വീടിന് തീപിടിച്ച്​ മാതാപിതാക്കളും മകളും മരിച്ചു

എ​രു​മേ​ലി: വീ​ടി​ന്​ തീ​പി​ടി​ച്ച്​ മാ​താ​പി​താ​ക്ക​ൾ​ക്കും മ​ക​ൾ​ക്കും ദാ​രു​ണാ​ന്ത്യം. മ​ക​ൻ പൊ​ള്ള​ലേ​റ്റ്​ ആ​ശു​പ​ത്രി​യി​ൽ. ജൂ​ബി​ലി സൗ​ണ്ട്സ് ഉ​ട​മ ശ്രീ​നി​പു​രം പു​ത്ത​ന്‍പു​ര​ക്ക​ല്‍ സ​ത്യ​പാ​ല​ന്‍ (52), ഭാ​ര്യ ശ്രീ​ജ (സീ​ത​മ്മ -48), മ​ക​ൾ അ​ഞ്ജ​ലി (26) എ​ന്നി​വ​രാ​ണ്​ മ​രി​ച്ച​ത്. മ​ക​ൻ അ​ഖി​ലേ​ഷി​ന്​ (ഉ​ണ്ണി​ക്കു​ട്ട​ന്‍ -22) 20 ശ​ത​മാ​നം പൊ​ള്ള​ലേ​റ്റു.

വെ​ള്ളി​യാ​ഴ്ച ഉ​ച്ച​ക്ക് 12.30ഓ​ടെ​യാ​ണ് അ​പ​ക​ടം. നി​ല​വി​ളി കേ​ട്ട് ഓ​ടി​യെ​ത്തി​യ നാ​ട്ടു​കാ​ർ വീ​ടി​ന​ക​ത്തു​നി​ന്ന്​ തീ ​ആ​ളി​പ്പ​ട​രു​ന്ന​താ​ണ് ക​ണ്ട​ത്. ഉ​ട​ൻ വെ​ള്ളം ഒ​ഴി​ച്ച് തീ ​അ​ണ​ക്കാ​ൻ ശ്ര​മം ആ​രം​ഭി​ച്ചു. ഇ​തി​നി​ടെ, വാ​തി​ൽ ത​ക​ർ​ത്ത് വീ​ടി​ന​ക​ത്തു​നി​ന്ന്​ ഓ​രോ​രു​ത്ത​രെ പു​റ​ത്തെ​ത്തി​ക്കു​ക​യാ​യി​രു​ന്നു. പൊ​ള്ള​ലേ​റ്റ നാ​ലു​പേ​രെ​യും ഏ​റെ​നേ​ര​ത്തെ ശ്ര​മ​ത്തി​നൊ​ടു​വി​ലാ​ണ് പു​റ​ത്തെ​ത്തി​ച്ച​ത്. കാ​ഞ്ഞി​ര​പ്പ​ള്ളി​യി​ൽ​നി​ന്ന്​ അ​ഗ്നി​ര​ക്ഷാ​സേ​ന പ്ര​വ​ർ​ത്ത​ക​രും സ്ഥ​ല​ത്തെ​ത്തി.

പൊ​ള്ള​ലേ​റ്റ നാ​ലു​പേ​രെ​യും എ​രു​മേ​ലി സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ​ത്തി​ച്ചെ​ങ്കി​ലും​ ശ്രീ​ജ ആ​ദ്യം മ​രി​ച്ചു. 90 ശ​ത​മാ​നം പൊ​ള്ള​ലേ​റ്റ സ​ത്യ​പാ​ല​നും അ​ഞ്ജ​ലി​യും മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ​ത്തി​യ​ശേ​ഷം വൈ​കീ​ട്ടാ​ണ്​​ മ​രി​ച്ച​ത്.

അ​ഞ്ജ​ലി മൂ​ന്നു​ദി​വ​സം മു​മ്പാ​ണ് വി​ദേ​ശ​ത്തു​നി​ന്നെ​ത്തി​യ​ത്. അ​ഞ്ജ​ലി​യെ വി​വാ​ഹം ക​ഴി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഒ​രു യു​വാ​വ് വ​ന്നു​പോ​യ​ശേ​ഷം വീ​ട്ടി​ൽ ത​ർ​ക്കം ന​ട​ന്നി​രു​ന്ന​താ​യി നാ​ട്ടു​കാ​ർ പ​റ​യു​ന്നു. ഇ​തി​നു​ശേ​ഷം ശ്രീ​ജ ആ​ത്മ​ഹ​ത്യ ഭീ​ഷ​ണി ഉ​യ​ർ​ത്തി​യി​രു​ന്ന​താ​യി അ​ഖി​ലേ​ഷ് പൊ​ലീ​സി​നോ​ട് പ​റ​ഞ്ഞു. തീ​പി​ടി​ത്ത​ത്തി​ൽ വീ​ട്ടു​പ​ക​ര​ണ​ങ്ങ​ൾ പൂ​ർ​ണ​മാ​യി ക​ത്തി​ന​ശി​ച്ചു.