ച്​​ബി​ഷ​പ്​ ഡോ. ​ജോ​സ​ഫ് ക​ള​ത്തി​പ്പ​റ​മ്പി​ൽ അ​ഭി​പ്രാ​യ​പ്പെ​ട്ട​ത്.