തിരുവനന്തപുരം: എം.ബി. രാജേഷ് മന്ത്രിയായതോടെ പുതിയ സ്പീക്കറെ തിങ്കളാഴ്ച തെരഞ്ഞെടുക്കും. ഇതിനായി നിയമസഭ തിങ്കളാഴ്ച രാവിലെ 10ന് സമ്മേളിക്കും. സ്പീക്കർ സ്ഥാനത്തേക്ക് എ.എൻ. ഷംസീറിനെയാണ് ഇടതുമുന്നണി തീരുമാനിച്ചത്. എ. അൻവർ സാദത്തിനെ പ്രതിപക്ഷവും മത്സര രംഗത്തിറക്കി. ഇരുവരും പത്രിക നൽകിയിട്ടുണ്ട്. ഡെപ്യൂട്ടി സ്പീക്കറാകും സഭ നയിക്കുക. തുടർന്ന്, വോട്ടെടുപ്പ് നടക്കും. സഭയിലെ കക്ഷി നിലയനുസരിച്ച് എ.എൻ. ഷംസീറിന്റെ വിജയം ഉറപ്പാണ്. തലശ്ശേരിയിൽ നിന്നുള്ള അംഗമാണ് ഷംസീർ. പുതിയ സ്പീക്കർ സഭയിൽ തന്നെ ചുമതലയേൽക്കും. തിങ്കളാഴ്ച തന്നെ സഭ അനിശ്ചിതകാലത്തേക്ക് പിരിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.