മാന്തുരുത്തി കുരിശുകവലയിൽ വിദ്യാർഥികൾ സഞ്ചരിച്ച വാൻ ബസിടിച്ച് തകർന്ന നിലയിൽ
മാന്തുരുത്തി: സ്‌കൂൾ കുട്ടികൾ സഞ്ചരിച്ച വാനിന് പിന്നിൽ അമിതവേഗത്തിലെത്തിയ സ്വകാര്യബസ് ഇടിച്ച് ഏഴുവിദ്യാർഥികൾക്ക് പരിക്ക്. ചമ്പക്കര സെന്റ് ജോസഫ് യു.പി.സ്‌കൂൾ വിദ്യാർഥികളായ ആൻമരിയ (ഏഴ്), അർജുൻ എസ്.നായർ (ഏഴ്), ഡെൽമ സെന്താൾ സാബു (12) എന്നിവർക്കും മറ്റ് നാലു കുട്ടികൾക്കുമാണ് നിസ്സാര പരിക്കേറ്റത്.വെള്ളിയാഴ്ച രാവിലെ 9.30ന് മാന്തുരുത്തി കുരിശുകവലയിലായിരുന്നു അപകടം.
റോഡരികിൽ നിർത്തി വിദ്യാർഥികളെ കയറ്റുമ്പോൾ കുമളിയിൽനിന്നും ചങ്ങനാശ്ശേരിയിലേക്ക് പോയ കൂടത്തിൽ ബസ് വാനിന് പിന്നിലിടിക്കുകയായിരുന്നു. ഈ സമയം കുട്ടികൾ വാനിന് പിന്നിലെ സീറ്റിലില്ലാതിരുന്നതിനാൽ വൻ അപകടം ഒഴിവായി. മറ്റ് സീറ്റിൽനിന്നും തെറിച്ചുവീണും മുഖമിടിച്ചുമാണ് ഇവർക്ക് പരിക്കേറ്റത്.
കുട്ടികളെ നാട്ടുകാർ ചേർന്ന് കറുകച്ചാലിലെ സ്വകാര്യാശുപത്രിയിൽ പ്രവേശിപ്പിച്ചശേഷം പ്രാഥമികചികിത്സ നൽകി വിട്ടയച്ചു. വാനിന്റെ പിൻവശവും ബസിന്റെ മുൻഭാഗവും ഭാഗികമായി തകർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.