പെരിന്തൽമണ്ണ തെരഞ്ഞെടുപ്പ് വിധി; അവസാനിക്കുന്നത് 40 മാസത്തെ നിയമയുദ്ധം

പെ​രി​ന്ത​ൽ​മ​ണ്ണ: പെ​രി​ന്ത​ൽ​മ​ണ്ണ നി​യ​മ​സ​ഭ മ​ണ്ഡ​ലം തെ​ര​ഞ്ഞെ​ടു​പ്പ് വോ​ട്ടെ​ണ്ണ​ലു​മാ​യി ബ​ന്ധ​പ്പെ​ട്ട ത​ർ​ക്ക​ത്തി​ൽ ഹൈ​കോ​ട​തി വി​ധി പ​റ​യു​ന്ന​ത് മൂ​ന്നേ കാ​ൽ വ​ർ​ഷ​ത്തെ നി​യ​മ​പോ​രാ​ട്ട​ത്തി​നു ശേ​ഷം.

ആ​വേ​ശ​ക​ര​മാ​യ തെ​ര​ഞ്ഞെ​ടു​പ്പി​ന്റെ ഫ​ലം കോ​ട​തി ക​യ​റി​യ​തോ​ടെ അ​ന്തി​മ തീ​ർ​പ്പ് എ​ന്താ​കു​മെ​ന്ന കാ​ത്തി​രി​പ്പി​ലാ​യി​രു​ന്നു വോ​ട്ട​ർ​മാ​ർ. ഇ​നി നി​യ​മ​യു​ദ്ധത്തിനില്ലെന്ന ഹ​ര​ജി​ക്കാ​ര​ൻ കെ.​പി.​എം. മു​സ്ത​ഫ​യു​ടെ പ്ര​തി​ക​ര​ണത്തോടെ പോരാട്ടത്തിന് അറുതിയായിരിക്കുകയാണ്.

വി​വാ​ദം ‘സ്​​പെ​ഷ​ൽ’

80 വ​യ​സ്സ് പി​ന്നി​ട്ട​വ​രും കോ​വി​ഡ് ബാ​ധി​ച്ച​വ​രും ഭി​ന്ന​ശേ​ഷി​ക്കാ​രും രേ​ഖ​പ്പെ​ടു​ത്തി​യ സ്പെ​ഷ​ൽ ത​പാ​ൽ വോ​ട്ടി​ൽ 348 എ​ണ്ണം അ​സാ​ധു​വാ​യി ക​ണ​ക്കാ​ക്കി മാ​റ്റി​യി​ട്ട​താ​ണ് പ​രാ​തി​ക്ക് ആ​ധാ​രം. ബാ​ല​റ്റു​ക​ളി​ൽ ക്ര​മ​ന​മ്പ​റി​ല്ലാ​ത്ത​തും ബ​ന്ധ​പ്പെ​ട്ട പോ​ളി​ങ് ഓ​ഫി​സ​റു​ടെ ഡി​ക്ല​റേ​ഷ​ൻ ഒ​പ്പി​ല്ലാ​ത്ത​തും ചൂ​ണ്ടി​ക്കാ​ട്ടി​യാ​യി​രു​ന്നു ഇ​വ അ​സാ​ധു​വാ​ക്കി​യ​ത്.

റി​ട്ടേ​ണി​ങ് ഓ​ഫി​സ​റാ​യ പെ​രി​ന്ത​ൽ​മ​ണ്ണ സ​ബ് ക​ല​ക്ട​ർ കെ.​എ​സ്. അ​ഞ്ജു​വാ​ണ് 348 വോ​ട്ടു​ക​ൾ സാ​ങ്കേ​തി​ക കാ​ര​ണ​ങ്ങ​ളാ​ൽ അ​സാ​ധു​വാ​ണെ​ന്ന് തീ​ർ​പ്പ് ക​ൽ​പി​ച്ച​ത്. 2021 മേ​യ് ര​ണ്ടി​ന് വോ​ട്ടെ​ണ്ണ​ൽ വേ​ള​യി​ൽ ത​ന്നെ റി​ട്ടേ​ണി​ങ് ഓ​ഫി​സ​ർ മു​മ്പാ​കെ കെ.​പി.​എം. മു​സ്ത​ഫ​യു​ടെ പ​രാ​തി നി​ല​നി​ൽ​ക്കു​ന്നു​ണ്ടാ​യി​രു​ന്നു. ഈ ​പ​രാ​തി​യു​മാ​യാ​ണ് തെ​ര​ഞ്ഞെ​ടു​പ്പി​ൽ ര​ണ്ടാം സ്ഥാ​ന​ത്തെ​ത്തി​യ കെ.​പി.​എം. മു​സ്ത​ഫ ഹൈ​കോ​ട​തി​യെ സ​മീ​പി​ച്ച​ത്.

വോ​ട്ടു​വ്യ​ത്യാ​സം 38

മ​ണ്ഡ​ല​ത്തി​ലെ 2,17,959 വോ​ട്ട​ർ​മാ​രി​ൽ 1,65616 പേ​രാ​ണ് വോ​ട്ട് രേ​ഖ​പ്പെ​ടു​ത്തി​യി​രു​ന്ന​ത്. യു.​ഡി.​എ​ഫ് സ്ഥാ​നാ​ർ​ഥി ന​ജീ​ബ് കാ​ന്ത​പു​രം 76,530 വോ​ട്ടും ഇ​ട​ത് സ്വ​ത​ന്ത്ര സ്ഥാ​നാ​ർ​ഥി കെ.​പി.​എം. മു​സ്ത​ഫ 76,492 വോ​ട്ടും നേ​ടി. 38 വോ​ട്ടി​ന്റെ വ്യ​ത്യാ​സ​ത്തി​ലാ​യി​രു​ന്നു ന​ജീ​ബി​ന്റെ വി​ജ​യം. ന​ജീ​ബി​ന്റെ വി​ജ​യ​ത്തി​നെ​തി​രെ കെ.​പി.​എം. മു​സ്ത​ഫ ന​ൽ​കി​യ ഹ​ര​ജി​യി​ൽ വി​ശ​ദ​മാ​യ വാ​ദം കേ​ട്ട ശേ​ഷ​മാ​ണ് 2022 ന​വം​ബ​ർ 11ന് ​ഹ​ര​ജി നി​ല​നി​ൽ​ക്കു​മെ​ന്ന് ഹൈ​കോ​ട​തി വി​ധി​ച്ച​ത്. തു​ട​ർ​ന്ന് മ​ണ്ഡ​ല​ത്തി​ലെ ത​പാ​ൽ വോ​ട്ട്, എ​ണ്ണി​യ​ത്, നി​ര​സി​ച്ച​ത്, അ​സാ​ധു​വാ​യ​ത്, ടെ​ൻ​ഡ​ർ വോ​ട്ട്, വോ​ട്ടു​ക​ൾ എ​ണ്ണി​യ​തി​ന്റെ വി​ഡി​യോ ഫൂ​ട്ടേ​ജ് അ​ട​ക്ക​മു​ള്ള​വ ഹൈ​കോ​ട​തി​യി​ലേ​ക്ക് മാ​റ്റാ​ൻ ര​ജി​സ്ട്രാ​ർ ഉ​ത്ത​ര​വി​ട്ടി​രു​ന്നു.

വി​വാ​ദം, സ​സ്​​പെ​ൻ​സ്

ത​പാ​ൽ വോ​ട്ടു​ക​ളും വോ​ട്ടെ​ണ്ണ​ലി​ന്റെ വി​ഡി​യോ ഫൂ​ട്ടേ​ജും ഉ​ൾ​പ്പെ​ടെ ഹൈ​കോ​ട​തി​യി​ലേ​ക്ക് മാ​റ്റാ​നു​ള്ള ന​ട​പ​ടി​ക്കി​ടെ​യാ​ണ് ഉ​ദ്യോ​ഗ​സ്ഥ​രെ മു​ൾ​മു​ന​യി​ൽ നി​ർ​ത്തി​യ വി​വാ​ദം ഉ​യ​ർ​ന്ന​ത്. സ​ബ് ട്ര​ഷ​റി സ്ട്രോ​ങ് റൂ​മി​ൽ സൂ​ക്ഷി​ച്ച സ്പെ​ഷ​ൽ ത​പാ​ൽ വോ​ട്ടു​പെ​ട്ടി കാ​ണാ​നി​ല്ലെ​ന്ന വി​വ​രം പ​ല ത​ര​ത്തി​ലു​ള്ള ഊ​ഹാ​പോ​ഹ​ങ്ങ​ൾ​ക്ക് വ​ഴി​വെ​ച്ചു. പെ​രി​ന്ത​ൽ​മ​ണ്ണ സ​ബ് ട്ര​ഷ​റി​യി​ൽ സൂ​ക്ഷി​ച്ചി​രു​ന്ന സ്പെ​ഷ​ൽ ത​പാ​ൽ വോ​ട്ടു​പെ​ട്ടി ഹൈ​കോ​ട​തി ഉ​ത്ത​ര​വി​നെ തു​ട​ർ​ന്ന് ഹൈ​കോ​ട​തി​യി​ലേ​ക്ക് മാ​റ്റാ​നാ​യി സ്ട്രോ​ങ് റൂം ​തു​റ​ന്ന​ത് 2022 ജ​നു​വ​രി 16നാ​ണ്. എ​ന്നാ​ൽ, മാ​റ്റേ​ണ്ട പെ​ട്ടി ന​ഷ്ട​പ്പെ​ട്ടി​രു​ന്നു. പി​ന്നീ​ട് ന​ട​ത്തി​യ അ​ന്വേ​ഷ​ണ​ത്തി​ൽ മ​ല​പ്പു​റ​ത്ത് സ​ഹ​ക​ര​ണ വ​കു​പ്പ് ജോ​യ​ന്റ് ര​ജി​സ്ട്രാ​റു​ടെ ഓ​ഫി​സി​ൽ​നി​ന്ന് പെ​ട്ടി ക​ണ്ടെ​ത്തി.

സ​സ്​​പെ​ൻ​ഷ​ൻ, തി​രി​ച്ചെ​ടു​ക്ക​ൽ

നി​യ​മ​സ​ഭ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പ് ന​ട​ന്ന ത​ദ്ദേ​ശ തെ​ര​ഞ്ഞെ​ടു​പ്പി​ലെ ത​പാ​ൽ വോ​ട്ടു​ക​ൾ അ​ട​ങ്ങി​യ പെ​ട്ടി നി​ശ്ചി​ത കാ​ലം ക​ഴി​ഞ്ഞ് ന​ശി​പ്പി​ക്കാ​നാ​യി കൊ​ണ്ടു​പോ​യ ഘ​ട്ട​ത്തി​ൽ പെ​ട്ടി​യി​ലെ ന​മ്പ​ർ മാ​റി നി​യ​മ​സ​ഭ തെ​ര​ഞ്ഞെ​ടു​പ്പി​ലെ വി​വാ​ദ വോ​ട്ടു​പെ​ട്ടി കൊ​ണ്ടു​പോ​യ​താ​ണെ​ന്ന് പി​ന്നീ​ട് വ്യ​ക്ത​മാ​യി.

തെ​ര​ഞ്ഞെ​ടു​പ്പ് ക​മീ​ഷ​നെ​യ​ട​ക്കം കേ​സി​ൽ ക​ക്ഷി ചേ​ർ​ത്താ​ണ് പി​ന്നീ​ട് ഹൈ​കോ​ട​തി​യി​ൽ കേ​സ് ന​ട​പ​ടി​ക​ൾ നീ​ങ്ങി​യ​ത്. സം​ഭ​വ​ത്തി​ന്റെ പേ​രി​ൽ പെ​രി​ന്ത​ൽ​മ​ണ്ണ സ​ബ് ട്ര​ഷ​റി ഓ​ഫി​സ​റെ​യും സ്ട്രോ​ങ് റൂ​മി​ന്റെ ചു​മ​ത​ല​യു​ള്ള കാ​ഷ്യ​റെ​യും സ​സ്പെ​ൻ​ഡ് ചെ​യ്തി​രു​ന്നു. ഇ​വ​രെ പി​ന്നീ​ട് തി​രി​ച്ചെ​ടു​ത്തു.

പൊതുപ്രവർത്തനത്തിന് ഊർജം തരുന്ന വിധി -നജീബ് കാന്തപുരം

പെ​രി​ന്ത​ൽ​മ​ണ്ണ: ഹൈ​കോ​ട​തി വി​ധി പൊ​തു​പ്ര​വ​ർ​ത്ത​ക​നെ​ന്ന നി​ല​യി​ൽ ഊ​ർ​ജം ത​രു​ന്ന​തും ജു​ഡീ​ഷ്യ​റി​യി​ൽ വ​ലി​യ വി​ശ്വാ​സം വ​രു​ന്ന​തു​മാ​ണെ​ന്ന് ന​ജീ​ബ് കാ​ന്ത​പു​രം എം.​എ​ൽ.​എ. വി​ധി​യി​ൽ വ​ള​രെ സ​ന്തോ​ഷ​മു​ണ്ട്. ആ​യി​ര​ക്ക​ണ​ക്കി​ന് പ്ര​വ​ർ​ത്ത​ക​രു​ടെ പ്രാ​ർ​ഥ​ന​യാ​ണ് ഇ​തി​നു പി​ന്നി​ൽ. പ്ര​വ​ർ​ത്ത​ക​രും നേ​താ​ക്ക​ളും ന​ൽ​കി​യ പി​ന്തു​ണ വ​ലു​താ​ണ്. സാ​ധാ​ര​ണ​ക്കാ​ർ​ക്കു​വേ​ണ്ടി കൂ​ടു​ത​ൽ ഊ​ർ​ജ​സ്വ​ല​നാ​വു​മെ​ന്നും അ​മേ​രി​ക്ക​യി​ൽ കോ​ൺ​ഫ​റ​ൻ​സി​ൽ പ​ങ്കെ​ടു​ക്കാ​ൻ പോ​യ ന​ജീ​ബ് കാ​ന്ത​പു​രം വി​ഡി​യോ സ​ന്ദേ​ശ​ത്തി​ൽ അ​റി​യി​ച്ചു.ക​ഴി​ഞ്ഞ മൂ​ന്നേ​കാ​ൽ വ​ർ​ഷം പ്ര​വ​ർ​ത്തി​ച്ച​ത് പെ​രി​ന്ത​ൽ​മ​ണ്ണ​യി​ലെ സാ​ധാ​ര​ണ​ക്കാ​രാ​യ മ​നു​ഷ്യ​ർ​ക്കു​വേ​ണ്ടി​യാ​ണ്. പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ, പി.​കെ. കു​ഞ്ഞാ​ലി​ക്കു​ട്ടി, മു​ന​വ്വ​റ​ലി ശി​ഹാ​ബ് ത​ങ്ങ​ൾ തു​ട​ങ്ങി​യ​വ​ർ ന​ൽ​കി​യ​ത് വ​ലി​യ പി​ന്തു​ണ​യാ​യി​രു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.