അ​ന്തി​യു​റ​ങ്ങാ​ൻ ​ഷെ​ഡ്, ദു​രി​ത ജീ​വി​ത​വു​മാ​യി സു​ലോ​ച​ന​യും കു​ടും​ബ​വും

പൊ​ഴു​ത​ന: അ​ന്തി​യു​റ​ങ്ങാ​ൻ വാ​സ​യോ​ഗ്യ​മാ​യ വീ​ടി​ല്ലാ​തെ ദു​രി​തം പേ​റു​ക​യാ​ണ് സു​ലോ​ച​ന​യും കു​ടും​ബ​വും. പൊ​ഴു​ത​ന പ​ഞ്ചാ​യ​ത്തി​ലെ അ​മ്മാ​റ പാ​പ്പാ​ല പ്ര​ദേ​ശ​ത്തെ പു​റ​മ്പോ​ക്ക് ഭൂ​മി​യി​ൽ പ്ലാ​സ്റ്റി​ക് ഷീ​റ്റു​ക​ൾ കെ​ട്ടി​യ കൂ​ര​യി​ലാ​ണ് സു​ലോ​ച​ന​യും ഭ​ർ​ത്താ​വും ര​ണ്ടു മ​ക്ക​ളും അ​ട​ങ്ങു​ന്ന കു​ടും​ബം ക​ഴി​യു​ന്ന​ത്. കേ​ൾ​വി ശ​ക്തി പൂ​ർ​ണ​മാ​യി ന​ഷ്ട​മാ​വു​ക​യും കാ​ഴ്ച മ​ങ്ങു​ക​യും ചെ​യ്ത സു​ലോ​ച​ന നി​ത്യ​രോ​ഗി​യാ​ണ്. കൂ​ലി​പ്പ​ണി​ക്കാ​ര​നാ​യ ഭ​ർ​ത്താ​വ് സ​ലിം​കു​മാ​റാ​ണ് ഏ​ക ആ​ശ്ര​യം. രോ​ഗി​യാ​യ ഭാ​ര്യ​ക്ക് മ​രു​ന്നു വാ​ങ്ങാ​ൻ പോ​ലും ക​ഴി​യാ​ത്ത സ്ഥി​തി​യി​ലാ​ണ് ഇ​ദ്ദേ​ഹം.

ചെ​റി​യ മ​ഴ ചാ​റി​യാ​ൽ ഷെ​ഡ് ചോ​ർ​ച്ച​യി​ൽ മു​ങ്ങും. പൊ​ഴു​ത​ന ചു​ണ്ടേ​ൽ റൂ​ട്ടി​ൽ വൈ​ത്തി​രി പൊ​ഴു​ത​ന പ​ഞ്ചാ​യ​ത്തു​ക​ളോ​ട് അ​തി​ർ​ത്തി പ​ങ്കി​ടു​ന്ന പു​റ​മ്പോ​ക്ക് ഭൂ​മി​യി​ലാ​ണ് ഇ​വ​രു​ള്ള​ത്. കൂ​ര​യി​ൽ ശു​ചി​മു​റി, കു​ടി​വെ​ള്ളം തു​ട​ങ്ങി​യ അ​ടി​സ്ഥാ​ന സൗ​ക​ര്യ​ങ്ങ​ൾ ല​ഭ്യ​മ​ല്ല. വ​യ​ൽ പ്ര​ദേ​ശ​മാ​യ​തി​നാ​ൽ മ​ഴ​ക്കാ​ലത്ത് വെ​ള്ള​പ്പൊ​ക്ക ഭീ​ഷ​ണി നി​ല​നി​ൽ​ക്കും. ഭൂ​ര​ഹി​ത​രാ​യ ഈ ​കു​ടും​ബം ഒ​രു പ​തി​റ്റാ​ണ്ടാ​യി വീ​ടി​നും സ്ഥ​ല​ത്തി​നു​മാ​യി പ​ഞ്ചാ​യ​ത്ത് അ​ധി​കാ​രി​ക​ൾ​ക്ക് മു​ന്നി​ൽ ക​യ​റി​യി​റ​ങ്ങി​യി​ട്ടും ന​ട​പ​ടി​യു​മു​ണ്ടാ​യി​ട്ടി​ല്ല.