'സി.പി.എം രാഹുലിന്റെ കരങ്ങൾക്ക് ശക്തി പകരുകയാണ് വേണ്ടത്' -രാഹുൽ ഗാന്ധിക്കെതിരായ സി.പി.എം ബാനറിനെതിരെ കുഞ്ഞാലിക്കുട്ടി

തിരുവന്തപുരം: ഭാരത് ജോഡോ യാത്ര' നയിക്കുന്ന കോൺഗ്രസ് നേതാവ് രാഹുൽ ഗാന്ധിയെ പരിഹസിക്കുന്ന സി.പി.എം ബാനറിനെതിരെ മുസ്‍ലിം ലീഗ് നേതാവ് പി.കെ. കുഞ്ഞാലിക്കുട്ടി. സി.പി.എമ്മിന്റെ ഭാഗത്ത് നിന്ന് അങ്ങനെ ഉണ്ടാകാൻ പാടില്ലായിരുന്നുവെന്ന് കുഞ്ഞാലിക്കുട്ടി ചൂണ്ടിക്കാട്ടി.

സി.പി.എം രാഹുലിന്റെ കരങ്ങൾക്ക് ​ശക്തി പകരുകയാണ് വേണ്ടതെന്നും കുഞ്ഞാലിക്കുട്ടി പറഞ്ഞു.രാഹുൽ ഗാന്ധിയുമായി കോൺഗ്രസ് നേതാക്കൾ ചർച്ച നടത്തിയിരുന്നു. ബി.ജെ.പിക്കെതിരെ പോരാട്ടം നയിക്കാൻ കോൺഗ്രസിനു മാത്രമേ കഴിയുകയുള്ളൂ. ഈ പോരാട്ടത്തിൽ സി.പി.എമ്മും അണിചേരണമെന്നും ലീഗ് നേതാക്കൾ ആവശ്യപ്പെട്ടു. 

ചെറുകരയിലെ ഏലംകുളം സി.പി.എം ലോക്കൽ കമ്മിറ്റി ഓഫിസ് ആയ എ.കെ.ജി സ്മാരക മന്ദിരത്തിലാണ് ഡി.വൈ.എഫ്.ഐയുടെ പേരിൽ രാഹുലിനെതിരെ ബാനർ കെട്ടിയത്.'പൊറോട്ടയല്ല... പെരിന്തൽമണ്ണയിൽ കുഴിമന്തിയാണ് ബെസ്റ്റ്...' എന്നാണ് കറുത്ത ബാനറിൽ എഴുതിയിട്ടുള്ളത്. ഡി.വൈ.എഫ്.ഐ ഏലംകുളം കമ്മിറ്റിയുടെ പേരാണ് ബാനറിലുള്ളത്. ഭാ​ര​ത് ജോ​ഡോ ​യാ​ത്ര പു​ലാ​മ​ന്തോ​ൾ ജങ്ഷനി​ൽ നി​ന്ന് പൂ​പ്പ​ല​ത്തേക്ക് വരുന്ന വഴിയാണ് ബാനർ കെട്ടിയിരിക്കുന്നത്.

മലപ്പുറം ജി​ല്ല​യി​ൽ പ്രവേശിച്ച ഭാ​ര​ത് ജോ​ഡോ ​യാ​ത്രക്കും രാ​ഹു​ൽ ഗാ​ന്ധിക്കും വൻ വരവേൽപ്പാണ് കോൺഗ്രസ് പ്രവർത്തകർ അടക്കമുള്ളവർ നൽകിയത്. പ്രവർത്തകർ കൈവീശിയും ബാനർ ഉയർത്തിയും മുദ്രാവാക്യം വിളിച്ചും പദയാത്രക്ക് പിന്തുണ അറിയിച്ചു. രാ​വി​ലെ 6.30ന് ​പു​ലാ​മ​ന്തോ​ൾ ജങ്ഷനി​ൽ നി​ന്നാ​രം​ഭി​ച്ച ജാ​ഥ ഉ​ച്ച​ക്ക് പെ​രി​ന്ത​ൽ​മ​ണ്ണ പൂ​പ്പ​ല​ത്ത് ഉ​ച്ച​ഭ​ക്ഷ​ണ​ത്തി​നും വി​ശ്ര​മ​ത്തി​നു​മാ​യി പി​രി​യും. ഉ​ച്ച​ക്ക് ശേ​ഷം പ​ട്ടി​ക്കാ​ട് നി​ന്ന് ആ​രം​ഭി​ക്കു​ന്ന യാ​ത്ര വൈ​കീ​ട്ട് ഏ​ഴി​ന്​ പാ​ണ്ടി​ക്കാ​ട് സ​മാ​പി​ക്കും. തച്ചിങ്ങനാടം ഹൈസ്കൂളിലാണ് രാത്രി വിശ്രമം.