അങ്കമാലി: ദേശീയപാതയിൽ അങ്കമാലി കറുകുറ്റി പഞ്ചായത്തോഫീസിന് സമീപം അജ്ഞാത വഹനമിടിച്ച് സ്കൂട്ടർ യാത്രികനായ യുവാവ് മരിച്ച നിലയിൽ. കറുകുറ്റി അസീസി നഗറിൽ മേനാച്ചേരി വീട്ടിൽ ദേവസിയുടെ മകൻ ജെസ്‌റ്റോയാണ് (35) മരിച്ചത്.
നെടുമ്പാശ്ശേരി മേയ്ക്കാട് സ്പൈക് സ്പോർട്സ് വെയറിൽ ' ഗ്രാഫ് ഡിസൈനറാ'ണ്. ശനിയാഴ്ച രാത്രി 9.45ഓടെ ജെസ്റ്റോ ജോലി കഴിഞ്ഞ് വീട്ടിലേക്ക് മടങ്ങുമ്പോൾ പിന്നിൽ വന്ന വാഹനം ഇടിച്ചായിരുന്നു അപകടം.
അപകടത്തിനിടയാക്കിയ വാഹനം നിർത്താതെ പോയി. അവശനിലയിൽ ഏറെനേരം റോഡിൽ കിടന്ന ജെസ്റ്റോയെ വഴിയാത്രക്കാർ തൊട്ടടുത്ത സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം അങ്കമാലി താലൂക്ക് ആശുപത്രിയിൽ പോസ്റ്റ്മോർട്ടം നടത്തി.
ഭാര്യ: അങ്കമാലി ഇടശ്ശേരി കുടുംബാംഗം ഹെലൻ മകൾ: ജോഹാൻ.അമ്മ: ആനി.സഹോദരി: ജെസി. സംസ്കാരം തിങ്കളാഴ്ച രാവിലെ 10ന് കറുകുറ്റി ക്രിസ്തുരാജ പള്ളി സെമിത്തേരിയിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.